យើងខ្ញុំ អ៊ីដិនប្រ៊ីដ អេស៊ា ផាតនើស៍ អិលធីឌី ជាអ្នកតំណាងស្របច្បាប់របស់ក្រុមហ៊ុន ភើណូដ រីខាដ (ខេមបូជ) ឯ.ក តាមរយៈលិខិតប្រគល់សិទ្ធិចុះថ្ងៃទី ០២ ខែមីនា ឆ្នាំ ២០២២ មានកិត្ដិយសសូមជម្រាបជូនសាធារណជនទាំងអស់មេត្តាជ្រាបថា ក្រុមហ៊ុន ភើណូដ រីខាដ (ខេមបូជ) ឯ.ក គឺជាក្រុមហ៊ុនដែលបន្តទទួលបានសិទ្ធិនាំចូល និងចែកចាយផ្ដាច់មុខក្នុងព្រះរាជាណាចក្រកម្ពុជា លើផលិតផលភេស្ជជៈដែលមានជាតិអាល់កុល និងស្រាបំពាក់ម៉ាកខាងក្រោមពីក្រុមហ៊ុនម្ចាស់ម៉ាកក្រៅស្រុកនីមួយៗ ដូចមានបង្ហាញជូនខាងក្រោម៖
|
១. ផលិតផលស្រា បំពាក់ម៉ាក “ABSOLUT” ពីក្រុមហ៊ុន The Absolut Company Aktiebolag តាមរយៈលិខិតប្រគល់សិទ្ធិផ្ដាច់មុខចុះថ្ងៃទី ១៩ ខែមេសា ឆ្នាំ ២០២២ និងលិខិតបន្តកត់ត្រាទទួលស្គាល់សិទ្ធិនាំចូល និងចែកចាយផ្ដាច់មុខលេខ ៣១៤១ ព.ណ កសប ចុះថ្ងៃទី ២៦ ខែតុលា ឆ្នាំ ២០២២ ចេញដោយក្រសួងពាណិជ្ជកម្ម។
|
|
២. ផលិតផលភេស្ជជៈដែលមានជាតិអាល់កុល បំពាក់ម៉ាក “PERRIER-JOUET” ពីក្រុមហ៊ុន CHAMPAGNE PERRIER-JOUET, Société en Commandite par Actions តាមរយៈលិខិតប្រគល់សិទ្ធិផ្ដាច់មុខចុះថ្ងៃទី ២០ ខែកក្កដា ឆ្នាំ២០២២ និងលិខិតកត់ត្រាទទួលស្គាល់សិទ្ធិនាំចូល និងចែកចាយផ្ដាច់មុខលេខ ៣១៣៩ ព.ណ កសប ចុះថ្ងៃទី ២៦ ខែតុលា ឆ្នាំ ២០២២ ចេញដោយក្រសួងពាណិជ្ជកម្ម។
|
|
៣. ផលិតផលភេស្ជជៈដែលមានជាតិអាល់កុល បំពាក់ម៉ាក “MARTELL” ពីក្រុមហ៊ុន MARTELL & CO តាមរយៈលិខិតប្រគល់សិទ្ធិផ្ដាច់មុខ ចុះថ្ងៃទី ៣០ ខែមីនា ឆ្នាំ ២០២១ និងលិខិត កត់ត្រាទទួលស្គាល់សិទ្ធិនាំចូល និងចែកចាយផ្ដាច់មុខលេខ ០៨៣៥ ព.ណ កសប ចុះថ្ងៃទី ០៩ ខែមីនា ឆ្នាំ ២០២៣ ចេញដោយក្រសួងពាណិជ្ជកម្ម។
|
អាស្រ័យដូចបានជម្រាបជូនខាងលើ សូមសាធារណជនមេត្ដាជ្រាបជាព័ត៌មានចំពោះការជូនដំណឹងជាផ្លូវការរបស់យើងខ្ញុំ និងសូមបញ្ឈប់រាល់ការនាំចូល និង/ឬ ចែកចាយទំនិញស្របគ្នា ដែលមានបំពាក់ម៉ាកខាងលើ។ យើងខ្ញុំសូមរក្សាសិទ្ធិក្នុងការចាត់វិធានការតាមផ្លូវច្បាប់ចំពោះភាគីណាដែលបានបំពានលើសិទ្ធិផ្ដាច់មុខរបស់ក្រុមហ៊ុន ភើណូដ រីខាដ (ខេមបូជ) ឯ.ក ដែលនាំឱ្យខូចផលប្រយោជន៍ដល់អាជីវកម្មរបស់ក្រុមហ៊ុន។
សូមមេត្តាទាក់ទងមកកាន់យើងខ្ញុំសម្រាប់ព័ត៌មានបន្ថែម។
.jpg)
