ភ្នំពេញៈ រោងភាពយន្ត លេជេន នឹងប្រារព្ធពិធីអបអរសាទរខួប ១៣ឆ្នាំរបស់ខ្លួន នៅថ្ងៃទី៧ ខែ កក្កដា ឆ្នាំ២០២៤ នៅឯលេជេន សាខា អូឡាំព្យា ដែលជាទីតាំងទំនើបធំទូលាយ និងមានស្ដង់ដារខ្ពស់បំផុត។
ការរីកចម្រើន និងការពង្រីកសាខាយ៉ាងឆាប់រហ័សរបស់រោងភាពយន្ត លេជេន ចាប់ពីទីតាំងទី ១ ដល់ ១២ ទីតាំង ក្នុងរយៈពេល ១៣ ឆ្នាំកន្លងមក គឺបានបង្ហាញពីវឌ្ឍនភាពខ្លាំងខ្លារបស់រោងភាពយន្តនេះ ក្នុងការផ្តល់នូវសេវាកម្ម ការចែកចាយខ្សែភាពយន្ត ក៏ដូចជាឥទ្ធិពលខ្លាំងនៅក្នុងឧស្សាហកម្មទស្សនីយភាពមួយនេះផងដែរ។
សព្វថ្ងៃនេះ រោងភាពយន្ត លេជេន មាន ១២ សាខារួមមាន ១០ ទីតាំង នៅរាជធានីភ្នំពេញ និង ២ ទីតាំង ទៀតនៅខេត្តសៀមរាប និងព្រះសីហនុ។ រីឯសាលចាក់បញ្ចាំងមានច្រើនប្រភេទដូចជា សាលធម្មតា, សាលព្រីមៀម, សាលកុមារ, សាលយក្ស, សាលស្គ្រីនអ៊ិច និង សាល VIP Hall (Diamond and Gold Class) ដែលផ្ដល់នូវបទពិសោធន៍ដល់អ្នកទស្សនាយ៉ាងប្រណីតភាព និងឯកជនជាទីបំផុត។
នាឱកាសដ៏ពិសេសនៃខួប ១៣ ឆ្នាំនេះដែររោងភាពយន្ត លេជេន បានរៀបចំកម្មវិធីជាច្រើនរួមមានការប្រមូលថវិកាជួយកុមារខ្វះខាតនៅ សាលាដូង តាមរយៈការដាក់លក់ «ឈុតនៃក្ដីសង្ឃឹម» តាំងពីថ្ងៃទី ១៩ ខែមេសា រហូតដល់ ២៧ ខែមិថុនា ២០២៤។
ថវិកាដែលប្រមូលបានសរុបចំនួន ៦,០០០,០០០រៀល ត្រូវបានក្រុមការងារនាំយកទៅជូន សាលាដូង ដល់ទីតាំងនៅគិរីរម្យនាថ្ងៃទី ២៨ ខែមិថុនា ឆ្នាំ២០២៤ ក្រោមវត្តមានអ្នកចូលរួម ១០០ នាក់ រួមមានក្រុមការងាររបស់ លេជេន អ្នកគាំទ្រដែលបានចុះឈ្មោះតាមប្រព័ន្ធផ្សព្វផ្សាយសង្គម និងអ្នកផលិតមាតិកា (KOLs) ជាច្រើនរូបផងដែរ។
គួរឱ្យរំឭកផងដែរថា កាលពីថ្ងៃទី១ ខែមិថុនា ចំទិវាកុមារអន្ដរជាតិ រោងភាពយន្ត លេជេន ក៏បានទទួលស្វាគមន៍យ៉ាងកក់ក្ដៅចំពោះក្មេងៗមកពីសាលាដូងមកកាន់ លេជេន អូឡាំព្យា ដើម្បីដើរទស្សនកិច្ចមើលទីតាំងរោងភាពយន្ត ចូលលេងក្នុងសាលរង់ចាំកុមារ (Kids Lounge) និងទស្សនារឿងក្នុងសាលដ៏ធំទូលាយផងដែរ។
លើសពីនេះទៅទៀតសម្រាប់ហ្វេនៗ ដែលមានស្នាដៃខាងរចនាក្រាហ្វិក ក៏មានឱកាសបញ្ចេញស្នាដៃរបស់ខ្លួនតាមរយៈការប្រកួត «រចនាប្រអប់ពោតផ្ទុះ» ដោយមានអ្នកចុះឈ្មោះចូលរួមប្រមាណ ២៥០នាក់។ បេក្ខជនត្រូវបានជ្រើសរើសយ៉ាងយកចិត្តទុកដាក់ពីក្រុមការងារសម្រាប់ជាប់ជុំទី១ ចំនួន ៣នាក់ និងបន្តរកអ្នកឈ្នះជ័យលេខភីលេខ១ដែលនឹងទទួលបានទឹកប្រាក់សរុប ១២០០ ដុល្លារ ព្រមទាំងការរចនារបស់គាត់នឹងបានបង្ហាញលើកប្រអប់ពោតផ្ទុះរបស់រោងភាពយន្ត លេជេន គ្រប់សាខាថែមទៀតផង។
កម្មវិធីដ៏ពិសេសមួយទៀតនោះគឺ «មើលឈ្នះ ញ៉ាំឈ្នះ» ដែលអតិថិជនគ្រាន់តែជាវសំបុត្រកុន ឬអាហារសម្រន់ ដែលចំណាយចាប់ពី ១៣,១៣ ដុល្លារ ក្នុងមួយវិក័យបត្រ អតិថិជននឹងមានឱកាសឈ្នះរង្វាន់ជាច្រើនសន្ធប់សន្ទាប់ដូចជា ទូរស័ព្ទ iPhone15 Pro Max, ឧបករណ៍អេឡិចត្រូនិច LG, នាទ្បិកាឆ្លាតវៃ KIESLECT, គ្រឿងអលង្ការ PANDORA, គូប៉ុងស្នាក់នៅដោយឥតគិតថ្លៃពី Summer Bay Beach Club & Cabins និងរង្វាន់ផ្សេងៗជាច្រើនទៀត។
