ភ្នំពេញៈលោក យង់ គិមអេង ប្រធានមជ្ឈមណ្ឌលប្រជាពលរដ្ឋដើម្បីអភិវឌ្ឍន៍និងសន្តិភាព បានលើកឡើងថា លោកចង់ឱ្យសមត្ថកិច្ចបំពេញតួនាទីបន្ថែមទៀត ខណៈដែលមានព្រឹត្តិការណ៍បុណ្យទានដើម្បីកុំឱ្យជនឧក្រិដ្ឋឆ្លៀតឱកាសប្រព្រឹត្តបទល្មើសផ្សេងៗ។ លោកបានលើកឡើងដូចនេះ ដោយមើលឃើញថា ជាទូទៅបញ្ហាដែលកើតឡើងមួយរយៈក្រោយមកនេះ ក្នុងពិធីបុណ្យធំៗ ដូចជាថ្ងៃបុណ្យឆ្លងឆ្នាំសកលឆ្នាំ២០២២ មនុស្សជាច្រើនមានការជួបជុំ ដើម្បីសប្បាយដោយនាំគ្នាសេពគ្រឿងស្រវឹង ឬសេពគ្រឿងញៀន ដែលជាហេតុងាយបង្កឱ្យមានជម្លោះ ឬអាចឈានដល់ការប្រើប្រាស់អាវុធខុសច្បាប់ជាដើម។ បើកាលណាមានព្រឹត្តិការណ៍បុណ្យទានហើយ លោកថា ក្រុមឧក្រិដ្ឋជនបានឆ្លៀតឱកាសក្នុងការជួញដូរនិងប្រើប្រាស់គ្រឿងញៀន ជាពិសេសការសេពគ្រឿងស្រវឹងចេះតែមានការកើនឡើងទៅៗ ខណៈដែលសមត្ថកិច្ចអំឡុងពេលមានព្រឹត្តិការណ៍បុណ្យទាននេះ ដូចជា មិនសូវយកចិត្តទុកដាក់ខ្លាំងក្នុងការការពារសន្តិសុខ ក៏ដូចជា ការបង្ក្រាបគ្រឿងញៀនផងដែរ។ លោក យង់ គិមអេង បានបញ្ជាក់ថា ៖ «ការខ្វះភាពយកចិត្តទុកដាក់របស់សមត្ថកិច្ច ខណៈពេលនេះហើយដែលធ្វើឱ្យមានក្រុមឧក្រិដ្ឋជន ធ្វើការឆ្លៀតឱកាសក្នុងការជួញដូរគ្រឿងញៀន និងការបាញ់បោះដោយសេរី គ្មានការភ័យខ្លាចឡើយ»។ ជុំវិញបញ្ហានេះ ជាដំណោះស្រាយ គឺសមត្ថកិច្ចត្រូវមានការរឹតត្បិត និងត្រូវយកចិត្តទុកដាក់បំពេញតួនាទីដោយមានការទទួលខុសត្រូវក្នុងពេលដែលមានបុណ្យទានម្ដងៗដែលត្រូវធ្វើយ៉ាងណាកុំឱ្យមានឧក្រិដ្ឋជនមកធ្វើការឆ្លៀតឱកាសជួញដូរគ្រឿងញៀនបាន ។ លោកបានបន្ថែមថា សមត្ថកិច្ចត្រូវកំណត់អត្តសញ្ញាណទៅលើអ្នកជួញដូរនិងជនឧក្រិដ្ឋ ហើយក៏ដូចជាអ្នកពាក់ព័ន្ធផ្សេងទៀត ដើម្បីធ្វើការបង្ក្រាបឱ្យបាន ដែលត្រូវធ្វើកិច្ចការនេះជាប្រចាំ និងជាបន្តបន្ទាប់ផងដែរ។ លោកយង់ គិមអេង…
Author: ជា សុខនី
