នាយករដ្ឋមន្ត្រីអ៊ីស្រាអែល លោក បេចាមីន ណេតាន់ញ៉ាហ៊ូ (Benjamin Netanyahu)។ AFP
នាយករដ្ឋមន្ត្រីអ៊ីស្រាអែល លោក បេចាមីន ណេតាន់ញ៉ាហ៊ូ (Benjamin Netanyahu) បាននិយាយកាលពីថ្ងៃទី ៣០ ខែធ្នូថា អ៊ីស្រាអែលត្រូវតែគ្រប់គ្រងទាំងស្រុងនូវច្រករបៀងព្រំដែនតំបន់ហ្គាហ្សាជាមួយអេហ្ស៊ីប ដើម្បីធានាឱ្យមាន «ការគ្មានយោធា» នៃតំបន់នោះ។
ថ្លែងនៅក្នុងសន្និសីទសារព័ត៌មានមួយ លោក ណេតាន់ញ៉ាហ៊ូ បាននិយាយថា «ច្រករបៀង Philadelphia - ឬដើម្បីដាក់វាឱ្យកាន់តែត្រឹមត្រូវ ចំណុចបិទភាគខាងត្បូង (នៃហ្គាហ្សា) - ត្រូវតែស្ថិតនៅក្នុងដៃរបស់យើង។ វាត្រូវតែបិទ។ វាច្បាស់ណាស់ថា ការរៀបចំផ្សេងទៀតនឹងមិនធានាឱ្យមានការគ្មានយោធាដែលយើងស្វែងរកនោះទេ»។
ការអត្ថាធិប្បាយរបស់លោក ណេតាន់ញ៉ាហ៊ូ អំពីតំបន់ការពារបានកើតឡើងនៅពេលដែលកងកម្លាំងយោធាអ៊ីស្រាអែលបានបន្តការវាយលុកដែលលោកនាយករដ្ឋមន្ត្រីបានបញ្ជាក់ជាថ្មីថានឹងមានរយៈពេលជាច្រើនខែទៀត។
ប្រទេសអ៊ីស្រាអែលបានចាប់ផ្តើមសង្គ្រាមប្រឆាំងក្រុមហាម៉ាស់កាលពីថ្ងៃទី៧ខែតុលារ ក្រោយពីក្រុមប្រដាប់អាវុធហាម៉ាស់វាយលុយកចុលទឹកដីអ៊ីស្រាអែល សម្លាប់មនុស្សជិត១២០០នាក់និងចាប់ចំណាប់ខ្មាំង២៤០ពីប្រទេសអ៊ីស្រាអែល។
ស្ទើរតែទាំងអស់នៃប្រជាជននៅតំបន់ហ្គាហ្សាចំនួន២,៣លាននាក់ត្រូវបានបង្ខំឱ្យចាកចេញពីផ្ទះរបស់ពួកគេដោយការវាយលុករយៈពេលជិតសប្តាហ៍របស់អ៊ីស្រាអែល។ ការវាយលុករបស់អ៊ីស្រាអែលបានសម្លាប់ជនជាតិប៉ាឡេស្ទីនយ៉ាងហោចណាស់២១៦៧២នាក់ គិតត្រឹមថ្ងៃទី៣០។ នេះបើយោងតាមអាជ្ញាធរសុខាភិបាលក្នុងតំបន់ហ្គាហ្សា។
ក្រៅពីនោះ មានជាង ៥៦០០០នាក់ បានរងរបួស និងរាប់ពាន់នាក់ទៀតភ័យខ្លាចស្លាប់នៅក្រោមគំនរបាក់បែក៕