សម្រាប់អ្នកគាំទ្ររោងភាពយន្ត លេជេន ក៏មានឱកាសទទួលបានរង្វាន់តាមរយៈ «13th Anniversary Selfie to Win» ដោយគ្រាន់តែថតរូបជាមួយ Backdrop Anniversary ១៣ឆ្នាំ របស់រោងភាពយន្ត លេជេន តាមសាខាមួយណាក៏បាន។
សម្រាប់អ្នកឈ្នះសរុបមានចំនួនរហូតដល់ ១៣ នាក់ ដោយអ្នកឈ្នះម្នាក់ទទួល 3D Movie Voucher ចំនួន ១៣ សន្លឹក, កាបូបស្ពាយ 13th Anniversary ចំនួន ១, ដបទឹក 13th Anniversary ចំនួន ១។
រោងភាពយន្ត លេជេន បានផលិត “GOLDEN PASS” ជាកាត LIMITED EDITION ដែលមួយឆ្នាំមានតែម្ដងប៉ុណ្ណោះ, Golden Pass កាតនេះដែរមានតម្លៃត្រឹមតែ ១៣.១៣ ដុល្លារ ប៉ុណ្ណោះ ហើយមានរហូតដល់ ៥ សំបុត្រក្នុង ១ កាត (5 IN 1) សម្រាប់ទស្សនារឿងជាប្រភេទ 2D ដែលមានរយៈពេលរហូតដល់មួយខែពេញ ហើយអាចប្រើប្រាស់បានគ្រប់សាខាតែម្ដង។
ឯនៅថ្ងៃទី ៧ ខែកក្កដា នេះរោងភាពយន្ត លេជេន ត្រៀមនឹងមានកម្មវិធីជាច្រើនសម្រាប់ភ្ញៀវកិត្ដិយស ដៃគូសហការ ក្រុមការងារ និងអ្នកគាំទ្រ ក្រោមប្រធានបទ «ការវិវត្តនៃរោងភាពយន្ត» ជាមួយការបង្ហាញការសម្ដែងពិសេសពីសិល្បករ សិល្បការិនី ការសម្ដែងល្ខោនខោល និងការបង្ហាញអំពីតិចនិចថតនិងការសម្ដែងរបស់តួអង្គ ក៏ដូចជាការចាប់រង្វាន់ផងដែរ ដែលស្ថិតនៅរោងភាពយន្ត លេជេន សាខា អូឡាំព្យា ជាន់ទី ៦ ។
ជាចុងក្រោយរោងភាពយន្ត លេជេន ពិតជាអរគុណទៅកាន់អ្នកគាំទ្រ ដៃគូសហការ និង ក្រុមការងារទាំងអស់ដែលតែតែងជួយគាំទ្រនិងជ្រុំជ្រែងតាំងពីថ្ងៃចាប់ផ្ដើមរហូតមកដល់សព្វថ្ងៃនេះ។ លេជេន សន្យាថានឹងប្តេជ្ញាផ្តល់នូវបទពិសោធន៍ភាពយន្តដ៏អស្ចារ្យលំដាប់កំពូល ជាមួយសេវាកម្ម និងអាហារសម្រន់ដ៏ល្អឥតខ្ចោះ ព្រមទាំងបដិសណ្ឋារកិច្ចបែបខ្មែរទៅកាន់អ្នកទាំងអស់គ្នា។
អំពីរោងភាពយន្ត លេជេន៖
រោងភាពយន្ត លេជេន គឺជារោងភាពយន្តចំណាត់ថ្នាក់លេខ ១ លំដាប់ស្តង់ដារអន្តរជាតិដំបូងគេបង្អស់នៅប្រទេសកម្ពុជា ដែលបានបង្កើតឡើងដោយស្នាដៃកូនខ្មែរ និងបានបើកដំណើរការតាំងពីឆ្នាំ ២០១១ រហូតដល់សព្វថ្ងៃនេះ។ ពិសេសជាមួយភាពល្បីល្បាញទៅលើពោតផ្ទុះដែលឆ្ងាញ់បំផុតនៅក្នុងទីក្រុង។ រោងភាពយន្ត លេជេន មានទីតាំងចំនួន១២ ក្នុងនោះរួមមានទាំងរោងភាពយន្ត Legend Premium ចំនួន១ និងរោងភាពយន្ត Legend Cinema ចំនួន ១១ទីតាំង។
ចំពោះរោងកុន Legend Premium វិញគឺទទួលបានភាពល្បីល្បាញដោយសារការផ្តល់ជូនបទពិសោធន៍ទស្សនាភាពយន្ដដ៏ប្រណីត ហើយបានបើកទីតាំងដំបូងនៅផ្សារទំនើប អ៊ិចឆេង ស្វ៊ែរ ក្នុងឆ្នាំ ២០១៨។
សម្រាប់ព័ត៌មានលម្អិតអំពីរោងភាពយន្ត លេជេន
គេហទំព័រ: https://www.legend.com.kh/
លេខទូរស័ព្ទ: ០87 888 045