ភ្នំពេញៈ កម្មវិធីអភិវឌ្ឍន៍សហប្រជាជាតិ (UNDP) ប្រចាំកម្ពុជា ជំរុញឱ្យកម្ពុជាផ្តល់សច្ចាប័នលើសន្ធិសញ្ញាម៉ារ៉ាកេស ខណៈកម្ពុជាបានសម្រេចនូវសមិទ្ធផលដ៏ធំមួយឆ្ពោះទៅចូលជាសមាជិកនៃសន្ធិសញ្ញាម៉ារ៉ាកេស ក្នុងឱកាសទិវាអក្សរប្រៃយ៍ពិភពលោក។ សន្ធិសញ្ញាម៉ារ៉ាកេសជាសិន្ធិសញ្ញាដែលចែងពីសិទ្ធិរបស់ជនមានពិការភាពដែលរដ្ឋភាគីត្រូវរកមធ្យោបាយដើម្បីជំរុញឱ្យជនពិការភ្នែកអាចអានឯកសារបោះពុម្ព និងឯកសារនានាដើម្បីប្រយោជន៍ររបស់ពួកគេ។ នៅក្នុងឱកាសអបអរទិវាអក្សរប្រៃយ៍ពិភពលោកដែលធ្វើឡើងថ្ងៃទី៤ ខែមករា UNDPបានបញ្ជាក់ថា ប្រទេសកម្ពុជាកំពុងសម្រេចបានវឌ្ឍនភាពផងដែរនៃសន្ធិសញ្ញាម៉ារ៉ាកេស ដែលត្រូវបានបញ្ចូលទៅក្នុងសេចក្តីព្រាងច្បាប់ដើម្បីធ្វើវិសោធនកម្មច្បាប់ស្តីពីសិទ្ធិអ្នកនិពន្ធនិងសិទ្ធិប្រហាក់ប្រហែល។ UNDPបានបញ្ជាក់«សេចក្តីព្រាងច្បាប់នេះ មានបញ្ញត្តិស្របតាមសន្ធិសញ្ញាម៉ារ៉ាកេស ហើយបច្ចុប្បន្នកំពុងពិនិត្យដោយក្រសួងវប្បធម៌ និងវិចិត្រសិល្បៈ។ បន្ទាប់ពីការអនុម័តលើឯកសារវិសោធនកម្មនេះ នឹងនាំឱ្យកម្ពុជាទៅកាន់តែកៀកនឹងការផ្តល់សច្ចាប័នលើសន្ធិសញ្ញាម៉ារ៉ាកេស។យូអិនឌីភី នឹងជំរុញឱ្យមានការដាក់បញ្ចូលសន្ធិសញ្ញាម៉ារ៉ាកេសទៅក្នុងសេចក្តីព្រាងច្បាប់នេះ ក៏ដូចជាទៅក្នុងផែនការយុទ្ធសាស្ត្រជាតិស្តីពីពិការភាព ២០១៩-២០២៣ របស់កម្ពុជា»។ UNDP បញ្ជាក់ថា ខ្លួននឹងបន្តផ្តល់ការគាំទ្រដល់ការផ្តល់សច្ចាប័ន និងការអនុវត្តសន្ធិសញ្ញានេះ ដូចជា តាមរយៈការបង្កើតក្រុមការងារបច្ចេកទេសទទួលបន្ទុកសន្ធិសញ្ញាម៉ារ៉ាកេស ដែលចូលរួមសម្របសម្រួលដោយក្រសួងវប្បធម៌ និងវិចិត្រសិល្បៈដែលជាស្ថាប័នទទួលខុសត្រូវលើការអនុវត្តច្បាប់សិទ្ធិអ្នកនិពន្ធនិងក្រុមប្រឹក្សាសកម្មភាពជនពិការ ដែលជាស្ថាប័នបង្គោលទទួលបន្ទុកកិច្ចការពិការភាពរបស់ប្រទេសកម្ពុជា។ ប្រធានក្រុមយុវជនពិការភ្នែកជំនាន់ថ្មី(Blind New Generation) គឺលោក វិន វិចិត្រ បានប្រាប់ថា ជារួមសន្ធិសញ្ញាម៉ារ៉ាកេសនេះ សម្រាប់រូបលោកគឺមិនទាន់ដឹងទេ ប៉ុន្តែបច្ចុប្បន្ននេះលោក មានការពិបាកដើម្បីស្វែងរកឯកសារដែលមានអក្សរស្ទាបក្នុងការអាន ពីព្រោះឯកសារនៅក្នុងបណ្ណាល័យភាគច្រើនស្ទើរតែមិនមានអក្សរស្ទាបសម្រាប់ជនមានពិការភាពឡើយ។ លោក វិន វិចិត្រ ថា៖ «យើងមានការពិបាកណាស់ក្នុងការស្វែងរឯកសារអានដែលមានអក្សរស្ទាប…
