RI Korea បាននឹងកំពុងអនុវត្ត «គម្រោងកែលម្អលទ្ធភាពទទួលបានសេវាថែទាំសុខភាព សម្រាប់ជនមានពិការភាពនៅកម្ពុជា» ជាមួយ KOICA ដែលបាន ចាប់ផ្តើមតាំងពីខែកក្កដា ឆ្នាំ ២០២០។ គម្រោងនេះរួមបញ្ចូលទាំងការបណ្តុះ បណ្តាលបុគ្គលិកពេទ្យឱ្យទទួល យកទស្សនៈវិស័យថែទាំសុខភាព សម្រាប់ជនមានពិការភាពកាន់តែទូលំទូលាយ កែលម្អបរិយាកាសមន្ទីរពេទ្យសម្រាប់ជនមានពិការភាព ការបង្កើតទិន្នន័យតាមប្រភេទនៃពិការភាពក្នុងតំបន់ស្របតាមស្តង់ដារ ICF និងសកម្មភាពយុទ្ធនាការផ្សព្វផ្សាយការយល់ដឹងអំពីពិការភាពក្នុង ប្រទេសកម្ពុជា។
វគ្គបណ្តុះបណ្តាលជាមូលដ្ឋានលើកទី ៣ ដែលដឹកនាំដោយ RI Korea និងជាផ្នែកមួយនៃគម្រោង KOICA ត្រូវបានបញ្ចប់ដោយជោគជ័យក្នុងខែឧសភា។ កម្មវិធីសិក្សាត្រូវបានបែងចែកទៅជាការណែនាំ ដើម្បីផ្តល់ជាចំណេះដឹងអំពីជនពិការ និងពិការភាពខ្លួនឯង និងមុខវិជ្ជាជាក់លាក់ ដើម្បីជួយពួកគេឱ្យយល់ច្បាស់អំពីកាស្តារនីតិសម្បទា។ បុគ្គលិកពេទ្យមកពី DAC របស់កម្ពុជា (ក្រុមប្រឹក្សាសកម្មភាពជនពិការ) មជ្ឈមណ្ឌលជាតិស្តារនីតិសម្បទាកូរ៉េ និងមន្ទីរពេទ្យជាតិស្តារនីតិសម្បទា ដោយគ្រោះថ្នាក់ចរាចរណ៍នៃប្រទេសកូរ៉េ និងមន្ទីរពេទ្យស្តារនីតិសម្បទាកុមារ Prume បានចូលរួមជាអ្នកបង្ហាត់បង្រៀន ហើយបុគ្គលិកពេទ្យកម្ពុជាចំនួន ៥៩ នាក់បានចូលសិក្សា និង ៥៤ នាក់បានបញ្ចប់។
បុគ្គលិកពេទ្យជនជាតិខ្មែរបានទស្សនាវីដេអូបង្រៀនជាមុន និងបានទំនាក់ទំនងជាមួយអ្នកបង្ហាត់បង្រៀនតាមរយៈសិក្ខាសាលាតាមពេលកំណត់តាម Zoom រៀងរាល់ថ្ងៃសៅរ៍ និងបានផ្តល់ពិន្ទុពេញចិត្ត ៤,១០ (លើ ៥).
នៅក្នុងបទសម្ភាសន៍ក្រោយការអប់រំ បុគ្គលិកពេទ្យភាគច្រើនបាននិយាយថាពេលនេះពួកគេបានយល់ឃើញត្រឹមត្រូវអំពីពិការភាព ហើយបានរកឃើញថាជនពិការក៏មានសិទ្ធិមនុស្សស្មើគ្នាដែរ។ មុនពេលសិក្សា បុគ្គលិកពេទ្យជាច្រើននាក់បាននិយាយថាពួកគេមិនមានចំណាប់អារម្មណ៍លើពិការភាព និងជនពិការទេ ព្រោះពួកគេបានចាត់ទុកថាការងារទាំងនោះជាការងាររបស់មន្ទីរសង្គមកិច្ច ដែលមិនពាក់ព័ន្ធនឹងពួកគេទេ។ ម្យ៉ាងវិញទៀត ពួកគេមិនដែលមានធ្លាប់បានគិតពីសិទ្ធិមនុស្សស្មើៗគ្នានោះដែរ។
ម្នាក់ក្នុងចំណោមបុគ្គលិកពេទ្យបានឆ្លើយតបថា៖ «ផ្នែកដែលផ្លាស់ប្តូរបំផុតបន្ទាប់ពីការអប់រំ គឺខ្ញុំបានចាប់អារម្មណ៍លើដំណើរការទាំងមូលនៃការស្តារនីតិសម្បទារបស់មនុស្សដែលអាចបញ្ចូលទៅក្នុងសហគមន៍បាន។ កាលពីមុនខ្ញុំព្យាបាលតែអ្នកជំងឺរបស់ខ្ញុំតែប៉ុណ្ណោះ ប៉ុន្តែបន្ទាប់ពីទទួលបានការបណ្តុះបណ្តាលហើយ ខ្ញុំបានកំណត់គោលដៅសម្រាប់ដំណើរការទាំងមូលនៃការយល់ដឹងអំពីប្រវត្តិរបស់អ្នកជំងឺ និងជួយពួកគាត់ឱ្យត្រឡប់ទៅកាន់សហគមន៍វិញ។ ដូចនេះ តាមរយៈវគ្គបណ្តុះបណ្តាល យើងបានសម្គាល់ឃើញថា ការយល់ឃើញរបស់បុគ្គលិកពេទ្យចំពោះពិការភាព និងជនពិការបានផ្លាស់ប្តូរបន្តិចម្តងៗ»។ នៅក្នុងខែមិថុនានេះ RIKorea បាននឹងកំពុងរៀបចំសន្និសិទស្តីពីករណីជាមួយវេជ្ជបណ្ឌិតផ្នែកស្តារនីតិសម្បទាកូរ៉េ ដែលធ្វើការនៅក្នុងប្រទេសកម្ពុជា ហើយនឹងមានបន្តវគ្គបណ្តុះបណ្តាលកម្រិតខ្ពស់បន្ថែមទៀត៕
