តៃវ៉ាន់ អនុញ្ញាតឱ្យភ្ញៀវទេសចរ និងអ្នកជំនួញចិន ចូលទៅទស្សនាដែនកោះរបស់ខ្លួនម្តងទៀត។ AFP
តៃប៉ិ៖ រដ្ឋាភិបាលតៃវ៉ាន់នៅថ្ងៃព្រហស្បតិ៍បាននិយាយថា ចាប់ពីខែនេះតទៅ ខ្លួននឹងអនុញ្ញាតឱ្យអ្នកទេសចរ និងអ្នកជំនួញចិនចូលទស្សនាម្តងទៀត។ ការអនុញ្ញាតរបស់រដ្ឋាភិបាលតៃវ៉ាន់នេះធ្វើឡើងក្រោយភាពធូរស្រាលនៃជំងឺកូវីដ១៩ និងការពង្រីកសាខាប្រេងអូលីវរបស់ខ្លួនទៅកាន់ទីក្រុងប៉េកាំង។
ពាក់ព័ន្ធនឹងរឿងនេះ ក្រុមប្រឹក្សាកិច្ចការចិនដីគោក (MAC) របស់តៃវ៉ាន់បានឱ្យដឹងថា អ្នកជំនួញមកពីប្រទេសចិននឹងត្រូវបានអនុញ្ញាតចាប់ពីថ្ងៃចន្ទ ដើម្បីដាក់ពាក្យសម្រាប់ដំណើរទស្សនកិច្ចរយៈពេលខ្លី ដូចជាសម្រាប់ចូលរួមការតាំងពិព័រណ៍ជាដើម។
ក្នុងនោះ អ្នកនាំពាក្យរបស់ក្រុមប្រឹក្សាកិច្ចការចិនដីគោក គឺលោក Chan Chih-hung បានបន្ថែមថា ចាប់ពីថ្ងៃទី ១ ខែកញ្ញា ជនជាតិចិនដែលរស់នៅក្រៅប្រទេស ក្នុងទីក្រុងហុងកុង ឬម៉ាកាវ អាចដាក់ពាក្យសុំចូលតៃវ៉ាន់ក្នុងនាមជាអ្នកទេសចរ។
យ៉ាងណាមិញ ក្រុមទេសចរមកពីប្រទេសចិននឹងត្រូវបានកំណត់ត្រឹមតែ ២ ពាន់នាក់ប៉ុណ្ណោះក្នុងមួយថ្ងៃ ប៉ុន្តែកាលបរិច្ឆេទនៃការចាប់ផ្ដើមការកំណត់នេះនៅមិនទាន់ចេញជាផ្លូវការនៅឡើយទេ ហើយដែលវាក៏អាស្រ័យផងដែរទៅលើប្រតិកម្មពីសំណាក់រដ្ឋាភិបាលចិន។
ប៉ុន្តែយ៉ាងណា រហូតមកទល់ពេលនេះ នៅមិនទាន់មានប្រតិកម្មភ្លាមៗពីប្រទេសចិនចំពោះការប្រកាសរបស់តៃវ៉ាន់នោះទេ។
កាលពីឆ្នាំ ២០១៩ ប្រទេសចិនបានបិទការអនុញ្ញាតទេសចររបស់ខ្លួន ក្នុងការទៅទស្សនាកោះតៃវ៉ាន់ជាលក្ខណៈបុគ្គល ខណៈពេលដែលប្រទេសទាំងពីរកំពុងមានភាពតានតឹងផ្នែកនយោបាយ។
បើទោះជាយ៉ាងនេះក្ដី រដ្ឋាភិបាលរបស់តៃវ៉ាន់បាននិងកំពុងព្យាយាមកែលម្អទំនាក់ទំនងជាមួយប្រទេសចិនដោយចាប់ផ្តើមពីបញ្ហាតិចតួចដូចជាទេសចរណ៍ ប៉ុន្តែប្រទេសចិនហាក់នៅតែបង្ហាញភាពរកាំរកូសដាក់តៃវ៉ាន់។
គួរបញ្ជាក់ថា តៃវ៉ាន់ត្រូវបានគេស្គាល់តាមរយៈចំណុចទាក់ទាញជាច្រើនដូចជា ផ្សាររាត្រីដែលមានភាពអ៊ូអរ បេតិកភណ្ឌជនជាតិដើមភាគតិច ឧស្សាហកម្មអេឡិចត្រូនិកដ៏រឹងមាំ និងធម្មជាតិដ៏ស្រស់ស្អាតដែលព័ទ្ធជុំវិញដោយបឹងនិងភ្នំ។ តៃវ៉ាន់ក៏ត្រូវបានគេស្គាល់ដោយសារវប្បធម៌ចម្រុះ ប្រាសាទ ព្រមទាំងអាហារឆ្ងាញ់ៗ។ សម្រាប់ឆ្នាំនេះផងដែរ តៃវ៉ាន់បានកំណត់ទិសដៅភ្ញៀវទេសចរ ៦ លាននាក់ចូលទៅទស្សនាដែនកោះរបស់ខ្លួន។
ដោយឡែក សម្រាប់ការប្រើប្រាស់ប្រេងអូលីវរបស់តៃវ៉ាន់ឯណោះវិញ ត្រូវបានព្យាករណ៍ថានឹងឈានដល់ ៨ ពាន់តោននៅឆ្នាំ ២០២៦ ដែលកើនឡើង ២.៣% ពីមួយឆ្នាំទៅមួយឆ្នាំ។ ក្នុងឆ្នាំ ២០២១ តៃវ៉ាន់គឺជាអ្នកប្រើប្រាស់ប្រេងអូលីវធំជាងគេទី ៣៣ ដែលមានចំនួន ៧ ពាន់តោន៕
