ទីក្រុងហាណូយៈ ដោយការរីកចម្រើនផ្នែកឥណទានយ៉ាងលឿនក្នុងឆមាសទី១ ឆ្នាំនេះ ធនាគារកណ្តាលរដ្ឋវៀតណាម (SBV) បានឲ្យដឹងថា ទិសដៅកំណើនឥណទានសម្រាប់ឆ្នាំ ២០២១ គឺមាន ១២ ភាគរយ ហើយវាប្រហែលត្រូវពង្រីកបរិមាណឥណទានប្រសិនចាំបាច់។
ស្ថិតិធនាគាររដ្ឋវៀតណាមបង្ហាញថា ទោះបីការរីករាលដាល កំណើនឥណទានឡើងដល់ ៥,១ ភាគរយត្រឹមពាក់កណ្តាលខែមិថុនា ធៀបនឹងរយៈពេលដូចគ្នានៃឆ្នាំ ២០២០។
នេះមានន័យថា ធនាគារបានបូមយកសាច់ប្រាក់ចំនួន ៤៦៨,៨ ពាន់ពាន់លានដុង (២០,២ ពាន់លានដុល្លារ) ចាក់បញ្ចូលទៅក្នុងវិស័យសេដ្ឋកិច្ច ក្នុងរយៈពេល ៦ ខែឆ្នាំនេះ តាមរយៈការផ្តល់កម្ចី។
លោក Dao Minh Tu ទេសាភិបាលរង បាននិយាយថា ធនាគារកណ្តាលជានិច្ចកាលបានស្នើសុំស្ថាប័នផ្តល់ឥណទានឲ្យផ្តោតលើការផ្តល់មូលធន សម្រាប់ផលិតកម្ម និងធ្វើអាទិភាពវិស័យសំខាន់ៗ ខណៈការគ្រប់គ្រងលំហូរឥណទានតឹងរ៉ឹង ទៅក្នុងវិស័យមានហានិភ័យខ្ពស់។
ធនាគារវៀតណាម ក៏ត្រូវបានគេស្នើឲ្យដកចេញរបាំងទទួលបានឥណទាននិង បង្កើតឲ្យមានលក្ខខណ្ឌគាំទ្រសម្រាប់សហគ្រាសនិងប្រជាពលរដ្ឋដើម្បីខ្ចីប្រាក់ពីធនាគារ។
លោក Tu បាននិយាយថា៖«ជាមួយកំណើនឥណទានរឹងមាំបែបនេះក្នុងឆមាសដំបូងឆ្នាំនេះ ទិសដៅកំណើនឥណទានពេញ១ឆ្នាំ ត្រូវបានកំណត់ សម្រេចឲ្យបាន ១២ ភាគរយ។ ប្រសិនបើ ការរីករាលដាល នឹងត្រូវបានគ្រប់គ្រងបានល្អប្រសើរជាងនេះ ធនាគារកណ្តាលប្រហែលត្រូវពង្រីកទំហំឥណទានបន្ថែមទៀត»។
លោក Tu បានសង្កត់ធ្ងន់ថា ធនាគារកណ្តាលរក្សាគោលនយោបាយរូបិយវត្ថុបត់បែននិង ធានាសន្ទនីយភាពជាប្រព័ន្ធដើម្បីឲ្យមានលំនឹងទីផ្សារនិង លើកស្ទួយការងើបឡើងវិញផ្នែកសេដ្ឋកិច្ច ចំពេល ការរីករាលដាលកូវីដ ១៩ នេះ៕ VNS-ANN/RR