ទិដ្ឋភាពភ្លើងឆេះព្រៃក្នុងខេត្តមណ្ឌលគិរីនាពេលកន្លងមក។ រូបភាព កងរាជអាវុធហត្ថ
រតនគិរីៈ គណៈកម្មាធិការគ្រប់គ្រងគ្រោះមហន្តរាយ ខេត្តរតនគិរី អំពាវនាវដល់ប្រជាពលរដ្ឋមិនត្រូវដុតព្រៃចាប់សត្វ ដើម្បីទប់ស្កាត់ករណីភ្លើងឆាបឆេះផ្ទះសម្បែងជាយថាហេតុ ក្នុងអំឡុងអាកាសធាតុក្តៅហួតហែង។
គណៈកម្មាធិការគ្រប់គ្រងគ្រោះមហន្តរាយ ខេត្តរតនគិរី បញ្ជាក់ក្នុងសារជាសំឡេងនាថ្ងៃទី ១១ ខែកុម្ភៈថា ក្នុងរយៈពេលប៉ុន្មានខែដើមឆ្នាំ ២០២២ នេះ គឺជារដូវធ្លាក់ខ្យល់ គួបផ្សំនឹងអាកាសធាតុក្តៅហួតហែង។ សភាពបែបនេះ គឺងាយនឹងមានករណីភ្លើងឆាបឆេះដែលអាចប៉ះពាល់ផ្ទះសម្បែង ទ្រព្យសម្បត្តិ និងផលដំណាំជាយថាហេតុ។
គណៈកម្មាធិការគ្រប់គ្រងគ្រោះមហន្តរាយ ខេត្តនេះបញ្ជាក់ថា៖ «ក្នុងន័យនេះ សូមក្រើនរំឭកដល់បងប្អូនប្រជាពលរដ្ឋទាំងអស់លើកកម្ពស់ការយកចិត្តទុកដាក់ កាប់ឆ្កាសម្អាតស្មៅព្រៃជុំវិញផ្ទះ និងមិនត្រូវដុតព្រៃដើម្បីចាប់សត្វ ឬបោះចោលកន្ទុយបារីនៅតាមទីណាដែលមានស្មៅស្លឹកឈើងាប់ដើម្បីបង្ការបានពីករណីដូចបានជម្រាបជូនខាងលើនេះ»៕
វីដេអូ៖
