អ្នកដំណើរជិះកង់ជាមធ្យោបាយស្រឡាញ់បរិស្ថាន ទន្ទឹមនឹងរថយន្តធ្វើដំណើរ នៅទីក្រុងប៉ារីស ប្រទេសបារាំង។ AFP
ក្រុងប៉ារីស៖ ការផ្សព្វផ្សាយពាណិជ្ជកម្មរថយន្ដក្រុងប្រទេសបារាំង នឹងត្រូវបញ្ចូលសារលើកទឹកចិត្ដពលរដ្ឋពិចារណាជម្រើសធ្វើដំណើរប៉ះពាល់បរិស្ថានតិចចាប់ពីឆ្នាំ២០២២ ជាផ្នែកមួយនៃដំណើរឆ្ពោះទៅបញ្ឈប់ការបញ្ចេញឧស្ម័នកាបោនរបស់រដ្ខាភិបាល។
តម្រូវការ ដែលចូលជាធរមានក្នុងខែមីនា ត្រូវបានបញ្ជាក់ក្នុងព្រឹត្ដិបត្រ Official Journal របស់រដ្ឋាភិបាលនាសប្ដាហ៍នេះ ក្រោយពីការបញ្ចុះបញ្ចូលដោយក្រុមអង្គការបរិស្ថានជាច្រើនឆ្នាំ ដែលពួកគេជាច្រើនព្យាយាមដាក់ការផ្សព្វផ្សាយលក់ផលិតផលរថយន្ដក្រៅច្បាប់។
ស្រដៀងនឹងវិធានការទទួលទានប្រកបដោយសុខភាពលើការផ្សព្វផ្សាយផលិតផលចំណីអាហារ និងភេសជ្ជៈ សារស្ដង់ដារនឹងបង្ហាញថា អ្នកបើកបរសម្របនឹងជម្រើសបរិស្ថានទៅតាមលទ្ធភាព។
អ្នកដំណើរជិះកង់ជាមធ្យោបាយស្រឡាញ់បរិស្ថាន ទន្ទឹមនឹងរថយន្តធ្វើដំណើរ នៅទីក្រុងប៉ារីស ប្រទេសបារាំង។ AFP
ក្រុមហ៊ុនផលិតរថយន្ដនឹងមានជម្រើស ៣ គឺ «រថយន្ដជិះរួម» «សម្រាប់ការប្រើប្រាស់ប្រចាំថ្ងៃ ចូរជ្រើសរើសសេវាសាធារណៈ» ឬ «សម្រាប់ដំណើរជិតៗ ចូរជ្រើសរើសការដើរថ្មើរជើង ឬជិះកង់»។
ជម្រើសទាំង ៣ នេះក៏តម្រូវឱ្យប្រើនៅក្នុងប្រព័ន្ធផ្សព្វផ្សាយទាំងអស់ រួមមាន កាសែត ទូរទស្សន៍ វិទ្យុ ឬអ៊ីនធឺណិត និងត្រូវបញ្ចូលតំណរភ្ជាប់ (#SeDeplacerMoinsPolluer) (ទៅមុខ និងកាត់បន្ថយការបំពុលបរិស្ថាន)។
ពាណិជ្ជកម្មក៏នឹងបញ្ចូលសេចក្ដីណែនាំអំពីការបញ្ចេញឧស្ម័នកាបូនិច ជាប្រព័ន្ធចំណាត់ថ្នាក់ថ្មីដើម្បីជម្រាបជូនអតិថិជនអំពីផលប៉ះពាល់បរិស្ថាន ដែលជាផ្នែកមួយនៃច្បាប់ទប់ស្កាត់ការប្រែប្រួលអាកាសធាតុ អនុម័តដោយតំណាងរាស្ដ្រក្នុងខែកក្កដា។
បច្ចុប្បន្ន ក្រុមហ៊ុនរថយន្ដទំនងជាត្រៀមខ្លួនរួរាល់ក្នុងការអនុវត្ដច្បាប់ថ្មីនេះ ទោះបីជាមិនសូវពេញចិត្ដយ៉ាងណាក៏ដោយ។
អ្នកដំណើរជិះកង់ជាមធ្យោបាយស្រឡាញ់បរិស្ថាន ទន្ទឹមនឹងរថយន្តធ្វើដំណើរ នៅទីក្រុងប៉ារីស ប្រទេសបារាំង។ AFP
លោក Lionel French Keogh នាយកHyundai ប្រចាំប្រទេសបារាំង បានប្រាប់ AFP ថា៖ «វាទូទៅ គឺវាអ៊ីចឹងហើយ។ យើងត្រូវស្វែងរកជម្រើសដ៏ស័ក្ដិសមចំពោះការធ្វើដំណើរ។ វាជាលើកដំបូង ដែលយើងទទួលបានសារបែបនេះដោយផ្ទាល់ពីរដ្ឋាភិបាល»។
លោកបានបន្ដថា៖ «យើងនឹងសម្របខ្លួនតាម ដោយនាំគ្នាបោះជំហានទៅចាប់ជម្រើសយករថយន្ដមិនបញ្ចេញផ្សែងពុល»។
ជាផ្នែកមួយនៃច្បាប់បារាំង ការផ្សព្វផ្សាយពាណិជ្ជកម្មរថយន្ដបំពុលបរិស្ថានបំផុត ដែលបានបញ្ចេញឧស្ម័នកាបូនជាង ១២៣ក្រាមនៃកាបោនក្នុង១គីឡូម៉ែត្រ រួមទាំង ប្រភេទរថយន្ដតួលខ្ពស់ SUV ដ៏ពេញនិយមជាច្រើន នឹងត្រូវបានដាក់ឱ្យនៅក្រៅច្បាប់ចាប់ពីឆ្នាំ២០២៨ ទៅ៕ AFP/HR
ការលើកកម្ពស់មធ្យោបាយដឹកជញ្ជូនសាធារណៈនឹងត្រូវបានផ្សព្វផ្សាយជាមួយពាណិជ្ជកម្មលក់រថយន្ត។ AFP
