នាយករដ្ឋមន្ត្រីជប៉ុន លោក ហ្វូមីអូ គីស៊ីដា (Fumio Kishida) ដឹកនាំកិច្ចប្រជុំនៅថ្ងៃទី២ មករា នេះ។ AFP
រហូតមកដល់ពេលនេះ ចំនួនមនុស្សស្លាប់ក្នុងគ្រោះរញ្ជួយដីដ៏ខ្លាំងមួយមានកម្លាំងដល់ទៅ ៧,៦ រ៉ិចទ័រ និងបណ្តាលឱ្យកើតមានរលកយក្ស ស៊ូណាមិ( tsunami) នៅប្រទេសជប៉ុន រហូតដល់ពេលនេះបានសម្លាប់ ១៣ នាក់ និងបណ្តាលឱ្យផ្ទះដួលរលំ ហើយ ក្រុមជួយសង្គ្រោះជប៉ុន កំពុងស្វែងរកអ្នកខ្លះទៀត ដែលបារម្ភថា ជាប់គាំងនៅក្នុងផ្ទះដែលរលំ។ យោងតាម BBC។
តាមសេចក្តីរាយការណ៍របស់ Japan Times មនុស្សជាង ៥១០០០ នាក់ ត្រូវនៅក្នុងខេត្តចំនួន ៥ ត្រូវបានប្រាប់ឱ្យចាក់ចេញពីផ្ទះ ហើយ រដ្ឋាភិបាលជប៉ុនបានត្រៀមក្រុមជួយសង្គ្រោះរហូតដល់ ១០០០ នាក់។
ក្រៅពីការចេញសារប្រាប់ប្រជាជននៅមុនគ្រោះរញ្ជូយដីវាយប្រហារនៅរសៀលថ្ងៃចន្ទ នាយករដ្ឋមន្ត្រីជប៉ុន លោក ហ្វូមីអូ គីស៊ីដា (Fumio Kishida) បាននិយាយថា គ្រោះរញ្ជួយដីនេះបានបណ្តាលឲ្យមនុស្សស្លាប់ និងការខូចខាតយ៉ាងច្រើន។
យោធាជប៉ុនបាននឹងកំពុងផ្តល់គ្រឿងផ្គត់ផ្គង់ចំបាច់មួយចំនួនដល់អ្នកដែលចាកចេញផ្ទះសំបែង រួមទាំងអាហារ ទឹក និងភួយ សម្រាប់អ្នកដែលត្រូវចាកចេញពីផ្ទះ។
ផ្ទះ ៣២៥០០ ខ្នង ត្រូវបានកាត់ផ្តាច់អគ្គីសនីនៅពេលនេះ។
AFP
