​ក្រុមហ៊ុន THH Import Export Co., Ltd កាលពី​ថ្ងៃទី​ ១៨ ខែសីហា ​ឆ្នាំ​ ២០២៣ ទើបតែ​បាន​ប្រារព្ធ​កម្មវិធី​សម្ភោ​ធលក់​ជា​ផ្លូវការ​រថយន្ត​ទំនើប​បែប​អនាគត ALL-New EMKOO ដែល​រចនា​លំនាំ​តាម​រថយន្ត​ទំនើប​បែប​អនាគត នៅ​ផ្សារ​ទំនើប Aeon Mall Sen Sok​។ បន្ទាប់ពី​បិទ​បញ្ចប់​ការ​ប្រារព្ធ​កម្មវិធី​សម្ភោ​ធលក់​ជា​ផ្លូវការ ALL-New EMKOO រួចមក សម្ទុះ​នៃ​ការគាំទ្រ​យ៉ាងខ្លាំង​របស់​អតិថិជន​ជាមួយនឹង​រថយន្ត​ទំនើបៗ​របស់ GAC MOTOR Cambodia​។ ដោយ​មើលឃើញ​ការគាំទ្រ​យ៉ាងខ្លាំង​ពី​សំណាក់​អតិថិជន​បែបនេះហើយ ទើប​នៅ​ពីថ្ងៃ​ទី​ ២៩ ខែកញ្ញា ឆ្នាំ​ ២០២៣ ថ្មីៗ នេះ ក្រុមហ៊ុន​បាន​បើក​កម្មវិធី​សម្ពោធ​លក់​កំពូល​ថ​យន្ត​ទំនើប​បែប​ស្ព័​រ ALL- New GS3 EMZOOM សេរី​ឆ្នាំ​2024 ថ្មី​មួយ​បន្ថែមទៀត នៅ​អគារ​តាំង បង្ហាញ​លក់​រថយន្ត អគារ​លេខ​ ១១ មហាវិថី​សហព័ន្ធ​រុស្សី សង្កាត់​កា​កាប ខណ្ឌ​ពោធិ៍​សែន​ជ័យ ក្រុងភ្នំពេញ​។

​រថយន្ត ALL-New GS3 EMZOOM ជា​ប្រភេទ​រថយន្ត Mini-SUV ខ្នាតតូច​បែប​ស្ព័​រ​មាន​ទំហំ​ធំ​ទូលាយ ដែលមាន​ការ​រចនា​ឡើងជា​មួយរូប​រាង​ថ្មី​ប្លែក​លំនាំ​តាម​រថយន្ត​បែប​គ្រាប់ពេជ្រ ទំនើប​ទាន់សម័យ (New Generation Trendy & Intelligent SUV) បំពាក់​នូវ​បច្ចេកវិទ្យា​ឌីជីថល​ឆ្លាត​វៃ និង​មាន​ថាមពល​ខ្លាំង ស័ក្តិសម​បំផុត​សម្រាប់​អ្នកបើកបរ​ជំនាន់​ថ្មី​។​

​ការ​រចនា​ផ្នែក​ខាងមុខ​គឺ​ស្រដៀង​ទៅនឹង​រថយន្ត​អគ្គីសនី ជាមួយ​ប៉ា​ណា​បញ្ឈរ​បែប​ស្លាប​សត្វ​ឥន្ទ្រី​ «Mecha Wing Grille» ​ដែល​ភ្ជាប់​ជាមួយ​ការ​រចនា​ចង្កៀង​មុខជា​ប្រភេទ Laser eye headlight ដែល​ផ្តល់នូវ​ភាព​ទាក់ទាញ​និង​ឧត្តមភាព​នៅពេល​បើកប​រ​។ ជាមួយ​ដៃ​ទ្វារ​បង្កប់​ប្រភេទ Electronic Flush Door និង​កង់​អា​លុយ​ម៉ី​ញ៉ូ​ម​ទំហំ​18 អ៊ីង​។ ងាក​មក​មើល​ផ្នែក​ខាងក្រោយ​កាន់តែ​លេចធ្លោ​ជាមួយ​ការ​រចនា​ភ្លើង​ក្រោយ​រា​ង្គ​គ្រាប់ពេជ្រ (star diamond shape) និង​បំពាក់​បំពង់​ស៊ី​មាំ​ង​ភ្លោះ​បែប​ស្ព័​រ​។​

​រថយន្ត GS3 EMZOOM ត្រូវបាន​ផលិត​នៅលើ​គ្រោង​តួ​សកល GPMA (GAC Global Platform Modular Architecture) ដែលមាន​លក្ខណៈ​ធន់ រឹងមាំ សន្សំសំចៃ និង​ផ្តល់នូវ​គុណភាព​ខ្ពស់​ក្នុងការ​បើកបរ​។ វា​បាន​បំពាក់ ម៉ាស៊ីន​សាំង​សេរី​ថ្មី​ជំនា​ន់ទី​3 ទំហំ 1.5T GDI ដែល GAC ឱ្យ​ឈ្មោះថា Mega Wave Power ផលិត​កម្លាំង​បាន 177 Hp និង​កម្លាំង​រមួល 270 Nm ភ្ជាប់​ជាមួយ​ប្រអប់លេខ 07 វគ្គ​អូ​តូ (7WDCT) ប្រភេទ​Wet Dual Clutch Transmission អាច​បង្កើនល្បឿន​ពី​ចំណុច 0 ទៅ 100 ក្នុង​រយៈពេល​ត្រឹម 7.5 វិនាទី​ប៉ុណ្ណោះ ព្រមទាំង​កម្រិត​ស៊ីប្រេង​ស្តង់ដារ​ត្រឹមតែ 6.2​លីត្រ​/100 គីឡូម៉ែត្រ​។​