ត្បូងឃ្មុំៈ រដ្ឋបាលខេត្តត្បូងឃ្មុំកាលពីថ្ងៃទី ៤ ខែមករា បានច្រានចោលការចោទប្រកាន់រឿងអំពើពុករលួយដែលត្រូវបានចោទប្រកាន់ពីការកេងប្រវ័ញ្ចថវិការដ្ឋ និងប្រាក់ខែគ្រូបង្រៀននៅក្នុងក្របខ័ណ្ឌមន្ទីរអប់រំ យុវជន និងកីឡាខេត្តត្បូងឃ្មុំ។ យោងតាមសេចក្ដីបំភ្លឺរបស់រដ្ឋបាលខេត្តត្បូងឃ្មុំ នៅថ្ងៃទី៤ ខែមករា ឆ្នាំ២០២៣ បានឱ្យដឹងថាមានការបង្ហោះព័ត៌មានតាមបណ្ដាញសង្គមដោយបានចោទប្រកាន់ប្រធានមន្ទីរអប់រំខេត្តត្បូងឃ្មុំ ឈ្មោះ អ៊ិន ពៅសម្បត្តិ បានកេងប្រវ័ញ្ចថវិកាពាក់ព័ន្ធនឹងគ្រូបង្រៀន និងសាច់ញាតិនិយមប្រមាណ៧៤ ៩៣៣ដុល្លារសហរដ្ឋអាមេរិក(ជាង២៩៩,៧៣លានរៀល)។ រដ្ឋបាលខេត្តត្បូងឃ្មុំ បានបង្កើតក្រុមការងារថ្នាក់ខេត្ដដើម្បីពិនិត្យ សិក្សា ស្រាវជ្រាវ អង្កេត និងដោះស្រាយ ដោយបានចុះទៅមន្ទីរអប់រំ យុវជន និងកីឡាខេត្ដត្បូងឃ្មុំ ពិនិត្យយ៉ាងយកចិត្ដទុកដាក់ និងហ្មត់ចត់បំផុត ដោយផ្អែកលើករណីបណ្ដឹងពាក់ព័ន្ធនឹងការចោទប្រកាន់ការកេងប្រវ័ញ្ច និងសាច់ញាតិនិយម។ ការស្រាវជ្រាវនេះធ្វើឡើងតាមរយៈការសាកសួរមន្ដ្រី លោកគ្រូ អ្នកគ្រូ និងអ្នកពាក់ព័ន្ធដោយរក្សាការសម្ងាត់ និងស្រាវជ្រាវប្រមូលឯកសារធាតុចូលនៃអង្គហេតុនីមួយៗ និងបានដាក់ឆ្លងកិច្ចប្រជុំគណៈអភិបាលខេត្ដ ដើម្បីពិនិត្យ ពិភាក្សាករណីចោទប្រកាន់នេះដោយឈរលើគោលការណ៍ច្បាប់ និងប្រកបដោយអព្យាក្រឹតភាព។ យោងតាមសេចក្ដីបំភ្លឺរបស់រដ្ឋបាលខេត្តត្បូងឃ្មុំ បានបញ្ជាក់ថា៖ «ជាលទ្ធផល នៅក្នុងកិច្ចប្រជុំគណៈអភិបាលខេត្ដមិនត្រឹមតែរកមិនឃើញនូវកំហុសឆ្គងដូចការចោទប្រកាន់ប៉ុណ្ណោះទេ ប៉ុន្ដែបានរកឃើញអំពីលក្ខណសម្បត្ដិល្អប្រសើរក្នុងការដឹកនាំ គ្រប់គ្រងរបស់លោកប្រធានមន្ទីរទៅវិញ»។…
បាត់ដំបងៈ មន្ត្រីមន្ទីរទេសចរណ៍ខេត្តបាត់ដំបង អំពាវនាវឱ្យអ្នកទេសជាតិ ទៅទស្សនាស្ថានីយបុរេប្រវត្តិសាស្ត្រ ល្អាងស្ពាន ដែលមានអាយុកាលជាង ៧ ម៉ឺនឆ្នាំមកហើយ ដែលទីនេះ ជាស្ថានីយបុរេប្រវត្តិសាស្ត្រតែ ១ គត់នៅក្នុងប្រទេសកម្ពុជា ប្រទះឃើញឧបករណ៍ថ្ម នៃវប្បធម៌ហាវប៊ីនញៀនច្រើនប្រភេទ ដែលស្ថិតក្នុងស្រទាប់ដី និងមានវត្ថុបុរាណជាច្រើនដូចជា