វេជ្ជបណ្ឌិតកំពុងផ្តល់ដំបូន្មានទៅកាន់សិក្ខាកាមដែលជាវេជ្ជបណ្ឌិតហាត់ការ ក្នុងប្រទេសកូរ៉េខាងត្បូង ក្នុងពេលកន្លងមក។ AFP
ប្រទេសកូរ៉េខាងត្បូងបានបញ្ជាឱ្យក្រុមវេជ្ជបណ្ឌិតហាត់ការចូលធ្វើការវិញនៅថ្ងៃទី ១៩ខែកុម្ភៈ បន្ទាប់ពីពួកគេបានលាលែងពីតំណែង ដើម្បីតវ៉ានឹងការកែទម្រង់ការបណ្តុះបណ្តាលផ្នែកវេជ្ជសាស្ត្រ ដោយរដ្ឋាភិបាលសម្លឹងមើលការប្រើប្រាស់បុគ្គលិកវេជ្ជសាស្រ្តពីផ្នែកយោធាដើម្បីដោះស្រាយការខ្វះខាត។ យោង AFP។
កូរ៉េខាងត្បូងនិយាយថា ខ្លួនមានអនុបាតវេជ្ជបណ្ឌិតធៀបចំនួនប្រជាជនទាបបំផុតក្នុងចំណោមប្រទេសអភិវឌ្ឍន៍ ហើយរដ្ឋាភិបាលកំពុងជំរុញយ៉ាងខ្លាំងក្នុងការបង្កើនចំនួនវេជ្ជបណ្ឌិត ដែលជាផ្នែកមួយដើម្បីជួយដល់សង្គមដែលមានប្រជាជនមានវ័យចំណាស់ច្រើន។
ប៉ុន្តែក្រុមវេជ្ជបណ្ឌិត ដែលតវ៉ាបានសម្តែងការប្រឆាំងយ៉ាងខ្លាំងចំពោះផែនការថ្មីរបស់រដ្ឋាភិបាលក្នុងការបង្កើនការចូលរៀននៅសាលាវេជ្ជសាស្ត្រដោយអះអាងថា ផែនការនេះនឹងប៉ះពាល់ដល់គុណភាពសេវា។
ក្រុមអ្នករិះគន់ បាននិយាយថា វេជ្ជបណ្ឌិតមានការព្រួយបារម្ភខ្លាំងលើការកែទម្រង់នេះអាចប៉ះពាល់លើប្រាក់បៀវត្សរ៍និងឋានៈសង្គមរបស់ពួកគេ។
នៅថ្ងៃទី១៩ខែកុម្ភៈ ទោះបីជាមានការគំរាមចាត់ការតាមផ្លូវច្បាប់ពីរដ្ឋាភិបាល ក៏ក្រុមវេជ្ជបណ្ឌិតហាត់ការរាប់រយនាក់បានប្រគល់លិខិតសុំលាលែងរបស់ពួកគេ ហើយត្រូវបានកំណត់ឱ្យឈប់ធ្វើការចាប់ពីថ្ងៃទី២០ ខែកុម្ភៈនេះ។
ក្នងសន្និសីទសារព័ត៌មានសំដៅទៅលើវិធានការផ្លូវច្បាប់ដើម្បីរារាំងការឈាប់ពីការងាររបស់អ្នកវេជ្ជសាស្រ្ត អនុរដ្ឋមន្ត្រីសុខាភិបាលទី២ Park Min-soo បាននិយាយ ប៉ុន្តែរដ្ឋាភិបាលបានចេញបញ្ជារក្សាទុកផ្នែកព្យាបាលសម្រាប់គ្រូពេទ្យហាត់ការទាំងអស់។ វេជ្ជបណ្ឌិតនៅកូរ៉េខាងត្បូងត្រូវបានគេចាត់ទុកថាជាអ្នកធ្វើការសំខាន់ ដែលរឹតត្បិតពីការឈប់ច្រើន៕
