ភ្នំពេញៈ មនុស្សចំនួន ១១ នាក់បន្ថែមទៀត បានស្លាប់ដោយសារជំងឺកូវីដ ១៩ និងបានរកឃើញអ្នកឆ្លងថ្មីជាង ៤០០ នាក់ ខណៈអ្នកជាសះស្បើយមានចំនួនជាង ៣០០ នាក់។ នេះបើតាមសេចក្តីប្រកាសរបស់ក្រសួងសុខាភិបាលនៅព្រឹកថ្ងៃទី ៣១ សីហានេះ។
ក្រសួងសុខាភិបាលបានឱ្យដឹងថា អ្នកដែលរកឃើញមានវិជ្ជមានវីរុសកូវីដ ១៩ បន្ថែមទៀតនោះ ចំនួន ៤៣៩ នាក់ និងអ្នក ដែលបានព្យាបាលជាសះស្បើយមានចំនួន ៣៤៣ នាក់។ អ្នកដែលបានរកឃើញឆ្លងថ្មីនេះ មានករណីឆ្លងក្នុងសហគមន៍ចំនួន ៣១៦ នាក់ និងអ្នកដំណើរមកពីបរទេសចំនួន ១២៣ នាក់។
គិតត្រឹមព្រឹកថ្ងៃទី ៣១ ខែ សីហា ឆ្នាំ ២០២១ កម្ពុជាមានអ្នកឆ្លងជំងឺកូវីដ ១៩ សរុបទូទាំងប្រទេសចំនួន ៩៣ ០៥៥ នាក់ អ្នកជាសះស្បើយសរុបចំនួន ៨៨ ៧៨៦ នាក់ និងអ្នកស្លាប់បានកើនឡើងដល់ ១ ៩០៣ នាក់ផងដែរ៕