AFP
យោងតាមការផ្សាយរបស់សារព័ត៌មាន The statesman ដែលជាសមាជិកនៃបណ្តាញព័ត៌មានអាស៊ី (ANN) បានផ្សាយនៅថ្ងៃនេះឱ្យដឹងថា ការតវ៉ារបស់កសិករឥណ្ឌាក្នុងរដ្ឋជាច្រើនដែលទាមទារឱ្យរដ្ឋធានាតម្លៃកសិកម្ម និងកែប្រែច្បាប់កសិកម្មដែលបានលុបចោលកាលឆ្នាំ ២០២១។
ក្នុង ១ សប្តាហ៍នៃការតវ៉ា នៅថ្ងៃព្រហស្បតិ៍នេះ កសិករតវ៉ាអាយុ ២៤ ឆ្នាំម្នាក់ត្រូវបានសម្លាប់ និងរាប់សិបនាក់ទៀតបានរងរបួសក្នុងការបង្ក្រាបរបស់ប៉ូលិសនៅព្រំដែន Khanauriក្នុងរដ្ឋ Haryana។ តាមកសិករបានឱ្យដឹងថា បាតុករដែលស្លាប់ត្រូវបានសម្លាប់បន្ទាប់ពីរងរបួសដោយគ្រាប់កាំភ្លើងត្រង់ក្បាល។
កសិករដែលស្លាប់ត្រូវបានគេកំណត់អត្តសញ្ញាណ ឈ្មោះ Shubhkaran Singh អ្នកស្រុកនៅភូមិ Balloក្នុងសង្កាត់ Bathinda នៃរដ្ឋ Punjab ។
ក្នុងវីដេអូដែលគេអះអាងថា កសិករត្រូវបានគេឃើញក្តោបក្បាលរបស់ពួកគេបន្ទាប់ពីគ្រាប់កាំភ្លើង១២គ្រាប់ត្រូវបានបាញ់។ កសិករម្នាក់ទៀតក៏បានរងរបួសធ្ងន់ធ្ងរ ហើយត្រូវបានបញ្ជូនទៅ Chandigarh PGI ជាទីដែលប៉ូលីសរដ្ឋHaryana និយាយថា ស្ថានភាពរបស់គាត់ត្រូវបានគេនិយាយថាមានស្ថិរភាព។
កសិករបានអះអាងថា អ្នកតវ៉ារហូតដល់ ១៦០នាក់បានរងរបួសនៅក្នុងសកម្មភាពប៉ូលិសថ្ងៃនេះ។
នៅព្រឹកថ្ងៃព្រហស្បតិ៍នេះ កសិករបានបន្តការដង្ហែក្បួនបាតុកម្មនៅទីក្រុង Delhi Chalo បន្ទាប់ពីការបរាជ័យក្នុងការជជែកពិភាក្សាជាមួយរដ្ឋាភិបាល។ ប៉ូលិសបានបាញ់ផ្លោងឧស្ម័នបង្ហូរទឹកភ្នែកដើម្បីបំបែកក្រុមកសិករដែលតវ៉ា និងបញ្ឈប់ពួកគេមិនឱ្យដើរឆ្ពោះទៅរាជធានីជាតិ។
ទន្ទឹមនឹងនេះ ប៉ូលិសរដ្ឋ Haryana បានអះអាងថា យ៉ាងហោចណាស់បុគ្គលិករបស់ខ្លួនចំនួន១២នាក់បានរងរបួស បន្ទាប់ពីកសិករបានវាយប្រហារពួកគេដោយដំបង និងដុំថ្ម។
ប៉ូលិសបាននិយាយថា៖«នៅឯព្រំដែន Data Singh-Khanauriក្រុមអ្នកតវ៉ាបានឡោមព័ទ្ធប៉ូលិសពីគ្រប់ទិសទីដោយចាក់ម្សៅម្ទេសចូលទៅក្នុងចំបើងវាយប្រហារប៉ូលិសដោយប្រើដំបងនិងកន្ត្រៃរួមជាមួយការគប់ដុំថ្មដក់ប៉ូលិស បណ្តាលឱ្យកម្លាំងប៉ូលិសប្រហែល១២នាក់បានរងរបួសយ៉ាងធ្ងន់ធ្ងរ»។
សភាប្រឆាំងចោទសួរពីភាពស្ងៀមស្ងាត់របស់នាយករដ្ឋមន្ត្រី ណារិនដ្រា ម៉ូឌី។
ប្រធានសភាឥណ្ឌា Kisanលោក SukhpalKhairaទាំងអស់បានថ្កោលទោសការសម្លាប់លោក Subhakaran Singh ហើយបានចោទប្រកាន់ថាប៉ូលិស Haryana បានបើកការបាញ់ប្រហារទៅលើកសិករដែលគ្មានអាវុធដែលកំពុងតវ៉ាដោយសន្តិវិធី។
«វាជារឿងដ៏សោកសៅបំផុត ដែលយើងត្រូវតែផ្តល់ដំណឹងថា កសិករវ័យក្មេងអាយុ២៣ឆ្នាំម្នាក់មកពីរដ្ឋ Punjab ឈ្មោះ Shubhakaran Singh ត្រូវបានបាញ់សម្លាប់ដោយប៉ូលិស Haryana នៅព្រំដែន Khanauri។ ប៉ូលិស Haryana បានបើកការបាញ់ប្រហារ នៅពេលដែលកសិករកំពុងតវ៉ាដោយគ្មានអាវុធ និងដោយសន្តិវិធី»។
Khairaក៏បានចោទសួរពីភាពស្ងៀមស្ងាត់របស់នាយករដ្ឋមន្ត្រី Narendra Modi ហើយសួរថាហេតុអ្វីបានជាកសិករត្រូវបានបញ្ឈប់ពីការមកទីក្រុង Delhi?
លោកបានបន្តថា៖ «ទោះជារឿងទាំងនេះលោកនាយករដ្ឋមន្ត្រីនៅស្ងៀម។ ពួកគេកំពុងរារាំងកសិករក្នុងប្រទេសរបស់ពួកគេមិនឱ្យមកក្រុងដេលីដោយការដាក់របាំង»៕
