.jpg)
ទារិកាដែលទើបនឹងកើតមួយរូបត្រូវបានគេប្រទះឃើញថា នៅមានជីវិត និងសុខភាពល្អ នៅក្នុងប្រអប់ឈើអណ្តែតនៅលើដងទន្លេ Ganges។
ក្រុងញូវដេលី៖ ប៉ូលីសឥណ្ឌាបាននិយាយកាលពីថ្ងៃព្រហស្បតិ៍ថា ពួកគេបានបើកការស៊ើបអង្កេតមួយ បន្ទាប់ពីទរិកាដែលទើបនឹងកើតមួយរូបត្រូវបានគេប្រទះឃើញថា នៅមានជីវិត និងសុខភាពល្អ នៅក្នុងប្រអប់ឈើអណ្តែតនៅលើដងទន្លេ Ganges។
នៅខាងក្នុងប្រអប់ឈើដែលត្រូវបានប្រើដាក់ទារកនោះ ត្រូវបានតុបតែងដោយ ក្រណាត់ពណ៌ក្រហម និងមានរូបព្រះសាសនាហិណ្ឌូ រួមទាំងតម្រាហោរាសាស្ត្រ ដែលប្រាប់ពីកាលបរិច្ឆេទ ពេលវេលានៃការចាប់កំណើត និងឈ្មោះរបស់ក្មេងស្រីនោះ Ganga ដែលតាមភាសាហ៊ីនឌី និងវប្បធម៌ហិណ្ឌូ មានអត្ថន័យសំដៅលើទន្លេពិសិដ្ឋ។
ទារិកាដែលត្រូវបានគេប៉ាន់ស្មានថាមានអាយុប្រហែល ១ ខែ ត្រូវបានប្រទះឃើញនៅក្បែរគុម្ពោតឯនាយទន្លេឆ្ងាយ និងសង្គ្រោះដោយបុរសម្នាក់ជិះទូកនៅរដ្ឋភាគខាងជើងនៃ រដ្ឋអ៊ូតា ប្រាដែស។
ទារិកាដែលត្រូវបានគេប៉ាន់ស្មានថាមានអាយុប្រហែល ១ខែត្រូវបានប្រទះឃើញនៅក្បែរគុម្ពោតឯនាយទន្លេដ៏ឆ្ងាយ។
មន្ត្រីប៉ូលីសប្រចាំតំបន់លោក O.P. Singh បានប្រាប់ទីភ្នាក់ងារព័ត៌មាន AFP ថា៖ «វាពិបាកក្នុងការបញ្ជាក់ថា តើនាងតូចបានអណ្តែតនៅលើទឹកទន្លេយ៉ាងដូចម្តេច។ អ្នកបើកទូកបានឮសូរ សំឡេងទារកចេញពីប្រអប់ហើយវាទំនងជានាំលោកទៅក្បែរនោះ រហូតដល់បានឃើញនាងតូច»។
លោក Singh បានឱ្យដឹងបន្តទៀតថា៖ «ទារិកាមានសុខភាពល្អហើយបច្ចុប្បន្ននាងកំពុងទទួលបានការយកចិត្តទុកពីក្រុមគ្រូពេទ្យ។ រដ្ឋាភិបាលនឹងធានារ៉ាប់រ៉ងគ្រប់យ៉ាងចំពោះជីវិតទារិកាមួយនេះ»។
មន្ត្រីប៉ូលីសប្រចាំតំបន់លោក O.P. Singh បានបញ្ជាក់ទៀតថា៖ «អ្វីដែលជាចម្ងល់គឺយើងកំពុងព្យាយាមរកឱ្យឃើញថា តើនាងតូចមកពីណា?»៕ AFP/HR
ទារិកាដែលទើបនឹងកើតមួយរូបត្រូវបានគេប្រទះឃើញថា នៅមានជីវិត និងសុខភាពល្អ នៅក្នុងប្រអប់ឈើអណ្តែតនៅលើដងទន្លេពិសិដ្ឋ។
