លោក Dimantha Mathew ប្រធានផ្នែកស្រាវជ្រាវនៅក្រុមហ៊ុន First Capital Holdings។ ហ្វេសប៊ុក
នាយកដ្ឋានស្ថិតិស្រីលង្កា បាននិយាយកាលពីថ្ងៃចន្ទថា អតិផរណាតម្លៃទំនិញប្រើប្រាស់ជាតិ (NCPI) របស់ប្រទេសស្រីលង្កាមានចំនួន ៥៩,២ ភាគរយនៅក្នុងខែធ្នូ ខណៈដែលតួលេខនេះមានចំនួន ៦៥ ភាគរយ នៅក្នុងខែវិច្ឆិកា។
នាយកដ្ឋានជំរឿននិងស្ថិតិនៃប្រទេសនេះ បាននិយាយនៅក្នុងសេចក្តីថ្លែងការណ៍មួយថា តម្លៃម្ហូបអាហារ បានកើនឡើង ៥៩,៣ ភាគរយ នៅក្នុងខែធ្នូ។ ខណៈដែលអតិផរណា មិនមែនម្ហូបអាហារកើនឡើង ៥៩ភាគរយ។
លោក Dimantha Mathew ប្រធានផ្នែកស្រាវជ្រាវនៅក្រុមហ៊ុន First Capital Holdings ដែលមានមូលដ្ឋាននៅទីក្រុង កូឡុំបូ បាននិយាយថា ៖«យើងកំពុងព្យាករអតិផរណានឹងធ្លាក់មកដល់ប្រហែល ៥១ភាគរយនៅខែមីនា។ វាត្រូវការពេលវេលា ព្រោះរដ្ឋាភិបាលបានប្រកាសដំឡើងថ្លៃថាមពល»។
Mathew បាននិយាយថា ៖«ទោះជាយ៉ាងណាក៏ដោយ យើងកំពុងសម្លឹងមើលអតិផរណាប្រហែល ១០ភាគរយឆមាសទី២នៃឆ្នាំ២០២៣»។
គេរំពឹងថា ធនាគារកណ្តាលស្រីលង្កា (CBSLនឹងរក្សាអត្រាការប្រាក់ថេរក្នុងសប្តាហ៍នេះ។ ធនាគារជាតិនេះ ធ្លាប់បានដំឡើងអត្រាការប្រាក់ដល់កម្រិតខ្ពស់បំផុតកាលពីប៉ុន្មានខែមុន ដើម្បីប្រយុទ្ធប្រឆាំងនឹងអតិផរណាក្នុងប្រទេស។
សីលង្កា កំពុងស្វែងរកមូលនិធិរូបិយវត្ថុអន្តរជាតិ (IMF) ដោយចង់ខ្ចីប្រាក់ប្រមាណ២ពាន់៩០០លានដុល្លារអាមេរិក ដើម្បីទប់ទល់នឹងវិបត្តិសេដ្ឋ ប៉ុន្តែមិនទាន់មានសញ្ញាថាពួកគេទទួលបានប្រាក់នេះយកមកប្រើនៅឡើយទេ៕
