ក្រុងឆាងឈុនៈ កិច្ចប្រជុំកំពូលសហគ្រាសចិន ជប៉ុន និងកូរ៉េខាងត្បូងលើកទី ១ ដែលបានរៀបចំធ្វើឡើងនៅថ្ងៃសៅរ៍ចុងសប្តាហ៍មុនបានទាក់ទាញសហគ្រាសជាង ២៤០ មកពីប្រទេសចិន ជប៉ុន និងកូរ៉េ ដើម្បីលើកកម្ពស់កិច្ចសហប្រតិបត្តិការក្នុងឧស្សាហកម្ម 5G។
ជាព្រឹត្តិការណ៍សំខាន់មួយនៃពិព័រណ៍អាស៊ីឦសានចិនដែលបានរៀបចំធ្វើឡើងនៅទីក្រុងឆាងឈុននៃខេត្តជីលីន ប្រទេសចិន កិច្ចប្រជុំកំពូលនេះបានផ្តោតលើឱកាសនានាក្នុងសករាជ 5G សម្រាប់សហគ្រាសធុនតូច និងមធ្យម។
វាគ្មិនកិត្តិយសមកពីប្រទេសទាំង ៣ ត្រូវបានអញ្ជើញឲ្យមកពិភាក្សាអំពីរបៀបដែល 5G នឹងផ្តល់អំណាចដល់ឧស្សាហកម្ម បច្ចុប្បន្ននិងអនាគតនៃឧស្សាហកម្មវៃឆ្លាតរបស់ជប៉ុន កិច្ចសហប្រតិបត្តិការរវាងចិន-កូរ៉េ ស្តីពីបច្ចេកវិទ្យាព័ត៌មាន និងទូរគមនាគមន៍។ សហគ្រាសដែលចូលរួមក៏បានរៀបចំការពិភាក្សាពីធុរកិច្ចផងដែរ។
លោក Zhu Tianshu អភិបាលរងខេត្តជីលីនបានថ្លែងថា ខេត្តជីលីននឹងផ្តល់ការគាំទ្រពេញលេញដល់សហគ្រាសរបស់ប្រទេសទាំង ៣ តាមរយៈការសាងសង់រួមគ្នានូវសួនឧស្សាហកម្មរួមគ្នារុករកទីផ្សារពិភពលោក លើកកម្ពស់សេវាហិរញ្ញវត្ថុ ពង្រឹងការការពារកម្មសិទ្ធិបញ្ញា និងពង្រឹងការបណ្តុះបណ្តាលអ្នកដែលមានទេពកោសល្យ។
លោក Han Mei អគ្គលេខាធិការរងនៃលេខាធិការដ្ឋានកិច្ចសហប្រតិបត្តិការត្រីភាគីបានថ្លែងថា ឆ្នាំនេះជាខួបលើកទី ២០ នៃកិច្ចសហប្រតិបត្តិការត្រីភាគីរវាងប្រទេសទាំង ៣។ លោកបន្ថែមថាក្នុងនាមជាប្រទេសមហាអំណាចបច្ចេកវិទ្យាប្រទេសទាំង ៣ ត្រូវបានរំពឹងថានឹងពង្រឹងការអនុវត្តការស្រាវជ្រាវ និងអភិវឌ្ឍន៍ (R&-D) និងបច្ចេកវិទ្យា 5G ស្ថិតក្រោមកិច្ចសហប្រតិបត្តិការពហុភាគី៕ P.Daily/KC