​នៅ​ផ្នែក​ខាងក្នុង​វិញ GS3 EMZOOM ផ្តល់នូវ​ផាសុកភាព​ខ្ពស់ ជាមួយ​កៅអី​ស្បែក​រចនា​បែប​ស្ព័​រដែ​ល​ត្រូវបាន​ជ្រើសរើស​យ៉ាង​យកចិត្តទុកដាក់​ដើម្បី​ផ្តល់នូវ​បទពិសោធន៍​ដ៏​អស្ចារ្យ​និង​ប្រណិត​ភាព​។​ចំពោះ​លក្ខណៈសម្បត្តិ​ទូរ​ទៅ​រួមមាន​៖

-​ ​ចង្កឹះ​លេខ​ទំនើប​ប្រភេទ Electronic Gear Shifter

-​ ​ដៃ​ទ្វារ​បង្កប់​ប្រភេទ Electronic Flush Door

-​ ​កុង​ទ័​រ​ប្រភេទ​Digital​ទំហំ 7 អ៊ីង​

-​ ​អេក្រង់ Touch Screen ទំហំ 10.25​អ៊ីង​

-​ ​តម្រង​ប​ន្សុ​ទ​ខ្ស​ល់​ទំហំ PM 1.0 Air Filter

-​ ​កាំ​មេ​រ៉ា​360​ដឺ​ក្រេ​មើល​ជុំវិញ​រថយន្ត​កំរិត​HD

-​ ​ប្រព័ន្ធ​កម្រិត​ល្បឿន​រថយន្ត​Cruise Control

-​ ​សោរ​រថយន្ត​រចនា​ទំនើប​និង​ឆ្លា​វៃ (PEPS)

-​ ​ដំបូល​បើក​ប្រភេទ​Panoramic Sunroof

​ចំពោះ​តួ​រថយន្ត GS3 EMZOOM ស្ថិតក្នុង​ប្រភេទ Min- SUV (​រថយន្ត​លក្ខណៈ​គ្រួសារ​ខ្នាតតូច​) ប៉ុន្តែ​វា​មាន​ទំហំ​ធំ​ទូលាយ ដោយមាន​បណ្តោយ​រហូត​ដល់ 4,410mm ទទឹង 1,850 mm កំពស់ 1,600 mm និង​គម្លាត​ពី​អ័ក្ស​កង់​មុខ​ទៅ​អ័ក្ស​កង់​ក្រោយ​រហូតដល់ 2,650mm ដែល​ផ្តល់នូវ​លំនឹង​បានល្អ​នៅពេល​បើកបរ​។ អ្វីដែល​កាន់តែ​ពិសេស​សម្រាប់​រថយន្ត​ម៉ូ​ឌែ​ល GS3 EMZOOM សេរី​ថ្មី​នេះ មាន​ជម្រើស​រហូតដល់​ទៅ​5 ពណ៌​រួមមាន​៖ ខៀវ​, ស​,​ប្រាក់​,​ប្រផេះ​ស្រាល​និង ប្រផេះ​ដិត​។​

​អ្វីដែល​មិន​នឹកស្មាន​ដល់​នោះ​ចំពោះ​រថយន្ត​ម៉ូ​ឌែ​ល GS3 EMZOOM ដែល​បំពាក់​សុទ្ធតែ​ប្រព័ន្ធ​ឌីជីថល និង​គ្រឿង​បរិក្ខា គ្រប់សព្វ (Full Options) នេះ មានតម្លៃ​ពិសេស​ត្រឹមតែ $32,900 តែប៉ុណ្ណោះ និង​ទទួលបាន​ការផ្តល់ជូន​ការធានា រយៈពេល​វែង​រហូតដល់ 5 ឆ្នាំ​ឬ 150,000 គីឡូម៉ែត្រ​ពី​រោងចក្រ​ផ្ទាល់ និង​ទទួល​បានការ​ថែ​រទាំ​ឥតគិតថ្លៃ​រយៈពេល​1 ឆ្នាំ ឬ 20,000 គីឡូម៉ែត្រ​ផងដែរ​។​

​ដើម្បី​ជួយ​សម្រួល​ដល់​អតិថិជន​ក្នុង​ការទិញ​រថយន្ត​ម៉ូ​ឌែ​ល GS3 EMZOOM សេរី​ថ្មី​នេះ​អតិថិជន​អាច​ជ្រើសរើស សេវា​កម្មបង់​រំលស់​របស់​ក្រុមហ៊ុន Forward Leasing និង​ធនាគារ​ដៃគូ​ដោយ​ទទួលបាន​នូវ​លក្ខខណ្ឌ​បង់​រំលស់​ងាយៗ និង​ឆាប់រហ័ស​។ ព័ត៌មាន​លម្អិត សូម​ទំនាក់ទំនង​មក​ផ្នែក​លក់​ផ្ទាល់​៖ 095999029/ 095999268 ឬ​អញ្ជើញ​មក​អគារ​តាំង បង្ហាញ​លក់​រថយន្ត​: អគារ #11 មហាវិថី​សហព័ន្ធ​រុស្សី សង្កាត់​កា​កាប ខណ្ឌ​ពោធិ៍​សែន​ជ័យ ក្រុងភ្នំពេញ​៕

​