ឧបករណ៍ថ្មបំបែក ថ្មរំលីង ភាជន៍ គ្រឿងលម្អកាយជាដើម។ លោក នូ ថា អនុប្រធានមន្ទីរទេសចរណ៍ខេត្តបាត់ដំបង បានថ្លែងថា ស្ថានីយបុរេប្រវត្តិសាស្ត្រល្អាងស្ពាននេះ ជាកន្លែងដែលមានវត្ថុបុរាណជាច្រើនប្រភេទ ហើយថែមទាំងជាកន្លែងដែលបន្សល់ទុកអត្តសញ្ញាណរបស់មនុស្សបុរាណទៀតផង។ ស្ថានីយបុរេប្រវត្តិសាស្ត្រនេះ ក៏បានចូលរួមចំណែកជួយដល់សហគមន៍មូលដ្ឋាន ខណៈដែលមានអ្នកទេសចរចូលមកទស្សនា ហើយសហគមន៍ទាំងនោះទទួលបានប្រាក់ចំណូល ដូចជា ការលក់ម្ហូបអាហារ លក់ផ្លែឈើ និងលក់គ្រឿងសិក្ការបូជាជាដើម។ អ្នកទេសចរភាគច្រើនដែលមកទស្សនាស្ថានីយបុរេប្រវត្តិសាស្ត្រល្អាងស្ពាននេះ គឺជាជនជាតិបរទេស ដែលពួកគាត់មានការចាប់អារម្មណ៍ និងចូលចិត្តមើលវត្ថុបុរាណ និងស្រាវជ្រាវពីវត្ថុទាំងនោះ។ ចំណែកឯជនជាតិខ្មែរ ភាគច្រើនមិនសូវចូលមកទស្សនា និងដើរកម្សាន្តនៅស្ថានីយបុរេប្រវត្តិសាស្ត្រល្អាងស្ពាននេះឡើយ។ លោក នូ ថា លើកឡើងថា ៖…
កែបៈ អាជ្ញាធរក្នុងខេត្តជាប់មាត់សមុទ្រមួយចំនួនបានត្រៀមកម្លាំងការពារសុវត្ថិភាពដល់ប្រជាពលរដ្ឋ អ្នកនេសាទ និងអ្នកទេសចរនៅតំបន់មាត់សមុទ្ររួចហើយបន្ទាប់ពីក្រសួងធន ធានទឹក និងឧតុ និយម បានជូនដំណឹងថា បណ្តាខេត្តនៅតំបន់មាត់សមុទ្រ ទំនាបកណ្តាល និងតំបន់ខ្ពង់រាបនឹងអាចមានភ្លៀងធ្លាក់ក្នុងកម្រិតខ្សោយទៅមធ្យមចាប់ពីថ្ងៃទី ៤ ខែមករានេះ។ យោងតាមសេចក្តីជូនដំណឹងរបស់ក្រសួងធនធានទឹក និងឧតុនិយម នៅថ្ងៃទី៣ ខែមករា បានឱ្យដឹងថា កម្ពុជានឹងទទួលរងឥទ្ធិពលពីទ្រនុងសម្ពាធខ្ពស់(ចិន)និងខ្យល់មូសុងឦសាន ក្នុងកម្រិតពីខ្សោយទៅមធ្យមចាប់ពីថ្ងៃទី៤ ដល់ទី១០ ខែមករាឆ្នាំ២០២៣ ដែលធ្វើឱ្យនៅតំបន់មាត់សមុទ្រអាចនឹងមានភ្លៀងធ្លាក់ និងរលកសមុទ្រពីមធ្យមទៅបង្គួរផងដែរ។ ក្រសួងបានបន្តទៀតថា បណ្តាខេត្តនៅតំបន់ទំនាបកណ្តាល និងតំបន់ខ្ពង់រាបអាចនឹងមានភ្លៀងធ្លាក់ក្នុងកម្រិតខ្សោយទៅមធ្យម។ លោក សោម ពិសិដ្ឋ អភិបាលខេត្តកែប បានប្រាប់ថា បើយោងទៅលើការព្យាករអាកាសធាតុរបស់ក្រសួងធនធានទឹក និងឧតុនិយម គឺមានការប្រែប្រួលខ្លាំងនៅតំបន់មាត់សមុទ្រ ដែលអាចមានភ្លៀងធ្លាក់ រួមជាមួយនឹងខ្យល់បក់ពីកម្រិតបង្គួរ ទៅកម្រិតខ្លាំង ហើយនៅលើផ្ទៃសមុទ្រក៏អាចមានរលកសមុទ្រផងដែរ ហើយករណីទាំងអស់នេះ ត្រូវផ្សព្វផ្សាយឱ្យប្រជាពលរដ្ឋមានការប្រុងប្រយ័ត្នយ៉ាងខ្លាំង ជាពិសេសអ្នកដែលប្រកបរបរ និងរស់នៅលើផ្ទៃសមុទ្រ។ លោកបញ្ជាក់ថា កន្លងមក នៅតំបន់សមុទ្រ មិនមែនទើបតែចាត់វិធានការនានា ខណៈពេលមានសេចក្ដីជូនដំណឹងរបស់ក្រសួងធនធានទឹក និងឧតុនិយមនោះទេ តែអាជ្ញាធរខេត្តកែបបានធ្វើការងារទាំងនេះអស់រយៈពេលយូរឆ្នាំមកហើយ…
ភ្នំពេញៈ នាយកប្រតិបត្តិការអង្គការចលនាដើម្បីសុខភាពកម្ពុជា លោក មុំ គង់ ស្នើឲ្យស្ថាប័នមានសមត្ថកិច្ច ត្រូវចាត់វិធានការឲ្យបានតឹងរ៉ឹង ចំពោះអ្នកដែលកំពុងផ្សព្វផ្សាយលក់បារីអេឡិចត្រូនិកតាមរយៈបណ្ដាញសង្គម បើទោះបីជាអាជ្ញាធរបានរឹបអូស និងប្រមូលដុតកម្ទេចបារីនេះចោលជាច្រើនយ៉ាងណាក៏ដោយ។ ការលើកឡើងដូចនេះ បន្ទាប់ពីអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ(ក.ប.ប) នៃក្រសួងពាណិជ្ជកម្ម បានសហការជាមួយអាជ្ញាធរជាតិប្រយុទ្ធប្រឆាំងគ្រឿងញៀន ស្នងការនគរបាលរាជធានីភ្នំពេញ និងមន្ត្រីពាក់ព័ន្ធ បានរឹបអូស និងនាំយកផលិតផលបារីអេឡិចត្រូនិក(E-Cigarette) ចំនួន២៨៨កាតុង ស្មើនឹង ៧ ២០០ប្រអប់ ទៅធ្វើការបំផ្លាញចោលនៅទីលានចាក់សំរាមកាលពីថ្ងៃទី៣០ ខែធ្នូ ឆ្នាំ២០២២។ លោក មុំ គង់ បានប្រាប់ឱ្យដឹងថា ការដកហូតបារីអេឡិចត្រូនិក និងការដុតកម្ទេចបារីអេឡិចត្រូនិកនេះ វាជាការរួមចំណែកមួយ ក្នុងការបង្ការដើម្បីកុំឱ្យយុវជន កុមារ ប្រើប្រាស់បារីអេឡិចត្រូនិកនេះបន្តទៀត។ ដូច្នេះការដុតចោលនេះ វាជាផ្នែកមួយក្នុងការកាត់បន្ថយកុំឱ្យយុវជន និងកុមារ អាចមានឱកាសក្នុងការប្រើប្រាស់បារីនេះជាដើម។ ក្រៅពីនេះទៀត សម្រាប់រូបលោកមានការសាទរការណ៍ដែលអាជ្ញាធរបានធ្វើការដុតបំផ្លាញបារីអេឡិចត្រូនិកដែលបានរកឃើញកន្លងមក ពីព្រោះការដុតកម្ទេចចោលនេះ វាបញ្ជាក់ពីស្មារតីក្នុងការចូលរួមប្រឆាំងយុវជន និងកុមារប្រើប្រាស់បារីអេឡិចត្រូនិក។ …
