លោកបន្តថា សម្រាប់មេដឹកនាំហាម៉ាស់ វាជាពេលវេលាដែលពួកគេត្រូវចាកចេញពីតំបន់ Gaza នៅពេលនេះ។ ហាម៉ាស់ត្រូវតែសម្រេចចិត្តថាតើពួកគេត្រូវតែដោះលែងចំណាប់ខ្មាំង ឬត្រូវស្លាប់។
លោក ត្រាំ បានប្រាប់ទៅក្រុមហាម៉ាស់ថា ពេលវេលាសម្រាប់ពួកគេអស់ហើយ ពួកគេត្រូវតែដោះលែងចំណាប់ខ្មាំង និងប្រគល់សាកសពចំណាប់ខ្មាំងទាំងអស់ដែលពួកគេបានសម្លាប់ បើមិនដូច្នោះទេ អ្វីៗគ្រប់យ៉ាងហួសពេល។
ថ្លែងនៅលើបណ្ដាញសង្គមនៅថ្ងៃទី៥ ខែមីនា ម៉ោងនៅសហរដ្ឋអាមេរិក លោក ត្រាំ បានបញ្ជាក់ថា៖ «ខ្ញុំនឹងបញ្ជូនអ្វីគ្រប់យ៉ាងទៅឲ្យអ៊ីស្រាអែលដើម្បីធ្វើកិច្ចការនេះឲ្យចប់សព្វគ្រប់ គ្មានសមាជិកហាម៉ាស់ណាមួយមានសុវត្ថិភាពនោះទេ ប្រសិនបើពួកអ្នកមិនធ្វើតាមអ្វីដែលខ្ញុំនិយាយ។ ខ្ញុំទើបតែបានជួបជាមួយអតីតចំណាប់ខ្មាំងដែលពួកអ្នកឯងបំផ្លាញជីវិតរបស់ពួកគេ។ នេះជាការព្រមានចុងក្រោយសម្រាប់ពួកអ្នកឯង»។
លោកបន្តថា សម្រាប់មេដឹកនាំហាម៉ាស់ វាជាពេលវេលាដែលពួកគេត្រូវចាកចេញពីតំបន់ Gaza ដែលពេលនេះ។ ហាម៉ាស់ត្រូវតែសម្រេចចិត្តថាតើពួកគេត្រូវតែដោះលែងចំណាប់ខ្មាំង ឬត្រូវស្លាប់។
លោកថា៖ «សូមធ្វើការសម្រេចចិត្តដ៏ឆ្លាតវៃ។ ត្រូវដោះលែងចំណាប់ខ្មាំងនៅពេលឥឡូវនេះ បើមិនដូច្នោះទេ អ្នកនឹងលេងជាមួយនឹងឋាននរកនៅពេលក្រោយ»។
ក្រុមហាម៉ាស់ ត្រូវបានរដ្ឋធានីវ៉ាស៊ីនតោនចាត់ទុកជាក្រុមភេរវករ ហើយគោលនយោបាយរបស់សហរដ្ឋអាមេរិកបានហាមរដ្ឋាភិបាលអាមេរិកមិនឲ្យជជែកដោយផ្ទាល់ជាមួយក្រុមនេះទេ។ ប៉ុន្តែ ការព្រមានរបស់លោក ត្រាំ ធ្វើឡើងក្រោយពេលវ៉ាស៊ីនតោន បានជជែកផ្ទាល់ជាមួយក្រុមហាមាស់។
អ៊ីស្រាអែលនិយាយថា បច្ចុប្បន្ននេះ នៅមានចំណាប់ខ្មាំងចំនួន ៥៩នាក់ទៀតត្រូវបានឃុំខ្លួននៅតំបន់ Gaza ហើយប្រហែលតែ ២៤នាក់ប៉ុណ្ណោះដែលនៅរស់រានមានជីវិត។ ក្នុងចំណោមចំណាប់ខ្មាំងទាំងនោះ ក៏មានជនជាតិអាមេរិកាំងផងដែរ។
កាលពីពេលថ្មីៗនេះ លោក ត្រាំ ក៏បានបង្ហាញមហិច្ឆតាគ្រប់គ្រងនិងអភិវឌ្ឍតំបន់ Gaza៕
