លោក គាន គឹមលាង (រូបឆ្វេង) និងលោក Patrick Finn នាយក IHG Hotels & Resorts ចុះហេត្ថលេខាលើកិច្ចព្រមព្រៀងស្តីពីការគ្រប់គ្រងសណ្ឋាគារ
ដោយបានចាប់ដៃគូជាមួយក្រុមហ៊ុន Odom Living Co. Ltd នឹងណែនាំម៉ាកប្រណិត និងរបៀបរស់នៅដ៏ល្អឥតខ្ចោះមកកាន់រាជធានីភ្នំពេញប្រទេសកម្ពុជាក្នុងឆ្នាំ ២០២៧ ខាងមុខនេះ
IHG Hotels & Resorts បានប្រកាសពីការចាប់ដៃគូជាមួយក្រុមហ៊ុន Odom Living Co. Ltd ដើម្បីនាំយក Vignette Collection មកកាន់ទីក្រុងភ្នំពេញក្នុងឆ្នាំ ២០២៧ ខាងមុខនេះ។
ស្ថិតនៅចំកណ្តាលរាជធានីដ៏មមាញឹករបស់ប្រទេសកម្ពុជា Vignette Collection Phnom Penh Odom ដែលមានរហូតដល់ទៅ ៥០ បន្ទប់ នឹងនាំមកជូនភ្ញៀវរបស់ខ្លួននូវគោលដៅដំណើរកម្សាន្តដ៏ប្រណីត និងរបៀបរស់នៅផ្តាច់មុខដែលមានការតុបតែងប្រណីត និងរបៀបរស់នៅគួរឱ្យចាប់អារម្មណ៍។ បង្កើតឡើងសម្រាប់អ្នកធ្វើដំណើរប្រណីតជំនាន់ក្រោយ ទោះបីជាសណ្ឋាគារនីមួយៗត្រូវបានបង្កើតឡើងដោយមានលក្ខណៈប្លែកៗគ្នា ប៉ុន្តែត្រូវបានភ្ជាប់ដោយចក្ខុវិស័យរួមគ្នាមួយ ដើម្បីផ្ដល់ការផ្លាស់ប្តូរដែលផ្ដល់ភាពវិជ្ជមានសម្រាប់អ្នករាល់គ្នា។
ជាទីតាំងទី២ របស់ IHG Hotels & Resorts ដែលនឹងបើកដំណើរការក្នុងប្រទេសកម្ពុជាបន្ទាប់ពី Six Senses Krabey Island សណ្ឋាគារ Vignette Collection Phnom Penh Odom នឹងចូលរួមក្លាយជាសមាជិកនៃក្រុមដែលផ្ដល់ប្រណីតភាព និងរបៀបរស់នៅដ៏ធំបំផុតមួយរបស់ពិភពលោក ដែលមានសណ្ឋាគារបើកជាង ៤៥០ កន្លែង និងសរុបជាង ១០០,០០០ បន្ទប់។ Vignette Collection គឺជា ម៉ាក ដំបូងគេ ដែលចូលរួមជាមួយ IHG ដែលបន្ទាប់មកត្រូវបានចូលរួមដោយ Six Senses, InterContinental Hotels & Resorts, Regent Hotels & Resorts, Kimpton Hotels & Restaurants និង Hotel Indigo ។
តំណាង IHG និង ODOM និងភ្ញៀវកិត្តិយសចូលរួមពិធីចុះហត្ថលេខា កាលពីថ្ងៃទី ១៥ ខែកក្កដា។
