វីដេអូផ្សព្វផ្សាយពីកិច្ចប្រជុំថ្នាក់ដឹកនាំកំពូល P4G ខណៈដែលវីដេអូនេះបង្ហាញផែនទីទីក្រុងព្យុងយ៉ាងជំនួសឱ្យសេអ៊ូល។ AFP
ក្រុងសេអ៊ូល៖ កិច្ចប្រជុំស្ដីពីបញ្ហាបម្រែបម្រួលអាកាសធាតុដែលរៀបចំឡើងនៅប្រទេសកូរ៉េខាងត្បូង បានរងនូវការរិះគន់ចំពោះការបង្ហាញវីដេអូផ្សព្វផ្សាយ ដែលបង្ហាញទីដ្ឋភាពទីក្រុងព្យុងយ៉ាង ប្រទេសកូរ៉េខាងជើងទៅវិញ។
ពិធីបើកសម្ពោធសម្រាប់កិច្ចប្រជុំកំពូលកិច្ចសហប្រតិបត្ដិការសម្រាប់កំណើនបៃតង P4G កាលពីចុងសប្ដាហ៍ បានបង្ហាញពីសេចក្ដីថ្លែងការណ៍របស់មេដឹកនាំនានា រួមទាំង អធិការវត្ដីអាល្លឺម៉ង់ អេនជេឡា មែរហ្គេល ប្រធានាធិបតីបារាំង អេមម៉ានូអែល ម៉ាក្រុន និងនាយករដ្ឋមន្ដ្រីចិន Li Keqiang។
ដោយផ្ដើមពីការបញ្ចាំងវីដេអូ នៅឈុតមួយ វាផ្ដោតលើទន្លេថេដុង ក្នុងទីក្រុងរបស់ប្រទេសកូរ៉េខាងជើង បន្ទាប់មកកាត់ប្លង់ទៅដល់កីឡដ្ឋានយក្ស May Day Stadium ដែលមានសមត្ថភាពផ្ទុកអ្នកទស្សនា ១៥ ម៉ឺនកៅអី មុនពេលបន្ដទៅបង្ហាញរូបភាពទិដ្ឋភាពក្នុងទីក្រុង ឧបទ្វីបកូរ៉េ អាស៊ី និងពិភពលោកទាំងមូល។
លោកប្រធានាធិបតីកូរ៉េខាងត្បូង មូន ជេអ៊ីន ថ្លែងក្នុងពិធីបើកកិច្ចប្រជុំថ្នាក់ដឹកនាំកំពូល PG4។ AFP
សំណេរលើវីដេអូបានសរសេរថា៖ «មេដឹកនាំមកពីជុំវិញពិភពលោក បានមកជួបជុំគ្នានៅទីនេះនាថ្ងៃនេះ»។
វីដេអូនោះក្រោយមកត្រូវបានកែសម្រួលដោយជំនួសទិដ្ឋភាពទីក្រុងកូរ៉េខាងជាងជាមួយរូបភាពក្នុងទីក្រុងសេអ៊ូលនៅលើយូរធូបនៃកិច្ចប្រជុំ។
វិមានប្រធានាធិបតីក្រុងសេអ៊ូល Blue House បានឱ្យដឹងថា វីដេអូផ្សព្វផ្សាយនោះត្រូវបានផលិតឡើងដោយក្រុមហ៊ុនផលិតកម្មក្រៅស្រុកមួយ ដែលធ្វើការក្រោមការវិភាគច្រើនស្អេកស្អះពេក។
រូបតំណាង៖ ទិដ្ឋភាពទីក្រុងព្យុងយ៉ាង ប្រទេសកូរ៉េខាងជើង។ AFP
ក្នុងសេចក្ដីថ្លែងការណ៍ផ្ញើមកកាន់ AFP ក្រុមអ្នករៀបចំ បានសម្ដែងការសោកស្ដាយ «ដែលយើងមិនបានត្រួតពិនិត្យល្អិតល្អន់អំឡុងពេលមុនចាក់បញ្ចាំងជាផ្លូវការ» ដោយបានសន្យាថា «យើងនឹងខិតខំព្យាយាមបំពេញភារកិច្ចឱ្យអស់ពីសមត្ថភាពដើម្បីធានាមិនបង្កើតកំហុសឆ្គងទៀតឡើយ»។
ប៉ុន្ដែបដាមួយសរសេរនៅលើកំពង់ផែធំបំផុតរបស់ប្រទេសកូរ៉េខាងត្បូង Naver បានចោទជាសំណួរថា «តើយើងនឹងជួយផ្សព្វផ្សាយកូរ៉េខាងជើងជាមួយប្រាក់បង់ពន្ធរបស់យើងមែនទេ?»៕ AFP/HR
