Fu Baoកើតក្នុងខែកក្កដាឆ្នាំ២០២០នៅសួនកម្សាន្ត Everland ភាគខាងត្បូងនៃទីក្រុងសេអ៊ូល AFP
សួនសត្វរបស់ប្រទេសកូរ៉េខាងត្បូងមួយកាលពីថ្ងៃទី៣ខែមីនា បានរៀបចំពិធីជប់លៀងលាគ្នាសម្រាប់សត្វខ្លាឃ្មុំ «Fu Bao» ដែលជាខ្លាឃ្មុំ ផេនដា ដ៏ធំដំបូងគេដែលកើតនៅក្នុងប្រទេសនេះ ក្រោយរូបភាពផ្តល់មេនិងបាពីប្រទេសចិន ក្រោមកិច្ចខិតខំពង្រឹងការទូត ដែលមានឈ្មោះថា «ខ្លាឃ្មុំការទូតរបស់ប្រទេសចិន (China's panda diplomacy)» មុនពេលដែលសត្វជាទីស្រលាញ់ដែលបានគ្រោងនឹងត្រឡប់ទៅកាន់ប្រទេសចិនវិញ។ នេះបើយោងតាមរ៉យទ័រ។
ខ្លាឃ្មុំ Fu Bao ដែលមានន័យថា«រតនសម្បត្តិដ៏សំណាង (lucky treasure)» បានទាក់ទាញអ្នកគាំទ្រយ៉ាងច្រើនចាប់តាំងពីកើតមកក្នុងខែកក្កដាឆ្នាំ ២០២០ នៅសួនកម្សាន្ត Everland ភាគខាងត្បូងនៃទីក្រុងសេអ៊ូល បន្ទាប់ពីរដ្ឋាភិបាលចិនបានផ្តល់មេនិងបាក្នុងឆ្នាំ២០១៦។
តាមរ៉យទ័រ ខ្លាឃ្មុំផេនដាគ្រោងនឹងត្រលប់មកខេត្តស៊ីឈួនរបស់ប្រទេសចិនវិញក្នុងខែមេសា បន្ទាប់ពីដាក់ឱ្យធ្វើចត្តាឡីស័ករយៈពេលមួយខែ។
ភ្ញៀវរាប់ពាន់នាក់បានតម្រង់ជួរទាំងព្រឹកព្រលឹម ដើម្បីចូលរួមកម្មវិធីលាគ្នា ដោយមានអ្នកទស្សនាជាច្រើននិយាយថា ពួកគេនឹងនឹកខ្លាឃ្មុំផេនដាពេលបាត់ពីទីនេះ។
រ៉យទ័រ ស្រង់សម្តីអ្នកទៅចូលកម្មវិធីលាគ្នា គឺ អ្នកស្រី Kim Min-ji អាយុ ៣១ ឆ្នាំ ជាភ្ញៀវទេសចរណ៍បាននិយាយថា៖ «ខ្ញុំមានជំងឺផ្លូវចិត្តកាលពីបីឆ្នាំមុន ប៉ុន្តែ Fu Bao បានជួយខ្ញុំឱ្យឆ្លងកាត់វា ហើយបានធ្វើឱ្យខ្ញុំមានផាសុកភាព ជាច្រើន។ វាជាការសោកស្ដាយក្នុងការនិយាយលា ប៉ុន្តែយើងត្រូវឲ្យនាង (ខ្លាឃ្មុំ) ទៅ។ ខ្ញុំសូមជូនពរនាងទៅដោយសុវត្ថិភាព ហើយនឹងមានសុភមង្គល»។
អ្នកស្រី Jo Ah-hyeon អាយុ ២៤ឆ្នាំ បាននិយាយថា នាងបានរង់ចាំជាង៤ម៉ោងដើម្បីជួប Fu Bao ។ នាងបាននិយាយថា៖ «នេះជាឱកាសចុងក្រោយរបស់យើង អ្នកមិនដឹងថាពេលណាយើងនឹងជួបនាងទៀតទេ ដូច្នេះខ្ញុំត្រូវមក»។
អ្នកថែរក្សាសួនសត្វ Kang Cher-won ដែលបានមើលថែ Fu Bao បាននិយាយថា ខ្លាឃ្មុំផេនដាបានផ្តល់ក្តីស្រឡាញ់ដល់គាត់ ក៏ដូចជាបង្រៀនគាត់ជាច្រើនអំពីប្រភេទសត្វដែលជិតផុតពូជ។
ភ្ញៀវថត Fu Bao នៅសួនសត្វ
វីដេអូអនឡាញរបស់ Kang យកចិត្តទុកដាក់ចំពោះ Fu Bao និងការតោងរបស់គាត់គឺមានប្រជាប្រិយភាពយ៉ាងខ្លាំងនៅក្នុងប្រទេសកូរ៉េខាងត្បូង។
លោក Kang បាននិយាយថា «Fu Bao ជាមិត្តភក្តិដែលបានដើរតួជាច្រើន។ នាងគឺជាកូនខ្លាឃ្មុំផេនដាដំបូងរបស់ខ្ញុំ ហើយបេះដូងរបស់ខ្ញុំគឺពោរពេញទៅដោយការចងចាំរបស់នាង ដែលខ្ញុំនឹងមិនអាចបំភ្លេចបានពេញមួយជីវិតរបស់ខ្ញុំ»។
ឪពុកម្តាយរបស់កូនខ្លា Fu Bao គឺ ម្តាយ Ai Bao អាយុ ១០ឆ្នាំ និងឪពុក Le Bao អាយុ ឆ្នាំ បានមកដល់ក្នុងឆ្នាំ ២០១៦ ពីខេត្ត ស៊ីឈួន ដែលជាផ្ទះរបស់ខ្លាឃ្មុំផេនដាដែលជាផ្នែកនៃ «ការទូតខ្លាឃ្មុំផេនដា» របស់ប្រទេសចិន។
នៅខែកក្កដា ឆ្នាំ ២០២៣ Ai Bao បានផ្តល់កំណើតដល់កូនភ្លោះខ្លាឃ្មុំផេនដាដ៏ធំនៅប្រទេសកូរ៉េខាងត្បូង។
ខ្លាឃ្មុំផេនដាញីអាចបង្កើតបានម្តងក្នុងមួយឆ្នាំក្នុងរយៈពេលកំណត់ ហើយកូនជ្រូកមានឱកាសរស់រានមានជីវិតទាបណាស់ ដោយសារពួកវាតែងតែកើតមិនគ្រប់ខែ ជាធម្មតាមានទម្ងន់តិចជាង ២០០ ក្រាម។
