កន្ធាយយក្សអាស៊ីញីមួយក្បាលទម្ងន់ជិត ៣៤ គីឡូក្រាម ត្រូវបានអ្នកភូមិចាប់បាននៅក្នុងបឹងស្នាយ។ រូបថត ក្រសួងព័ត៌មាន
កំពង់ចាមៈ កន្ធាយយក្សអាស៊ីញីមួយក្បាលទម្ងន់ជិត ៣៤ គីឡូក្រាម ត្រូវបានអ្នកភូមិចាប់បាននៅក្នុងបឹងស្នាយ ស្ថិតក្នុងភូមិតាណេង សង្កាត់សំបួរមាស ក្រុងកំពង់ចាមកាលពីថ្ងៃទី ១៩ ខែសីហា និងបានយកទៅប្រគល់ជូនមន្ត្រីជលផលដើម្បីអភិរក្ស។
គេហទំព័រមន្ទីរព័ត៌មានខេត្តកំពង់ចាមបានដកស្រង់សំដីលោក អ៊ុក ណារិន នាយខណ្ឌជលផលខេត្តកំពង់ចាមនៅថ្ងៃនេះថា សត្វកន្ធាយនេះ គឺជាប្រភេទកន្ធាយដែលគេហៅឈ្មោះថា កន្ធាយពូជអាស៊ី (CartilagineaAsiaticsoft-shellturtle) ហើយជាសត្វកម្រ និងជិតផុតពូជ។
កន្ធាយនេះមិនងាយមានអាយុកាលបានធំប៉ុណ្ណឹងឡើយ។
លោកត្រូវបានស្រង់សំដីថា ក្រោយពីចាប់បានកន្ធាយយក្សនេះ អ្នកភូមិនេសាទក៏បានយកវាមកប្រគល់ជូនខណ្ឌរដ្ឋបាលជលផលហើយលោកនឹងនាំយកទៅប្រគល់ជូនក្រសួងកសិកម្មរុក្ខាប្រមាញ់ និងនេសាទ ដើម្បីប្រលែងនៅតំបន់ដែលមានសុវត្ថិភាព និងអភិរក្សបន្តទៀត ដើម្បីកុំឱ្យពូជសត្វដ៏កម្រនេះរងការផុតពូជ៕
វីដេអូ៖
