ភ្នំពេញ៖ នាពេលថ្មីៗនេះ ស្រាប់តែលេចចេញដំណឹងថា ស្រីស្រអែមស្រស់ កញ្ញា អែម គុនថងជាកញ្ញាឯករងទី២ ក្នុងកម្មវិធីកញ្ញាឯកដ៏អស្ចារ្យនៃកម្ពុជាឆ្នាំ២០២១ (Miss Grand Cambodia 2021) ទទួលបានភារកិច្ចថ្មី គ្រងតំណែងជាម្ចាស់មកុដ Miss Global Cambodia 2022 ដែលនឹងត្រូវទៅចូលរួមប្រកួតកម្មវិធីអន្តរជាតិ Miss Global 2022 ធ្វើនៅកោះបាលី ប្រទេសឥណ្ឌូនេស៊ី។
នេះបើយោងតាមគេហទំព័រផ្លូវកា Miss Grand Cambodia បង្ហើបថា៖ «ជាផ្លូវការOfficially!សូមចូលរួមអបអរសាទរទៅដល់កញ្ញា អែម គុនថងលំដាប់រងទី២ នៃកញ្ញាឯកដ៏អស្ចារ្យនៃកម្ពុជាឆ្នាំ2021ដែលត្រូវតំណាងឱ្យប្រទេសកម្ពុជា Miss Global Cambodia 2022 ចូលរួមប្រកួតកម្មវិធី Miss Global 2022 នៅចុងខែ៥ នៅកោះបាលី ប្រទេសឥណ្ឌូនេស៊ី។ សូមចូលរួមអបអរសាទរ កញ្ញានឹងត្រូវបំពាក់មកុដដ៏ប្រណីត និងខ្សែឆៀងថ្មីក្នុងពេលឆាប់ៗនេះ»។
មួយសន្ទុះក្រោយមកក៏ឃើញសាមីខ្លួន គឺកញ្ញា អែម គុនថង បានបង្ហើរសារតាមហ្វេសប៊ុកបង្ហាញចំណាប់អារម្មណ៍ថា៖ «ជម្រាបសួរពុកម៉ែបងប្អូន នាងខ្ញុំអែមគុនថងពិតជារំភើបខ្លាំងណាស់ ដែលទទួលបានឱកាស តំណាងឱ្យប្រទេសកម្ពុជាដើម្បីចូលរួមប្រកួតក្នុងកម្មវិធី Miss Global international នៅពេលខាងមុខនេះ!»។
គួរបញ្ជាក់ផងដែរថា ស្រីស្អាត អែម គុនថង អតីតគឺជាកញ្ញាឯកលំដាប់រងទី២ នៃកញ្ញាឯកដ៏អស្ចារ្យនៃកម្ពុជាឆ្នាំ២០២១ (2nd Runner-Up Miss Grand Cambodia 2021) និងធ្លាប់ជាកញ្ញាឯកកម្ពុជាលំដាប់រងទី១ ឆ្នាំ ២០១៦ និងម្ចាស់មកុដកញ្ញាឯកភពផែនដីកម្ពុជា ឆ្នាំ២០១៧។
គេនៅចាំបានថា កញ្ញាឯកផែនដីកម្ពុជាមានរូបរាងស្ល៊ីម ស្រឡូន អែម គុនថង រំលេចភាពស្រស់ស្អាតឈុតតំណាងជាតិរបស់ដោយគ្រងឈុតឈ្មោះ «នាងឧសភី ឬ Queen of Koprey» សម្រាប់ចូលប្រកួតបវរកញ្ញាផែនដីអន្តរជាតិឆ្នាំ២០១៧ (Miss Earth International 2017) នៅប្រទេស ហ្វីលីពីន នាពេលកន្លងមកនោះ៕