ភ្នំពេញៈ មូលនិធិជាតិជំនួយសង្គម (មជជ) ដែលជាគ្រឹះស្ថានសាធារណរដ្ឋបាល ត្រូវដាក់ឱ្យដំណើរការជាផ្លូវការ ចាប់ពីឆ្នាំ ២០២៣ នេះតទៅ ដែលមូលនិធិនេះមានតួនាទី បេសកកម្ម ភារកិច្ច និងមុខងារក្នុងការផ្ដល់កិច្ចអន្តរាគមន៍ជំនួយសង្គមនិងសន្តិសុខសង្គមដើម្បីរួមចំណែកលើកកម្ពស់សុខុមាលភាពរបស់ប្រជាពលរដ្ឋក្រីក្រនិងងាយរងគ្រោះនិងការបើកផ្ដល់សោធនជូនមន្ត្រីរាជការស៊ីវិលនិងអតីតយុទ្ធជន និងប្រាក់ឧបត្ថម្ភដល់អ្នកក្នុងបន្ទុក។ នេះបើតាមសេចក្តីជូនដំណឹងរបស់ មជជ ចុះថ្ងៃទី ១ មករា ឆ្នាំ ២០២៣ ស្តីពីការដាក់ឱ្យដំណើរការជាផ្លូវការមូលនិធិជាតិជំនួយសង្គមជាគ្រឹះស្ថានសាធារណរដ្ឋបាល។ សេចក្ដីជូនដំណឹងបន្តថា ក្នុងពេលបច្ចុប្បន្ននេះ មជជ កំពុងអនុវត្តកម្មវិធីជំនួយសង្គម រួមមាន កម្មវិធីឧបត្ថម្ភសាច់ប្រាក់ជូនស្ដ្រីមានផ្ទៃពោះ និងកុមារអាយុក្រោម ២ ឆ្នាំ កម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះក្នុងអំឡុងពេលប្រយុទ្ធនឹងជំងឺកូវីដ ១៩ កម្មវិធីឧបត្ថម្ភសាច់ប្រាក់ជូនគ្រួសារងាយរងហានិភ័យ ក្នុងអំឡុងពេលមានសម្ពាធអតិផរណា។ មជជ ក៏មានរួមទាំងកម្មវិធីជំនួយសង្គមជាសាច់ប្រាក់ជូនគ្រួសារងាយរងហានិភ័យ ដែលរងផលប៉ះពាល់ធ្ងន់ធ្ងរពីគ្រោះទឹកជំនន់និងគ្រោះមហន្តរាយផ្សេងៗ និងរបបសន្តិសុខសង្គម ដូចជា ការបើកផ្ដល់របបសន្តិសុខសង្គមសម្រាប់មន្ត្រីរាជការស៊ីវិល អតីតយុទ្ធជន និងសមាជិកគ្រួសារក្នុងបន្ទុក។ ជាមួយគ្នានេះ លោក ឈួរ សុបញ្ញា ប្រធាននាយកដ្ឋានសុខុមាលភាពសង្គមនៃក្រសួងសង្គមកិច្ច អតីតយុទ្ធជន និងយុវនីតិសម្បទា…
ពោធិ៍សាត់ៈ រដ្ឋបាលខេត្តពោធិ៍សាត់ បានចេញសេចក្ដីបំភ្លឺ ពាក់ព័ន្ធនឹងគេហទំព័រឈ្មោះ ជីវិត និងកីឡា បានផ្សព្វផ្សាយវីដេអូពីគ្រួសារកងទ័ពចំនួន៣០គ្រួសារ ត្រូវប្រឈមនឹងការបណ្ដេញចេញ។ ក្នុងវីដេអូរបស់គេហទំព័រ ជីវិត និងកីឡាកាលពីថ្ងៃ៣០ ខែធ្នូ ឆ្នាំ២០២២បានបង្ហាញថា គ្រួសារកងទ័ពចំនួន៣០គ្រួសារ បានមករស់នៅ លើទីតាំងថ្មដាតូច ចំណុចគីឡូម៉ែត្រលេខ១៦៣-១៦៤ អស់ជាច្រើនឆ្នាំ ស្ថិតនៅភូមិឯកភាព ឃុំថ្មដា ស្រុកវាលវែង ខេត្តពោធិ៍សាត់ ខណៈពេលបច្ចុប្បន្ននេះត្រូវប្រឈមនឹងការបណ្ដេញចេញ។ អ្នកស្រី ពឿន ពេក បានថ្លែងក្នុងវីដេអូនោះថា