អនុប្រធានផ្នែកអភិវឌ្ឍន៍ IHG Hotels & Resorts លោក Patrick Finn បានលើកឡើងថា ៖«Vignette Collection គឺជាម៉ាកដ៏ប្រណីត និងផ្ដល់របៀបរស់នៅដ៏ថ្មីបំផុតមួយរបស់ IHG ហើយកំពុងរីកចម្រើនយ៉ាងឆាប់រហ័សនៅក្នុងទីផ្សារជាច្រើន។ វាជាជម្រើសដ៏ល្អឥតខ្ចោះមួយសម្រាប់ដៃគូដែលស្វែងរកការរក្សាអត្តសញ្ញាណពិសេសសម្រាប់សណ្ឋាគាររបស់ពួកគេ ខណៈពេលដែលទទួលបានអត្ថប្រយោជន៍លក្ខណៈសកល លើប្រព័ន្ធគ្រប់គ្រង និងជំនាញរបស់យើងក្នុងនាមជាប្រតិបត្តិករសណ្ឋាគារប្រណីត
និងរបៀបរស់នៅធំជាងគេទី២ នៅលើពិភពលោក»។
«វាពិតជាអស្ចារ្យណាស់ក្នុងការធ្វើការជាមួយ Odom Living ដើម្បីនាំយកសណ្ឋាគារ Vignette Collection មកកាន់រាជធានីរបស់ប្រទេសកម្ពុជា។ ចាប់តាំងពីការបើកដំណើរការនៅឆ្នាំ ២០២១ Vignette Collection បានបើកទីតាំងថ្មីៗចំនួន ៦ នៅតាមគោលដៅនានា រួមមានទីក្រុងប្រីសប៊េន ទីក្រុងបាងកក ទីក្រុងផតតូនិងទីក្រុងវ៉ាស៊ីងតោន និងបានពង្រីកសណ្ឋាគារឆ្នើមៗចំនួន ១៥ បន្ថែមទៀត។ ក្នុងរយៈពេល ១០ ឆ្នាំខាងមុខ យើងរំពឹងថា Vignette Collection នឹងមានការពង្រីករហូតដល់ ១០០ ទីតាំងទូទាំងពិភពលោក ដែលអាចទាក់ទាញភ្ញៀវដែលស្វែងរកការស្នាក់ដែលមានលក្ខណៈពិសេស និងផ្ដល់នូវបទពិសោធន៍មិនអាចបំភ្លេចបាន»។
លោក គាន គឹមលាង ប្រធានក្រុមប្រឹក្សាភិបាល របស់ Odom និងជាស្ថាបនិកនៃក្រុមហ៊ុនអភិវឌ្ឍន៍អចលនទ្រព្យ ULS បានបន្ថែមថា៖ «ភ្នំពេញជាទីក្រុងរស់រវើក ជាមួយនឹងប្រវត្តិសាស្ត្រដ៏សម្បូរបែប ស្ថាបត្យកម្មដ៏ឥតខ្ចោះ អាហារឆ្ងាញ់ៗ និងវប្បធម៌ពិសេស ហើយពួកយើងជឿជាក់ថា Vignette Collection Phnom Penh Odom នឹងកាន់តែពង្រឹងស្ថានភាពរបស់ទីក្រុងនេះឱ្យក្លាយជាគោលដៅមួយដែលមិនអាចមើលរំលង»។
«បទពិសោធន៍ម៉ាក Vignette Collection ដែលផ្ដល់នូវការស្នាក់នៅមិនអាចប្រៀបបាន ដោយម៉ាកនីមួយៗបង្កើតឡើងជាមួយនឹងទស្សនវិស័យ និងប្រវត្តិរៀងៗខ្លួន ដែលផ្ដល់ការទាក់ទាញទៅដល់អ្នកធ្វើដំណើរជំនាន់ក្រោយមកកាន់ទីក្រុងដ៏រីកចម្រើននេះ។ ហ៊ុំព័ទ្ធជុំវិញដោយហាងលក់ទំនិញដ៏គួរឱ្យចាប់អារម្មណ៍ទីតាំងការិយាល័យ សណ្ឋាគារ និងលំនៅឋាន Vignette Collection នឹងមិនត្រឹមតែទាក់ទាញភ្ញៀវទេសចរមកកម្សាន្តប៉ុណ្ណោះទេ តែក៏នឹងទាក់ទាញភ្ញៀវក្នុងស្រុកបានយ៉ាងឆាប់រហ័សដូចគ្នាផងដែរ។
