.jpg)
អាជីវករផ្សារដេប៉ូទៅផ្ដល់សំណាកជូនគ្រូពេទ្យ ក្រោយមានការរីករាលដាលជំងឺកូវីដបំប្លែងថ្មី កាលពីថ្ងៃទី ១៤ សីហា។ ហេង ជីវ័ន
ភ្នំពេញ៖ មនុស្សចំនួន ១៤ នាក់ទៀត ស្លាប់ដោយសារជំងឺកូវីដ ១៩ និងបានរក ឃើញអ្នកឆ្លងថ្មីបន្ថែមទៀតជាង ៥០០ នាក់ ខណៈមានអ្នកជាសះស្បើយជាង ៧០០ នាក់ផងដែរ។ នេះបើយោងតាមសេចក្តីប្រកាសរបស់ក្រសួងសុខាភិបាល។
ក្រសួងសុខាភិបាលបានប្រកាសនៅព្រឹកថ្ងៃទី ១៧ ខែសីហា នេះថា មនុស្សចំនួន ៥៥៦ នាក់ ត្រូវបានរកឃើញមានវិជ្ជមានវីរុសកូវីដ ១៩ និងមានអ្នកជាសះស្បើយបន្ថែមទៀតចំនួន ៧១៦ នាក់។ ករណីរកឃើញឆ្លងថ្មីនេះ មានករណីឆ្លងសហគមន៍ចំនួន ៣៨៩ នាក់ និងអ្នកដំណើរមកពីបរទេសចំនួន ១៦៧ នាក់។
សម្រាប់ប្រទេសកម្ពុជា គិតត្រឹមព្រឹកថ្ងៃទី ១៧ ខែ សីហា ឆ្នាំ ២០២១ មានអ្នកឆ្លងជំងឺកូវីដ ១៩ សរុបចំនួន ៨៦ ៥៩៧ នាក់ អ្នកជាសះស្បើយសរុបចំនួន ៨១ ៩១៨ នាក់ និងអ្នកស្លាប់ដោយសារជំងឺកូវីដ ១៩ បានកើនឡើងដល់ ១ ៧១៨ នាក់៕
