តារាល្បីៗលើកម្រាលព្រំក្រហមនៃមហោស្រពភាពយន្ដដ៏ធំសម្បើមលើកដំបូងនៅអារ៉ាប៊ីសាអ៊ូឌីត។ AFP
ក្រុងរីយ៉ាដ៖ ជិត ៤ ឆ្នាំក្រោយដកបម្រាមលើរោងភាពយន្ដ អារ៉ាប៊ីសាអ៊ូឌីត គ្រោងរៀបចំមហោស្រពភាពយន្ដដ៏ធំសម្បើមលើកដំបូងចាប់ពីថ្ងៃចន្ទ ខណៈប្រទេសនៅឈូងសមុទ្រមួយនេះផ្ដោតលើឧស្សាហកម្មថ្មីដ៏កាក់កបនេះ។
រោងភាពយន្ដនានាត្រូវបានបង្គាប់ឱ្យបិទទ្វារអស់រយៈពេលជាច្រើនទសវត្សរ៍ រហូតដល់ខែមេសា ឆ្នាំ២០១៨ តែរយៈពេលប៉ុន្មានថ្ងៃទៀត តារាភាពយន្ដ និងផលិតករភាពយន្តនឹងចេញមកដើរលើកម្រាលព្រំក្រហមនៅក្នុងកម្មវិធីមហោស្រពភាពយន្ដអន្ដរជាតិសមុទ្រក្រហម Jeddah។
មហោស្រពភាពយន្ដនេះចាប់ផ្ដើមរយៈពេល ១ថ្ងៃក្រោយ Jeddah បានរៀបចំព្រឹត្ដិការណ៍ប្រណាំងរថយន្ដ Formula One Grand Prix លើកដំបូង ក៏ទំនងជាមានព្រឹត្ដិការណ៍បង្ហាញភ្លើងពណ៌នាពេលរាត្រីផងដែរ។
ក្រោយដកបម្រាមលើរោងភាពយន្ដ អារ៉ាប៊ីសាអ៊ូឌីត រៀបចំមហោស្រពភាពយន្ដដ៏ធំសម្បើមលើកដំបូងចាប់ពីថ្ងៃចន្ទ។ AFP
មហោស្រពនេះនឹងដាក់បញ្ចាំងភាពយន្ដខ្នាតវែង និងខ្លី ១៣៨រឿង មកពី ៦៧ប្រទេស ដោយមានជាង ៣០ភាសា។ ចំណោមភាពយន្ដទាំងនោះ មានរឿងរិះគន់របស់ហ្ស៊កដានី «The Alleys» ដឹកនាំដោយ
BasselGhandour ក៏ដូចជាភាពយន្ដក្រៅពិភពអារ៉ាប់ រួមមានរឿង «Cyrano» របស់ផលិតករអង់គ្លេស Joe Wright និង «83» ជាដំណើររឿងស្ដីពីជ័យជម្នះការប្រកួតកីឡាគ្រីឃីតពានរង្វាន់ពិភពលោកក្នុងឆ្នាំ១៩៨៣។
មហោស្រពក៏ប្រហែលជាផ្ដល់កិត្ដិយសដល់អ្នកស្រី Haifaa al-Mansour ជាផលិតករស្រីអារ៉ាប៊ីសាអ៊ូឌីតដំបូងគេ ដែលផលិតភាពយន្ដរឿង «Wadjda» ក្នុងឆ្នាំ២០១២ ដែលបានឈ្នះពានរង្វាន់អន្ដរជាតិជាច្រើន។
ស្ថិតក្រោមព្រះរាជកិច្ចដឹកនាំរបស់ព្រះអង្គម្ចាស់ស្នងរាជ មូហាមេដ ប៊ីន សាល់មេន របស់អារ៉ាប៊ីសាអ៊ូឌីត ក្នុងឆ្នាំ ២០១៧ មានកំណែទម្រង់យ៉ាងច្រើនក្នុងប្រទេសនេះ។
ក្រោយដកបម្រាមលើរោងភាពយន្ដ អារ៉ាប៊ីសាអ៊ូឌីត រៀបចំមហោស្រពភាពយន្ដដ៏ធំសម្បើមលើកដំបូងចាប់ពីថ្ងៃចន្ទ។ AFP
អ្នកវិភាគសិល្បៈអេហ្ស៊ីប មូហាមេដ អាប់ដេល រ៉ាស់មេន បាននិយាយថា៖ «គំនិតបង្កើតមហោស្រពភាពយន្ដនៅអារ៉ាប៊ីសាអ៊ូឌីតនេះ ពិតជារឿងមិននឹកស្មានដល់កាលពី ៥ឆ្នាំមុន»។
មហោស្រពនេះក៏ជាយានត្រួសត្រាយផ្លូវសម្រាប់ទីផ្សារភាពយន្ដ និងឧស្សាហកម្មភាពយន្ដនៅអារ៉ាប៊ីសាអ៊ូឌីតឡើងវិញដែរ។
យោងតាមរបាយការណ៍មួយពីក្រុមហ៊ុនគណនេយ្យអន្ដរជាតិ PwC បានបង្ហាញថា ចំណូលពីវិស័យភាពយន្ដប្រចាំឆ្នាំរបស់អារ៉ាប៊ីសាអ៊ូឌីត អាចកើនដល់ ៩៥០លានដុល្លារនៅត្រឹមឆ្នាំ២០៣០ ខាងមុខ។
ប្រជាជនអារ៉ាប៊ីសាអ៊ូឌីតប្រមាណ ៤០លាននាក់ ត្រូវបានព្យាករថា បានចូលទស្សនាភាពយន្ដនៅក្នុងរោងរហូតដល់ ២៦០០ទីតាំង»៕ AFP/HR
បិទរោងកុនអស់ជាច្រើនទសវត្សរ៍ ស្រាប់តែអារ៉ាប៊ីសាអ៊ូឌីតរៀបចំមហោស្រពភាពយន្ដខ្នាតយក្សលើកដំបូង។ AFP
