នាយករដ្ឋមន្ត្រីហុងគ្រី លោក Viktor Orban AFP
នាយករដ្ឋមន្ត្រីហុងគ្រី ដែលតែងតែខ្ទាស់កិច្ចការអឺរ៉ុបសំខាន់ៗឱ្យវិវឌ្ឍន៍ទៅមុខដោយលំបាកជាពិសេសរឿងជំនួយផ្តល់ដល់ប្រទេសអ៊ុយក្រែន បាននិយាយថា អឺរ៉ុបគ្មានកម្លាំងគ្រប់គ្រាន់ដែលអាចនាំទៅដល់ការគំរាមកំហែងរុស្ស៊ីធ្ងន់ធ្ងរនោះទេ ហើយជម្លោះនៅអ៊ុយក្រែនធ្វើឱ្យអឺរ៉ុបជួបបញ្ហាសន្តិសុខបន្ថែមទៀត។
យោងតាមការផ្សាយរបស់ទីភ្នាក់ងារព័ត៌មានរុស្ស៊ី TASS នាយករដ្ឋមន្ត្រីហុងគ្រី លោក Viktor Orban បាននិយាយថា រដ្ឋអឺរ៉ុបភាគច្រើនគឺជាសមាជិករបស់អង្គការសន្ធិសញ្ញាអាត្លង់ទិកខាងជើង ហៅកាត់«NATO» រួចទៅហើយ ប៉ុន្តែពួកគេគ្មានគ្រោះថ្នាក់អ្វីដល់រុស្ស៊ីដែលវាយប្រហារសមាជិកណាតូនោះទេ។
សារព័ត៌មានរាយការណ៍ថា បានដកស្រង់ការផ្សាយរបស់កាសែត Die Presse ដែលនិយាយថា លោក Viktor Orban បាននិយាយនៅក្នុងការសន្ទនាជាមួយអតីតអធិការបតីអូទ្រីស លោក Wolfgang Schussel ដែលត្រូវបានចុះផ្សាយថា៖«វាមិនមែនជាជំនឿទុកចិត្តនោះទេ។ បញ្ហារបស់យើងគឺកង្វះអំណាច។ យើងជនជាតិអឺរ៉ុបមិនខ្លាំង គ្រប់គ្រាន់ដែលដាក់ទម្ងន់ពិតប្រាកដដល់រុស្ស៊ី។ វាគឺជាល្បែងនៃអំណាច»។
នាយករដ្ឋមន្ត្រី Orban បានបន្តទៀតថា៖«អ៊ុយក្រែននឹងមិនផ្តល់សន្តិសុខបន្ថែមដល់ពួកយើងទេ (ប្រជាជនអឺរ៉ុប) ពីព្រោះភាគច្រើននៃពួកយើងគឺជាសមាជិករបស់អង្គការណាតូដែលវាខ្លាំងជាងរុស្ស៊ីរួចហើយ ។
លោក បន្ថែមថា៖«មិនមានគ្រោះថ្នាក់ដែលរុស្ស៊ីវាយប្រហារសមាជិកណាតូនោះទេ»៕
