ភ្នំពេញ, កម្ពុជា – [២៥ មិថុនា ២០២៤] – ក្រុមហ៊ុន PillTech ជាធុរកិច្ចខ្មែរឈានមុខផ្នែកបច្ចេកវិទ្យាវិស័យសុខាភិបាល និង Sanofi Global Health Unit (GHU) ដែលជាអង្គភាពមិនរកប្រាក់ចំណេញរបស់ក្រុមហ៊ុន Sanofi បានចាប់ដៃគូក្នុងគោលបំណងឱ្យការផ្តល់សេវាសុខាភិបាលនៅទូទាំងប្រទេសកម្ពុជាកាន់តែប្រសើរឡើង។
ការសហការជាដៃគូនេះត្រូវបានប្រកាសនៅក្នុងសន្និសីទ «Bridging Health and Innovation» ដែលប្រារព្ធឡើងនៅសណ្ឋាគារសូហ្វីតែលភ្នំពេញភូគីត្រា ដោយផ្តោតលើការចែកចាយឱសថគុណភាពខ្ពស់ ក្នុងតម្លៃសមរម្យសម្រាប់ប្រជាជនកម្ពុជា និងព្រមទាំងចូលរួមគាំទ្រវិស័យសុខាភិបាលនៅកម្ពុជាតាមរយៈការផ្តល់នូវការអភិវឌ្ឍវិជ្ជាជីវៈបន្ត ផ្នែកវេជ្ជសាស្ត្រ និងឱសថសាស្ត្រដែលជំរុញការអភិវឌ្ឍប្រកបដោយចីរភាព។
លោកឯកឧត្ដមសាស្ត្រាចារ្យបណ្ឌិត សុខ ជួរ អគ្គនាយករងសុខាភិបាលនៃក្រសួងសុខាភិបាល ក៏បានថ្លែងនូវការគាំទ្រយ៉ាងមុតមាំរបស់លោកចំពោះការសហការរវាង ក្រុមហ៊ុន PillTech ជាធុរកិច្ចខ្មែរឈានមុខផ្នែកបច្ចេកវិទ្យាវិស័យសុខាភិបាល និង Sanofi Global Health Unit (GHU) និងលើកទឹកចិត្តឱ្យមានកិច្ចសហការផ្នែកវេជ្ជសាស្ត្រក្នុងការគ្រប់គ្រងជំងឺមិនឆ្លង (NCD)កាន់តែច្រើន។
ជាផ្នែកមួយនៃការកសាងសមត្ថភាពសម្រាប់អ្នកផ្តល់សេវាថែទាំសុខភាព សិក្ខាសាលានេះបានប្រមូលផ្តុំអ្នកផ្តល់សេវាថែទាំសុខភាពជាង ១០០ នាក់មកពីទូទាំងប្រទេសកម្ពុជា ដែលជំរុញឱ្យមានកិច្ចសហការ និងការចែករំលែកចំណេះដឹង ជាពិសេសតាមរយៈសិក្ខាសាលាស្តីពីជំងឺទឹកនោមផ្អែម និងការគ្រប់គ្រងជំងឺសរសៃឈាមបេះដូង ដែលដឹកនាំដោយលោកវេជ្ជបណ្ឌិត ស៊ុំ សត្ថា , គ្រូពេទ្យឯកទេសខាងប្រព័ន្ធ ប្រព័ន្ធ អង់ដូគ្រីន និងលោកវេជ្ជបណ្ឌិត ថេង យូដាលីន គ្រូពេទ្យឯកទេសជំងឺបេះដូង នៅមន្ទីរពេទ្យកាល់ម៉ែត។
ដើម្បីបង្កើនលទ្ធភាពទទួលបានថ្នាំដែលមានតម្លៃសមរម្យ កម្មវិធីនេះក៏បានដាក់បង្ហាញពីតម្លៃសមរម្យនៃ Lantus SoloStar Insulin Pen ដែលជាអាំងស៊ុយលីន glargine ដែលមានសកម្មភាពយូរ ដែលបន្ថយជាតិស្ករក្នុងឈាមចំពោះអ្នកជំងឺដែលមានជំងឺទឹកនោមផ្អែម។
ការសហការជាដៃគូរវាង PillTech និងអង្គភាពសុខភាពសកលរបស់ Sanofi តំណាងឱ្យចក្ខុវិស័យរួមគ្នាដោយអង្គភាពទាំងពីរ។
វេជ្ជបណ្ឌិត Vijeta Tiwari, Access Lead Asia នៅ Sanofi GHU មានប្រសាសន៍ថា៖ «យើងជឿជាក់ថាមធ្យោបាយតែមួយគត់ដើម្បីកែលម្អសុខភាពរបស់ប្រជាជនកាន់តែច្រើននៅក្នុងប្រទេសដែលមានប្រាក់ចំណូលទាប និងមធ្យមគឺតាមរយៈការប្តេជ្ញាចិត្ត និងយូរអង្វែងប្រកបដោយនិរន្តរភាព។ ការសហការជាដៃគូរបស់យើងជាមួយ PillTech គឺជាជំហានដ៏សំខាន់មួយឆ្ពោះទៅរកការសម្រេចបាននូវចក្ខុវិស័យនេះ»។
ជាមួយបច្ចេកវិទ្យាដ៏ទំនើបក្នុងការបង្កើតវេទិកា B2B ដើម្បីដោះស្រាយបញ្ហាចែកចាយឱសថក្នុងតម្លៃសមរម្យនៅកម្ពុជា ក្រុមហ៊ុន PillTech ត្រូវបានទទួលស្គាល់ថាជាធុរកិច្ចថ្មីប្រសើរបំផុតប្រចាំឆ្នាំក្នុងកម្មវិធីពានរង្វាន់ បច្ចេកវិទ្យាគមនាគមន៍ និងព័ត៌មានកម្ពុជានៅឆ្នាំ ២០២១ និងបានទទួលមេដាយមាសសម្រាប់កម្ពុជាក្នុងព្រឹត្តិការណ៍ អាជីវកម្មឌីជីថលល្អបំផុតនៅថ្នាក់តំបន់អាស៊ានកាលពីឆ្នាំ ២០២១។
លោកឱសថបណ្ឌិត វីរៈ ខ្លូតជា អគ្គនាយក និងសហស្ថាបនិក PillTech បានលើកឡើងថា៖ «PillTech យើងជួយឱសថការី និងវេជ្ជបណ្ឌិតទាំងអស់ក្នុងការស្វែងរក និងជាវផលិតផលឱសថរាប់ពាន់មុខយ៉ាងងាយស្រួលតាមរយៈវេទិកាតែមួយ ដើម្បីធានាបានថាអ្នកជំងឺអាចទទួលបានថ្នាំព្យាបាលមានគុណភាព និងតម្លៃល្អបំផុត»។
សម្រាប់ព័ត៌មានបន្ថែមអំពីរបៀបចូលរួមក្នុងគម្រោងនេះ និងការបញ្ជាទិញផលិតផល សូមទំនាក់ទំនងទៅកាន់អគ្គនាយក និងសហស្ថាបនិក ឱសថបណ្ឌិត វីរៈ ខ្លូតជា ឬចូលទៅកាន់គេហទំព័ររបស់យើង https://www.pilltech.com.kh/។ ទាញយកកម្មវិធីទូរសព្ទ PillTech ពី App Store ឬ Play Store ដើម្បីចាប់ផ្តើមមុនគេ។ រួមគ្នា ដើម្បីប្រជាជនយើងទទួលឱសថប្រើប្រាស់គ្រប់គ្រាន់នៅកម្ពុជា!