សេអ៊ូលៈ ទិន្នន័យបានបង្ហាញកាលពីថ្ងៃចន្ទថា ការនាំចេញផលិតផលគ្រឿងសំអាងរួមបញ្ចូលគ្នារបស់ប្រទេសកូរ៉េខាងត្បូង បានកើនឡើង ១៦,១ ភាគរយដល់ ៨,២៨ ពាន់ពាន់លានវ៉ុន (៧,២៨ ពាន់លានដុល្លារ) កាលពីឆ្នាំ ២០២០ ដែលជាប់ចំណាត់ថ្នាក់ទី ៣ លើពិភពលោក ដែលពីក្រោយដោយប្រទេសបារាំង និងអាមេរិក។
យោងតាមទិន្នន័យដែលបានចេញផ្សាយដោយក្រសួងសុវត្ថិភាពស្បៀងអាហារ និងឱសថ ចិនគឺជាប្រទេសនាំចូលធំជាងគេនៃផលិតផលគ្រឿងសំអាងរបស់ប្រទេសកូរ៉េខាងត្បូងកាលពីឆ្នាំមុន ក្នុងតម្លៃ ៣,៨ ពាន់លានដុល្លារ បន្ទាប់មកទីក្រុងហុងកុងមានតម្លៃ ៧១៤ លានដុល្លារ អាមេរិក ៦៤០ លានដុល្លារ និងជប៉ុន ៦៣៩ លានដុល្លារ។ ការនាំចូលរបស់ប្រទេសវៀតណាមមានតម្លៃ ២៦៣ លានដុល្លារ។
ដោយសារតែការលក់នៅបរទេសកើនឡើង ប្រទេសកូរ៉េខាងត្បូងបានមើលឃើញផលចំណេញ ៧ ពាន់ពាន់លានវ៉ុនផ្នែកផលិតផលគ្រឿងសំអាងកាលពីឆ្នាំ ២០២០ កើនឡើងពីផលចំណេញចំនួន ៦,១៥ ពាន់ពាន់លានវ៉ុនកាលពីឆ្នាំ ២០១៩។
ផលិតផលគ្រឿងសំអាងមានចំនួន ១៤,៣ ភាគរយនៃអតិរេកពាណិជ្ជកម្ម ៤៤,៨៦ ពាន់លានដែលរួមបញ្ចូលគ្នារបស់ប្រទេសនេះកាលពីឆ្នាំមុន។
ចំណែកពាណិជ្ជកម្មសរុបរបស់ផលិតផលគ្រឿងសំអាង មានការកើនឡើងពី ៣,៥ ភាគរយកាលពីឆ្នាំ ២០១៦ ដល់ ៤ ភាគរយកាលពីឆ្នាំ ២០១៧ ៧,១ ភាគរយកាលពីឆ្នាំ ២០១៨ និង ១៣,៦ ភាគរយកាលពីឆ្នាំ ២០១៩។
អតិរេក ៧ ពាន់ពាន់លានវ៉ុនដែលបានរាយការណ៍ពីពាណិជ្ជកម្មគ្រឿងសំអាងគឺធំជាងអតិរេកបានពីឧបករណ៍ប្រើប្រាស់ក្នុងផ្ទះដែលមានចំនួន ៧ ពាន់លានដុល្លារ និងទូរស័ព្ទស្មាតហ្វូន ដែលមានចំនួន ៤,១ ពាន់លានដុល្លារ។
ការផ្គត់ផ្គង់វេជ្ជសាស្ដ្របង្ហាញការធ្វើពាណិជ្ជកម្មមានចំនួន ៧,២ ពាន់លានដុល្លារ។
ទន្ទឹមនឹងនេះ ការនាំចូលគ្រឿងសំអាងសរុបរបស់ប្រទេសកូរ៉េខាងត្បូងមានចំនួន ១,១៦ ពាន់លានដុល្លារកាលពីឆ្នាំមុន។ បារាំងគឺជាប្រទេសនាំចេញធំជាងគេទៅប្រទេសកូរ៉េមានតម្លៃ ៣៦៦ លានដុល្លារ ដែលបានតាមពីក្រោយដោយអាមេរិកមានតម្លៃ ២៧៩ លានដុល្លារ និងជប៉ុនមានតម្លៃ ១១៩ លានដុល្លារ។
ការផលិតផលិតផលអនាម័យបានកើនឡើង ២០,៥ ភាគរយ។ ប៉ុន្តែការផលិតផលិតផលតុបតែងមុខ បានធ្លាក់ចុះ ២១,៥ ភាគរយធៀបនឹងរយៈពេលដូចគ្នាកាលពីឆ្នាំមុន ដោយសារតែការរីករាលដាលជំងឺកូវីដ ១៩។ ទោះយ៉ាងណា ការផលិតផលិតផលតុបតែភ្នែក នៅតែមិនមានផលប៉ះពាល់ ដោយសារជំងឺកូវីដ ១៩ នោះទេ ដែលកើនឡើងបន្តិចចំនួន ០,៣ ភាគរយ៕ Korean Herald-ANN/LA