លោក ម៉ៅ ស្រេង ជាស្ថាបនិកសន្និបាត GAC និង នាយកប្រចាំប្រទេសនៃស្ថាប័ន IDP Education នៅកម្ពុជា និងសាលា ACE ក្នុងសន្និបាតបញ្ញវន្តពិភពលោក
សន្និបាតបញ្ញវន្តពិភពលោកប្រចាំឆ្នាំលើកទី៩ ជាវេទិកាដ៏មានសារសំខាន់បំផុតមួយសម្រាប់ឱកាសនៃការអប់រំអន្តរជាតិ និងការកសាងបណ្តាញការងារនឹងប្រព្រឹត្តិទៅនៅថ្ងៃទី ២០ និង ២១ ខែតុលា ឆ្នាំ ២០២៣ នៅសណ្ឋាគារសូហ្វីតែលភ្នំពេញភូគីត្រា។
សន្និបាតបញ្ញវន្តពិភពលោកប្រារព្ធឡើងជារៀងរាល់ឆ្នាំដោយស្ថាប័ន IDP Education ដែលជាស្ថាប័នផ្តល់សេវាកម្មការអប់រំអន្តរជាតិឈានមុខគេនៅក្នុងពិភពលោក។ ជាមួយការិយាល័យប្រមាណជាង ១៥៧ កន្លែង ក្នុង ៦០ ប្រទេសជុំវិញពិភពលោក និងជាស្ថាប័នដែលផ្តល់ការធ្វើតេស្ត IELTS ក្នុងនោះ ស្ថាប័ន IDP Education ក៏បានបើកដំណើរការមជ្ឈមណ្ឌលអូស្ត្រាលីសម្រាប់ការបណ្តុះបណ្តាល (សាលា ACE) ផងដែរ។
សន្និបាតនឹងចាប់ផ្តើមជាមួយនឹង កម្មវិធីអាហារពេលល្ងាចនាល្ងាចថ្ងៃសុក្រ ទី ២០ ខែតុលា ដោយមានការចូលរួមពីសំណាក់អតីតសិស្ស និស្សិត អ្នកតំណាងស្ថាប័នអប់រំអន្តរជាតិ មន្ត្រីក្នុងបណ្តាក្រសួង និងស្ថានទូតនានា សហគ្រិន និងថ្នាក់ដឹកនាំធុរកិច្ច និងសង្គមស៊ីវិលជាច្រើនជុំវិញពិភពលោក។ ព្រឹត្តិការណ៍នេះក៏រួមបញ្ចូលការប្រារព្ធខួបលើកទី៣១ ឆ្នាំនៃដំណើរការរបស់ស្ថាប័ន IDP Education ក្នុងការប្រឹក្សាយោបល់ និងបញ្ចូនសិស្យទៅសិក្សានៅបរទេសប្រចាំនៅកម្ពុជាផងដែរ។
អតីតអភិបាលរងខេត្តបាត់ដំបង លោក ស៊ូ អារ៉ាហ្វាត ដែលពាក់ព័ន្ធអំពើពុករលួយក្នុងរឿងវិវាទដីធ្លី។ រូបថត ហ្វេសប៊ុក
បន្ទាប់ពីជំនួបបញ្ញវន្តពិភពលោកនាពេលល្ងាចថ្ងៃសុក្រ សន្និបាតនឹងបន្តជាមួយនឹងការតាំងពិព័រណ៍សិក្សា និងការងារ (ក្រោមការចូលរួមដោយឥតគិតថ្លៃ) ចាប់ពីម៉ោង ៩ ព្រឹក ដល់ម៉ោង ៤ ល្ងាច នៅថ្ងៃសៅរ៍ ទី ២១ ខែតុលា សម្រាប់សិស្ស និស្សិត បញ្ញវន្ត និងអាណាព្យាបាល ស្វែងយល់ព័ត៌មានអំពីជម្រើសសិក្សាលំដាប់ពិភពលោកនៅបរទេសរួមមានប្រទេសអូស្ត្រាលី ណូវែលហ្សេឡង់ សហរដ្ឋអាមេរិក កាណាដា ចក្រភពអង់គ្លេស និងអៀរឡង់ជាដើម។
ពិព័រណ៍រួមមានការពិភាក្សា និងបទបង្ហាញពីអ្នកជំនាញក្នុងវិស័យឧស្សាហកម្ម បញ្ញវន្ត អ្នកផ្តល់អាហារូបករណ៍ និងអ្នកតំណាងមកពីស្ថាប័នជាច្រើនលើប្រធានបទនានាដូចជា ការសម្របខ្លួន ក្នុងបរិបទវប្បធម៌ថ្មី និងវិធីក្នុងការជ្រើសរើសមុខជំនាញសិក្សាដែលសមស្រប ព្រមទាំងដំបូន្មាន និងការណែនាំអំពីកម្មវិធីសិក្សា ការដាក់ពាក្យចូលរៀនព័ត៌មានអាហារូបករណ៍ជាច្រើន និងដំណើរការសុំទិដ្ឋាការដើម្បីទៅសិក្សានៅបរទេសដោយផ្ទាល់ពីតំណាងស្ថាប័នអប់រំអន្តរជាតិ ទីភ្នាក់ងារជ្រើសរើសបុគ្គលិក និងនិយោជកជុំវិញពិភពលោក។
លោក ជា ចាន់តូ ថ្លែងក្នុងពិធីសន្និបាត NBC។ ធនាគារជាតិនៃកម្ពុជា
ស្ថាប័នប្រមាណជាង ១០០ ដែលមានគ្រប់កម្រិតសិក្សាចាប់ពីបឋមសិក្សា និងមធ្យមសិក្សា រហូតដល់ឧត្តមសិក្សា មកពីជុំវិញពិភពលោកនឹងចូលរួមក្នុងពិព័រណ៍នេះ នឹងជួបពិភាក្សាជាមួយនឹងអ្នកចូលរួមសរុបប្រមាណជាង ២ ០០០ នាក់។
សនិ្នបាតបញ្ញវន្តពិភពលោកត្រូវបានបង្កើតឡើងក្នុងឆ្នាំ ២០១៥ និងប្រារព្ធជារៀងរាល់ឆ្នាំដោយប្រមូលផ្តុំនូវសិស្សនិស្សិតកម្ពុជាដែលបានបញ្ចប់ការសិក្សាពីប្រទេសអូស្ត្រាលី កម្ពុជា កាណាដា ចិន បារាំង ជប៉ុន កូរ៉េ ម៉ាឡេស៊ី ណូវែលហ្សេឡង់ រុស្ស៊ី សិង្ហបុរី ថៃ ចក្រភពអង់គ្លេស និងសហរដ្ឋអាមេរិក។
សូមចូលរួមដើម្បីទទួលយកបទពិសោធន៍ដ៏សម្បូរបែបក្នុងសន្និបាតបញ្ញវន្តពិភពលោកឆ្នាំនេះ!
ដើម្បីចូលរួម និងក្លាយជាដៃគូសហការ សូមទំនាក់ទំនងមកកាន់៖ gac@idp.com ឬ 086 667 135។