ក្រុមគ្រួសាររបស់អ្នកស្រីបានរស់នៅលើទីតាំងនេះតាំងពីយូរមកហើយ តាំងពីមិនទាន់មានការសាងសង់ផ្លូវជាតិនេះម្ល៉េះ ហើយដល់ពេលមានការរៀបចំសាងសង់ផ្លូវជាតិមក អភិបាលខេត្តពោធិ៍សាត់បែរជាបណ្ដេញប្រជាពលរដ្ឋចេញ ដោយហេតុធ្វើឱ្យប៉ះពាល់ដល់បរិស្ថាន និងថាដីដែលក្រុមគ្រួសារអ្នកស្រីកំពុងរស់នៅជារបស់រដ្ឋ។ អ្នកស្រី ពឿន ពេក ថា៖ «ពួកខ្ញុំតស៊ូតាំងពីអត់ផ្លូវ ឥឡូវនេះមានផ្លូវហើយ មកដេញពួកខ្ញុំចេញទៅរស់កន្លែងអត់ផ្លូវ ពួកខ្ញុំអត់ចេញទេ ពួកខ្ញុំសុំតែកាត់ឆ្វៀលឱ្យប៉ុណ្ណឹងឯង»។ រីពលរដ្ឋម្នាក់ទៀត គឺអ្នកស្រី សេង ហឿន បានលើកដៃសំពះដោយបានរៀបរាប់ថា ក្រុមគ្រួសាររបស់អ្នកស្រីបានរស់នៅ នឹងអាស្រ័យផលលើដីតែ១កន្លែងនេះប៉ុណ្ណោះ។ អ្នកស្រី…
ភ្នំពេញៈ ស្ថានទូតចិនប្រចាំកម្ពុជាបានលើកឡើងថា ក្នុងឆ្នាំ ២០២២ កន្លងទៅនេះ ប្រទេសកម្ពុជា-ចិន មានកិច្ចសហប្រតិបត្តិការជាមួយគ្នាយ៉ាងច្រើនដោយក្នុងនោះក៏មានព័ត៌មានសំខាន់ៗចំនួន ១០ រឿងស្តីពីទំនាក់ទំនងរវាងប្រទេសទាំង ២ ផងដែរ ក្នុងនោះមានលើកយកពីវឌ្ឍនភាពនៃកិច្ចសហប្រតិបត្តិការយោធារវាងចិន-កម្ពុជា។ ក្នុងចំណោមព័ត៌មានសំខាន់ៗទាំង ១០ រឿង គឺរឿងសំខាន់ទី៧ បាននិយាយអំពីវឌ្ឍនភាពយ៉ាងសកម្មដែលទទួលបានពីកិច្ចសហប្រតិបត្តិការយោធាដ៏សំខាន់រវាងចិន និងកម្ពុជាក្នុងឆ្នាំ ២០២២ ដែលទទួលបានវឌ្ឍនភាពយ៉ាងសកម្មក្នុងវិស័យដូចជា ទំនាក់ទំនងជាយុទ្ធសាស្ត្រនៃកងទ័ពទាំង២ ការបណ្តុះបណ្តាលកងទ័ព និងទំនាក់ទំនងនៃកងទ័ព សព្វាវុធជាដើម។ កងទ័ពចិននៅតែបន្តផ្តល់ជំនួយដល់កងទ័ពកម្ពុជា ដូចជា ការផ្ដល់សព្វាវុធដល់កងរាជអាវុធហត្ថជាបន្តបន្ទាប់និងរថយន្តប្រើសម្រាប់កិច្ចប្រជុំរដ្ឋមន្ត្រីការពារជាតិអាស៊ានមកកាន់កម្ពុជា ហើយនិងគម្រោងជំនួយសាងសង់អគារចម្រុះក្នុងវិទ្យាស្ថានទ័ពជើងគោកកម្ពុជា។ ក្រៅពីនេះទៀត ចិនបានផ្ដល់ជំនួយក្នុងការគាំទ្រគម្រោងកែលម្អមូលដ្ឋានទ័ពជើងទឹករាមនៅកម្ពុជាដែលវាបានបង្ហាញពីការលើកកម្ពស់កសាងកម្រិតទំនើបកម្មសម្រាប់កងទ័ពជើងទឹកនៅកម្ពុជានិងក្លាយជានិមិត្តសញ្ញាដ៏សំខាន់នៃចំណងមិត្តភាពដែកថែប រវាងចិន និងកម្ពុជាជាដើម។ ប្រធានអង្គការសម្ព័ន្ធគណនេយ្យភាពសង្គមកម្ពុជាលោក សន ជ័យ បានលើកឡើងថា ទិដ្ឋភាពនៃទំនាក់ទំនងអន្តរជាតិរវាងកម្ពុជា និងចិន ទោះបីជាមិត្តភាពបែបដែកថែបក៏ដោយ ប៉ុន្តែប្រព័ន្ធនយោបាយរវាងកម្ពុជា និងចិន មានភាពដើរផ្ទុយគ្នា ពីព្រោះប្រទេសកម្ពុជាបានប្រកាន់យកលទ្ធិប្រជាធិបតេយ្យ សេរីពហុបក្ស ចំណែកឯប្រទេសចិនវិញ គឺប្រកាន់យករបបកុម្មុយនីស្ត។ លោកបានបញ្ជាក់ថា ដូច្នេះហើយ នេះជាការបារម្ភពីឥទ្ធិពលប្រទេសចិននៃការដឹកនាំបែបកុម្មុយនីស្តមកលើកម្ពុជា ហើយវាក៏ជាការភ័យខ្លាចមួយដែលកម្ពុជាអាចងាកទៅរកការដឹកនាំបែបកុម្មុយនីស្តជាដើម។…
រដ្ឋសភា និងអគ្គស្នងការនគរបាលជាតិ បានផ្ញើសារលិខិតជូនជនរួមជាតិ ក្នុងឱកាសចូលឆ្នាំថ្មី ឆ្នាំសកល ២០២៣ ក្នុងរយៈពេលមួយឆ្នាំដែលកម្ពុជាមានសមត្ថភាពអាចឆ្លើយតប និងដោះស្រាយបញ្ហាទាំងក្នុងតំបន់ និងអន្តរជាតិប្រកបដោយជោគជ័យ។ សមិទ្ធផលរបស់រាជរដ្ឋាភិបាលក្នុងរយៈពេលមួយឆ្នាំនេះ ត្រូវបានអ្នកតាមដានសង្គមទទួលស្គាល់ពីការគ្រប់គ្រងជំងឺកូវីដ ១៩ ប្រកបដោយជោគជ័យ ប៉ុន្តែស្នើដល់រដ្ឋាភិបាលលើកកម្ពស់សិទ្ធិមនុស្ស និងប្រយុទ្ធប្រឆាំងគ្រឿងញៀនឱ្យកាន់តែមានប្រសិទ្ធភាព។ បើតាមលិខិតចំនួនពីរដាច់ដោយឡែកពីគ្នារបស់រដ្ឋសភា និងស្នងការនគរបាលជាតិ ចុះថ្ងៃទី ២៩ ខែធ្នូដូចគ្នា បានបង្ហាញពីលទ្ធផលការងាររយៈពេលមួយឆ្នាំនេះដែលប្រទេសកម្ពុជា អាចមានសមត្ថភាពក្នុងការគ្រប់គ្រងជំងឺកូវីដ ១៩ និងការដោះស្រាយបញ្ហាវិបត្តិផ្សេងៗ ទាក់ទងសន្តិសុខ សណ្ដាប់ធ្នាប់ក្នុងសង្គម ខណៈពេលដែលខ្លួនធ្វើជាម្ចាស់ផ្ទះក្នុងកិច្ចប្រជុំកំពូលអាស៊ានលើកទី ៤០ និង ៤១ និងកិច្ចប្រជុំពាក់ព័ន្ធនានាទៀត យ៉ាងសកម្ម ទាំងក្នុងតំបន់ និងអន្តរជាតិផងដែរ។ តាមរយៈសារលិខិតទាំងពីរនេះ ពីប្រធានរដ្ឋសភាកម្ពុជា គឺលោក ហេង សំរិន និងអគ្គស្នងការនគរបាលជាតិលោក នេត សាវឿន បានជូនពរជនរួមជាតិ ដែលកំពុងរស់នៅក្នុងប្រទេស និងក្រៅប្រទេសទាំងអស់ សូមឱ្យមានសិរីសួស្តី ជ័យមង្គល និងវិបុលសុខគ្រប់ប្រការ ព្រមទាំងទទួលបានជោគជ័យថ្មីៗថែមទៀត ដើម្បីរួមចំណែកជាមួយរាជរដ្ឋាភិបាលកម្ពុជា…