ភ្នំពេញៈ មនុស្សចំនួន ២០ នាក់បន្ថែមទៀត បានស្លាប់ដោយសារជំងឺកូវីដ ១៩ និងរកឃើញអ្នកឆ្លងថ្មីជាង ៨០០ នាក់ ខណៈមានអ្នកជាសះស្បើយជិត ៨០០ នាក់ផងដែរ នៅថ្ងៃនេះ។ នេះបើតាមក្រសួងសុខាភិបាល។
យោងតាមសេចក្តីប្រកាសរបស់ក្រសួងសុខាភិបាលនៅព្រឹកថ្ងៃទី ២២ ខែកក្កដា នេះបានឱ្យដឹងថា ក្រសួងបានរកឃើញអ្នកឆ្លងវីរុសកូវីដ ១៩ បន្ថែមទៀត ចំនួន ៨១១ នាក់ និងមានអ្នកជាសះស្បើយថ្មីចំនួន ៧៩៨ នាក់។
អ្នកដែលរកឃើញឆ្លងជំងឺកូវីដ ១៩ ថ្មីនេះ មានករណីឆ្លងក្នុងសហគមន៍ចំនួន ៥១១ នាក់ និងអ្នកដំណើរមកពីបរទេសចំនួន ៣០០ នាក់។
គិតត្រឹមព្រឹកថ្ងៃទី ២២ ខែ កក្កដា ឆ្នាំ ២០២១ ប្រទេសកម្ពុជា មានអ្នកឆ្លងវីរុសកូវីដ ១៩ សរុបរហូតដល់ ៧០ ៤១៩ នាក់។ អ្នកជាសះស្បើយសរុបចំនួន ៦២ ៥៧៧ នាក់ និងអ្នកស្លាប់បានកើនឡើងរហូតដល់ ១ ១៨៨ នាក់៕