ភ្នំពេញៈ សាលា​ដំបូង​រាជធានី​ភ្នំពេញ កាល​ពី​ថ្ងៃ​សុក្រ បាន​លើក​យក​សំណុំ​រឿង​លោក​ឧកញ៉ា កុក អាន ប្រធាន​ក្រុម​ហ៊ុន អានកូ ប្រាដ័រ ដែល​ប្តឹង​លោក ហេង ឈាង អតីត​អគ្គ​នាយក​រង​ក្រុម​ហ៊ុន អានកូ ប្រាដ័រ និង​អ្នក​ស្រី ទេព កុលាប សាកល​វិទ្យាធិការ​នៃ​សាកល​វិទ្យាល័យ​ភ្នំពេញ​អន្តរជាតិ (PPIU) ពី​បទ «បរិហារកេរ្តិ៍​ជា​សាធារណៈ» កាល​ពី​អំឡុង ឆ្នាំ​២០១២ និង​ទាមទារ​ជំងឺ​ចិត្ត ១ លាន​ដុល្លារ​អាមេរិក មក​ធ្វើ​ការ​ជំនុំ​ជម្រះ​ប៉ុន្តែ បាន​សម្រេច​លើក​ការ​ប្រកាស​សាល​ក្រម​ទៅ​ពេល​ក្រោយ។