លោក Arjuna Mahendran ប្រធានធនាគារកណ្តាលស្រីលង្កា។ AFP
ធនាគារកណ្តាលរបស់ប្រទេសស្រីលង្កា បានកាត់បន្ថយអត្រាការប្រាក់សម្រាប់បា្រក់កម្ចី និងប្រាក់បញ្ញើចំនួន ២៥០ ពិន្ទុ កាលពីថ្ងៃព្រហស្បតិ៍ ខណៈដែលអតិផរណាធូរស្រាល ដែលជាសញ្ញាថាប្រទេសអាស៊ីខាងត្បូងមួយនេះកំពុងងើបចេញពីវិបត្តិហិរញ្ញវត្ថុដ៏ខ្លាំងមិនធ្លាប់មានក្នុងរយៈពេល៧ទសវត្សរ៍ ហើយត្រៀមខ្លួនសម្រាប់ការស្ទុះងើបឡើងវិញនៃកំណើន។
សេចក្តីរាយការណ៍នានាបង្ហាញថា ធនាគារកណ្តាលនៃប្រទេសស្រីលង្កា (CBSL) បានកាត់បន្ថយអត្រាប្រាក់បញ្ញើនៅត្រឹម១៣% ពី១៥,៥% និងអត្រាប្រាក់កម្ចី១៤% ពី ១៦,៥%ដែលមានក្នុងពេលមុន ខណៈពេលដែល អ្នកវិភាគភាគច្រើនបានរំពឹងថា ធនាគារឯកជននឹងរក្សាអត្រាការប្រាក់ថេរ។ អត្រាការប្រាក់នេះគឺទាបបំផុតចាប់តាំងពីខែមីនាឆ្នាំ២០២២ នៅពេលចាប់ផ្តើមនៃវិបត្តិ។
CBSLបាននិយាយថា៖«អត្រាការប្រាក់គោលនយោបាយបានកាត់បន្ថយដោយមើលឃើញពីការថយចុះឆាប់រហ័សនៃអតិផរណា ទស្សនវិស័យអតិផរណាតិតតួច និងការបន្ធូរបន្ថយសម្ពាធ BOP (តុល្យភាពនៃការទូទាត់) ដោយហេតុនេះពង្រឹងការស្ទុះងើបឡើងវិញនៃសេដ្ឋកិច្ច»។
«ការកាត់បន្ថយអត្រាការប្រាក់ត្រូវបានគេរំពឹងថា នឹងបង្កើនល្បឿននៃការធ្វើឱ្យមានលក្ខណៈធម្មតានៃរចនាសម្ព័ន្ធអត្រាការប្រាក់ សកម្មភាពសេដ្ឋកិច្ចធំទូលាយ និងបន្ធូរបន្ថយសម្ពាធនៅក្នុងទីផ្សារហិរញ្ញវត្ថុដែលជួយជំរុញសេដ្ឋកិច្ចឆ្ពោះទៅរកដំណាក់កាលស្ទុះងើបឡើងវិញ»។
សន្ទស្សន៍តម្លៃទំនិញប្រើប្រាស់របស់ទីក្រុងកូឡុំបូរបស់ប្រទេសស្រីលង្កា បានកើនឡើង ២៥,២% ក្នុងខែឧសភាធៀបឆ្នាំមុន ពី៣៥,៣%ក្នុងខែមេសាធៀបខែមេសានៃឆ្នាំមុន ដោយកាត់បន្ថយភាពតានតឹងមួយចំនួនលើសេដ្ឋកិច្ចដែលរងគ្រោះដោយវិបត្តិដែលបានធ្លាក់ចុះក្រោមអតិផរណាដែលកើនឡើងដែលបណ្តាលមកពីវិបត្តិហិរញ្ញវត្ថុដ៏អាក្រក់បំផុតរបស់ខ្លួនក្នុងរយៈពេលជាង៧ទសវត្សរ៍។
សន្ទស្សន៍នេះ បានកើនឡើងដល់ ៦៩,៨% ក្នុងខែកញ្ញាធៀបរយៈពេលដូចគ្នានៃឆ្នាំមុន រីឯអត្រាអតិផរណាជាតិគឺ ៣៣,៦% នៅក្នុងខែមេសា បន្ធូរបន្ថយពី ៧៣,៧% ក្នុងខែកញ្ញា៕
