គុណភាព​នៃ​វិស័យ​​អប់រំ​ ដែល​រង​ការ​រិះគន់​ជា​យូរ​មកហើយ​នោះ កំពុង​តែ​ក្លាយ​ទៅ​ជា​វិញ្ញាសា​មួយ​ធ្វើ​តេស្ត​សមត្ថភាព លោក ហង់ ជួន​ណារ៉ុន រដ្ឋមន្ត្រី​ក្រសួង​អប់រំ​ថ្មី ដែល​បញ្ចប់​ថ្នាក់​បណ្ឌិត​ផ្នែក​សេដ្ឋកិច្ច នៅ​ប្រទេស​រុស្ស៊ី។ ដោយ​ស្ថិត​នៅ​ក្នុង​ការ​ចាប់​ផ្តើម​អនុវត្ត​នូវ​យុទ្ធសាស្ត្រ​​​នៃ​​ការ​ធ្វើ​កំណែ​ទម្រង់​ស៊ី​ជម្រៅ​ទៅ​លើ​ប្រព័ន្ធ​អប់​រំ ដែល​កំពុង​មាន​វិបត្តិ​នេះ ធ្វើ​ឲ្យ​អ្នក​សេដ្ឋកិច្ច​រូប​នេះ ខិត​ខំ​ធ្វើ​ការ​ទាំង​យប់​ទាំង​ថ្ងៃ​ស្ទើរ​តែ​គ្មាន​ពេល​សម្រាក​ឡើយ ដោយ​​មួយ​​យប់​អាច​គេង​បាន​​តែ​ ៣ ម៉ោង​ប៉ុណ្ណោះ។