ក្រុងហាណូយ: អំឡុងពេលវិស្សមកាលធំបំផុតប្រចាំឆ្នាំរបស់វៀតណាម ពលរដ្ឋវៀតណាមមកពីជុំវិញពិភពលោកព្យាយាមវិលមកកាន់ស្រុកកំណើតសម្រាប់ការជួបជុំសាច់ញាតិដ៏វិសេស និងស្វាគមន៍ឆ្នាំថ្មីប្រពៃណីជាតិជាមួយគ្នា។ ពិធីអបអរដ៏សំខាន់មួយគឺអាហារធេត (Tet) ប្រពៃណីដែលត្រូវបានរៀបចំ និងចម្អិនដោយយកចិត្ដទុកដាក់។
ព្រឹទ្វាចារ្យនៅក្រុងហាណូយ អ្នកស្រី ត្រួង ធីហូយ អាយុ ៩០ ឆ្នាំ បាននិយាយថា៖ «ជាមួយឱកាសរីករាយនៃបុណ្យចូលឆ្នាំ និងការជូនពរសព្វសាធុការដល់ក្រុមគ្រួសារ អាហារធេតឧទ្ទិសដល់ដួងវិញ្ញាណ ការចងចាំ និងគោរពដូនតា ដែលតែងតែមើលថែកូនចៅឱ្យមានសុខភាពល្អ ជោគរាសី និងសុខសុវត្ថិភាព»។
លោកយាយ ហូយ បានបន្ដថា៖ «កាលពីមុន យើងត្រូវរៀបចំរបស់របរច្រើនសម្រាប់បុណ្យចូលឆ្នាំ ដែលជារឿយៗ រយៈពេល ១ ខែ។
ដោយឆ្លុះបញ្ចាំងពីវប្បធម៌ប្រវត្តិសាស្ត្រ មុខម្ហូបធេត រួមមាន ស៊ុបមាន់ជាមួយផ្សិត សាច់ជ្រូក ប្រហិត និងអាហារផ្សេងទៀតរួមមាននំបាញ់ជុង ជ្រក់មើមខ្ទឹម ចាយ៉បំពង សម្លសាច់ជ្រូកជាប់ស្បែក សាច់ជ្រូកខ្វៃ បាយ ឆាបន្លែដ៏សម្បូរបែប និងបង្អែមនំនែក។
អាហារទាំងនោះត្រូវបានតុបតែងលម្អឱ្យមានភាពស្រស់ស្អាត ដើម្បីលើកហុងស៊ុយគ្រួសារពេញ ១ ឆ្នាំ។
អ្នកស្រី ហូយ និងក្រុមគ្រួសារបានផ្ដល់តម្លៃសំខាន់លើនំបាញ់ជុង ៤ ជ្រុង ដោយសារវាជាអាហារមានរសជាតិឆ្ងាញ់ ដែលមិនគួរខកខានអំឡុងចូលឆ្នាំ។ នំអង្ករដំណើបនេះត្រូវបានប្រើរាប់ពាន់ឆ្នាំ ដែលអរគុណដល់ព្រះអង្គ ឡាងលុយ នៃស្ដេចហ៊ូង សតវត្សរ៍ទី១៦ ដែលសព្វព្រះហឫទ័យថ្វាយការដឹងគុណដល់ព្រះបិតាទ្រង់រវាងឋានសួគ៌ និងផែនដី។
អ្នកស្រីបានឱ្យដឹងថា ចំពោះជំនឿរបស់ពលរដ្ឋវៀតណាម នំនេះមិនត្រឹមតែជាបង្អែមដ៏ពិសិដ្ឋប៉ុណ្ណោះទេ ប៉ុន្ដែក៏បង្កប់នូវអត្ថន័យសំខាន់អំពីចក្កវាឡ និងជីវិតមនុស្សថែមទៀត។
ជាមួយគ្រឿងផ្សំផ្ទុកជីវជាតិ ដូចជា អង្គរដំណើប សណ្ដែកខៀវ និងសាច់ជ្រូក នំបាញ់ជុងផ្ដល់នូវថាមពល និងវីតាមីនដើម្បីទប់ទល់នឹងអាកាសធាតុដ៏ត្រជាក់អំឡុងរដូវបុណ្យចូលឆ្នាំ។
ស៊ុបមាន់ក៏ជាអាហារមានប្រជាប្រិយនាពេលបច្ចុប្បន្នសម្រាប់បុណ្យធេត ហើយនៅតែត្រូវបានរៀបចំ និងចម្អិនដោយផ្ចិតផ្ចង់ផងដែរ។
អ្នកស្រី ហូយ បានបន្ដទៀតថា អ្នកស្រីតែងតែតុបតែងមាន់ស្ងោរដោយពាំផ្កាក្នុងមាត់ជាដើម។
ដូនចាស់រូបនេះ បានអះអាងថា៖ «យោងតាមព្រេងកថា មាន់តំណាងសេចក្ដីសុចរិត និងរឹងមាំ។ ជាទូទៅ វាត្រូវបានចាត់ទុកជាមនុស្សមានទឹកចិត្ដប្រពៃ ដូចជា ការបង្វឹកចម្បាំង
និពន្ធ ក្លាហាន វៃឆ្លាត និងមានសន្ដានចិត្ដ»៕ VNS/HR