ស្ថិតនៅលើជាន់លើគេទាំង ៧ របស់ Odom Tower ដែលជាផ្នែកការិយាល័យមាន ៤៥ ជាន់នៃគម្រោងអភិវឌ្ឍន៍ចម្រុះ Odom Vignette Collection Phnom Penh Odom មានទីតាំងនៅតាមបណ្ដោយមហាវិថីព្រះនរោត្តម ដែលជាផ្លូវធំមួយនៅចំកណ្តាលរាជធានីភ្នំពេញ។ ជាមួយនឹងទីតាំងដែលស្ថិតនៅក្នុងសង្កាត់ទន្លេបាសាក់ សណ្ឋាគារនេះក៏នៅជិតស្ថានទូតអន្តរជាតិជាច្រើន និងភ្នាក់ងាររដ្ឋាភិបាលកម្ពុជា ក៏ដូចជាធុរកិច្ចអន្តរជាតិ និងអង្គការមិនមែនរដ្ឋាភិបាលផងដែរ។
គម្រោងអភិវឌ្ឍន៍ចម្រុះ Odom ស្ថិតនៅតាមបណ្ដោយមហាវិថីព្រះនរោត្តម
បន្ទប់នៅ Vignette Collection Phnom Penh Odom មានសរុបចំនួន ៥០ បន្ទប់ រួមមានបន្ទប់ធម្មតា និងបន្ទប់ស្វីតក៏ដូចជាកន្លែងកម្សាន្តដូចជា ភោជនីយដ្ឋានចំនួន ២ បារលើដំបូល កន្លែងអង្គុយលេងខាងមុខ អាងហែលទឹក កន្លែងហាត់ប្រាណ ក្លឹបឯកជនសម្រាប់តែសមាជិក និងបន្ទប់ប្រជុំចំនួន ៤។
ម៉ាកនេះបានពង្រីកខ្លួនឯងយ៉ាងឆាប់រហ័សនៅក្នុងតំបន់អាស៊ីអាគ្នេយ៍ ជាមួយនឹងការបើកសណ្ឋាគារ Sindhorn Midtown Bangkok ដែលជា Vignette Collection ក្នុងឆ្នាំ២០២២ ជាមួយនឹងការប្ដូរម៉ាករបស់Dinso Resort & Villas Phuket ហើយប្រទេសថៃនឹងជាប្រទេសបន្ទាប់នាចុងឆ្នាំនេះ និងសណ្ឋាគារ ២ ទៀតនៅ The Aquatique Pattaya និង Bangkok Chinatown ។
Vignette Collection ដែលជាម៉ាកដំបូងរបស់ IHG គឺជាបណ្ដាញក្រុមអចលនទ្រព្យមួយប្រភេទនៅក្នុងទីតាំងទីក្រុង និងជាទីតាំងរមណីយដ្ឋាន ដែលអ្នកធ្វើដំណើរជំនាន់ក្រោយ អាចទទួលយកការស្នាក់នៅដែលប្រកបដោយការទទួលខុសត្រូវជាសហគមន៍ និងប្រជាជនក្នុងតំបន់រួមគ្នា ហើយគាំទ្រដោយការធានាឡើងវិញនូវកេរ្តិ៍ឈ្មោះដែលគួរឱ្យទុកចិត្តរបស់ក្រុមហ៊ុន និងការផ្តល់ជូននូវទំនុកចិត្តដែលឈានមុខគេ។
អំពី IHG Hotels & Resorts
