ក្រុមគ្រូពេទ្យនៅមជ្ឈមណ្ឌលព្យាបាលកុមារបេះដូងជប៉ុន។ រូបថត សហការី
ភ្នំពេញ: មជ្ឈមណ្ឌលព្យាបាលកុមារបេះដូងជប៉ុន «Japan Heart» នៅក្នុងមន្ទីរពេទ្យបង្អែកពញាឮខេត្តកណ្ដាល កំពុងស្វែងរកការបរិច្ចាគឈាមពីនាក់ស្ម័គ្រចិត្ត ប្រមាណ២០០នាក់ នៅថ្ងៃទី ២៩ ខែមិថុនា នៅផ្សារទំនើបអ៊ីអន១ ដើម្បីត្រៀមធ្វើការវះកាត់កុមារដែលមានជំងឺមហារីក នៅក្នុងប្រទេសកម្ពុជា។
មជ្ឈមណ្ឌលព្យាបាលកុមារបេះដូងជប៉ុន «Japan Heart» ជាអង្គការវេជ្ជសាស្ត្រអន្តរជាតិដែលមានដើមកំណើតនៅប្រទេសជប៉ុន បានសហការជាមួយផ្សារទំនើបអ៊ីអន ១ ដើម្បីរៀបចំព្រឹត្តិការណ៍បរិច្ចាគឈាមនេះ ក្រោយពីប្រឈមបញ្ហាខ្វះខាតឈាមធ្ងន់ធ្ងរ និងតម្រូវការឈាមកើនឡើងសម្រាប់សង្គ្រោះកុមារ។
លោក ហ៊ីរ៉ូយ៉ូគិយ៉ាម៉ាស៊ីតា ប្រធានផ្នែកការិយាល័យរដ្ឋបាល នៃមជ្ឈមណ្ឌលព្យាបាលកុមារបេះដូងជប៉ុន បានថ្លែងថា៖ «Japan Heart ត្រូវការឈាមយ៉ាងច្រើនដើម្បីសង្គ្រោះកុមារហើយវាអាស្រ័យលើស្ថានភាពអ្នកជំងឺមហារីកកុមារនីមួយៗ។ ប៉ុន្តែជាទៀងទាត់ យើងត្រូវការកញ្ចប់ឈាមសម្រាប់ការបញ្ចូលឈាមនៅពេលយើងធ្វើការព្យាបាលដោយគីមី និងការវះកាត់សម្រាប់អ្នកជំងឺកុមារ ដោយទាមទារឈាម ១៥-២០ ប្លោកហើយនៅមន្ទីរពេទ្យទាំងអស់ ត្រូវការអ្នកបរិច្ចាគឈាម ២០០ នាក់ ក្នុងមួយខែ»។
លោក ហ៊ីរ៉ូ ថ្លែងថា មជ្ឈមណ្ឌលព្យាបាលកុមារបេះដូងជប៉ុន គ្រោងធ្វើការវះកាត់អ្នកជំងឺមហារីកកុមារចំនួន ១០ នាក់ ចាប់ពីថ្ងៃទី ២៨ ខែមិថុនាដល់ថ្ងៃទី ១០ ខែកក្កដា៕
វីដេអូ៖
