Maria Lvova-Belova អ្នកតំណាងសិទ្ធិកុមាររុស្ស៊ី។ AFP
គណៈកម្មាធិការស៊ើបអង្កេតរបស់ប្រទេសរុស្ស៊ី បាននិយាយកាលពីថ្ងៃអាទិត្យថា ខ្លួនបានចោទប្រកាន់ដោយកំបាំងមុខរដ្ឋអាជ្ញា និងចៅក្រមរបស់ តុលាការឧក្រិដ្ឋកម្មអន្តរជាតិ (ICC) ដែលបានចេញដីកា ចាប់ខ្លួនប្រធា នាធិបតីរុស្ស៊ីលោក វ្ល៉ាឌីមៀរ ពូទីន និងតំណាងសិទ្ធិកុមារ លោកស្រី Maria Lvova-Belova។
គណៈកម្មាធិការស៊ើបអង្កេតរុស្ស៊ីមុននេះ បានចាប់ផ្តើមសំណុំរឿងព្រហ្មទណ្ឌប្រឆាំងនឹងរដ្ឋអាជ្ញាICC លោក Karim Ahmad Khan ចៅក្រម ICC លោក Tomoko Akane Rosario Salvatore Aitala និង លោក Sergio Gerardo Ugalde Godinez។
គណៈកម្មាធិការ បាននិយាយថា៖«មកដល់ពេលនេះការស៊ើបអង្កេតបានប្រមូលភ័ស្តុតាងគ្រប់គ្រាន់ ដើម្បីចោទ ប្រកាន់រដ្ឋអាជ្ញាICC លោក Khan Karim Assad Ahmad និងចៅក្រម ICC លោក Rosario Salvatore Aitala ដោយកំបាំងមុខ។
រដ្ឋអាជ្ញា ICC ត្រូវបានចោទប្រកាន់នៅក្រោមផ្នែកទី២ នៃមាត្រា ២៩៩ ផ្នែកទី១ នៃមាត្រា ៣០ និងផ្នែកនៃមាត្រា ៣៦០នៃតុលាការព្រហ្មទណ្ឌរុស្ស៊ី (ការកាត់ទោសឧក្រិដ្ឋជនដែលត្រូវបានគេស្គាល់ថាជាជនស្លូតត្រង់ ក៏ដូច ជាការរៀបចំសម្រាប់ការវាយប្រហារលើតំណាងរបស់រដ្ឋបរទេសទទួលបានការការពារអន្តរជាតិ ដើម្បីធ្វើឱ្យ ទំនាក់ទំនងអន្តរជាតិ មានភាពស្មុគស្មាញ)។
ចៅក្រម ត្រូវបានកាត់ទោសតាមផ្នែកទី២នៃ មាត្រា ៣០១ ផ្នែកទី១ នៃមាត្រា ៣០ និងផ្នែកទី២នៃមាត្រា ៣៦០ នៃតុលាការព្រហ្មទណ្ឌរុស្ស៊ី (ដោយដឹងថា ការឃុំខ្លួនខុសច្បាប់ និងការរៀប ចំសម្រាប់ការវាយប្រហារលើ តំណាងនៃរដ្ឋបរទេស ដែលទទួលការការពារអន្តរជាតិ ដើម្បីធ្វើឱ្យទំនាក់ទំនងអន្តរជាតិមានភាពស្មុគស្មាញ)។
ទាំង២នាក់ ត្រូវបានដាក់ក្នុងបញ្ជីអ្នកដែលគេតាមស្វែងរកចាប់ខ្លួន។
កាលថ្ងៃទី១៧ ខែមីនា តុលាការឧក្រិដ្ឋកម្មអន្តរជាតិ បានចេញដីកាចាប់ខ្លួន លោកប្រធានាធិបតីរុស្ស៊ី វ្ល៉ាឌីមៀរ ពូទីន និងស្នងការសិទ្ធិកុមារលោកស្រី Maria Lvova-Belova។ សេចក្តីថ្លែងការណ៍របស់ICC បាននិយាយថា ពួកគេអាចទទួលខុសត្រូវ «ចំពោះឧក្រិដ្ឋកម្មសង្រ្គាមនៃការនិរទេសប្រជាជនដោយខុសច្បាប់ (កុមារ) និងការផ្ទេរប្រជាជនដោយខុសច្បាប់ (កុមារ) ពីតំបន់កាន់កាប់នៃអ៊ុយក្រែន ទៅកាន់សហព័ន្ធរុស្ស៊ី»។
នៅ ថ្ងៃទី២០ ខែមីនា គណៈកម្មាធិការស៊ើបអង្កេតរបស់រុស្ស៊ីបានបើកសំណុំរឿងព្រហ្មទណ្ឌប្រឆាំងនឹងរដ្ឋអាជ្ញា និងចៅក្រមICC ដោយនិយាយថា សកម្មភាពរបស់ពួកគេគឺខុសច្បាប់ ដោយសារមិនមានហេតុផលណាមួយដើម្បីនាំលោកប្រធានាធិបតីរុស្ស៊ី និងស្ត្រីការពារសិទ្ធិកុមារឱ្យទទួលខុសត្រូវព្រហ្មទណ្ឌបាន។
នៅក្រោមអនុសញ្ញាស្តីពីការបង្ការ និងផ្តន្ទាទោសឧក្រិដ្ឋកម្មប្រឆាំងនឹងបុគ្គលដែលត្រូវបានការពារជាអន្តរជាតិ ថ្ងៃទី១៤ ខែធ្នូ ឆ្នាំ ១៩៧៣ ប្រមុខរដ្ឋទទួលបានអភ័យឯកសិទ្ធិទាំងស្រុងពីយុត្តាធិការរបស់រដ្ឋបរទេស៕