ស្ថិតនៅក្រោម InterContinental Hotels Group PLC IHG Hotels & Resorts គឺជាក្រុមហ៊ុនបដិសណ្ឋារកិច្ចថ្នាក់សាកល បង្កើតឡើងដើម្បីផ្ដល់នូវបដិសណ្ឋារកិច្ចឥតខ្ចោះ។ ស្ថិតនៅក្នុងក្រុមជាមួយនឹងម៉ាកសណ្ឋាគារចំនួន ១៨ ផ្សេងទៀត ក៏ដូចជា IHG One Rewards ដែលជាកម្មវិធីសម្រាប់ផ្ដល់អត្ថប្រយោជន៍ជូនអតិថិជនដែលតែងតែគ្រាំទ្រ IHG មានបើកសណ្ឋាគារជាង ៦,០០០ នៅក្នុងប្រទេសជាង ១០០ ហើយមានគម្រោងជាង ១,៨០០ កំពុងរង់ចាំអភិវឌ្ឍន៍។
សម្រាប់ព័ត៌មានថ្មីៗរបស់ IHG សូមចូលទៅកាន់ Newsroom ឬតាមដាននៅលើ LinkedIn, Facebook និង Twitter។
អំពី Vignette Collection
Vignette Collection ជាម៉ាកដំបូងបង្អស់របស់ IHG Hotels & Resorts ដែលជា សមាជិកក្រុម នៃអចលនទ្រព្យមួយប្រភេទក្នុងទីក្រុងតំបន់រមណីយដ្ឋាន ដែលភ្ញៀវអាចរីករាយជាមួយ នឹងការ ស្នាក់ នៅដែលផ្ដល់នូវលក្ខណៈពិតប្រាកដ ទទួលបានបទពិសោធន៍ ល្អឥតខ្ចោះ ដែលប្រកបដោយការយកចិត្តទុកដាក់។
កន្លែងនេះ គឺសម្រាប់អ្នកធ្វើដំណើរដ៏ប្រណិតជំនាន់ក្រោយដែលចង់ផ្សងព្រេង ក៏ដូចជាធ្វើដំណើរដោយមានគោលបំណងច្បាស់លាស់។ Vignette Collection មានទំនួលខុស ត្រូវក្នុងការបញ្ចូលសហគមន៍ និងប្រជាជនក្នុងតំបន់ចូលគ្នា ដើម្បីបង្កើត បានជាការ ស្នាក់នៅ ដ៏មាន ភាពប្លែកទាក់ទាញ ដែលឆ្លុះបញ្ចាំងជាមួយនឹងសណ្ធាគាររបស់ពួកយើង។
សម្រាប់ព័ត៌មានបន្ថែម សូមចូលទៅកាន់ vignettecollectionhotels.com។
អំពី Odom
មានទីតាំងនៅកណ្តាលរាជធានីភ្នំពេញ Odom គឺជាគម្រោងអភិវឌ្ឍន៍ចម្រុះលំដាប់ពិភពលោក ដែលមានអគារចំនួន ២ គឺ អគារ Odom Tower ដែលមាន ៤៥ជាន់ ដែលផ្តល់ជូនការិយាល័យកម្រិត A ទំហំ៤០,០០០ម៉ែត្រការ៉េ និង Odom Living ដែលមាន ២២ជាន់ ដោយមានបន្ទប់ចាប់ពី១បន្ទប់ ទៅដល់៤បន្ទប់ សម្រាប់គ្រួសារទាន់សម័យ និងអ្នកជំនាញ។អគារទាំងនេះ នឹងត្រូវបានតភ្ជាប់ដោយ Odom Square ដែលមាន៥ជាន់ ជាមួយនឹងតំបន់បៃតង និងកន្លែងពាណិជ្ជកម្ម សម្រាប់សហគមន៍ដើម្បីរីកលូតលាស់។ អ្នកអភិវឌ្ឍន៍ឈានមុខគេរបស់ Odomគឺ Urban Living Solutions (ULS) ដែលបង្កើតឡើងដោយប្រជាជនកម្ពុជា ផ្តោតលើការអភិវឌ្ឍន៍ដែលផ្តោតលើសហគមន៍៕
www.odomphnompenh.com
www.urbanlivingsolutions.com
