បាត់ដំបងៈ រដ្ឋបាលខេត្តបាត់ដំបង នៅព្រឹកថ្ងៃទី ៣ ខែមីនានេះ បានរៀបចំក្បួនដង្ហែពានរង្វាន់ជយលាភីទីក្រុងស្អាតផ្ការំដួល ៣ ទង សុពលភាពឆ្នាំ ២០២២-២០២៥ និងពានរង្វាន់ជយលាភីទីក្រុងស្អាត ដែលមានពិធីបុណ្យចូលឆ្នាំសកលល្អជាងគេប្រចាំឆ្នាំ ២០២២ (Best Countdown City of the Year 2022)។
ពិធីដង្ហែក្បួនដែលធ្វើឡើងតាមផ្លូវមួយចំនួនក្នុងក្រុងបាត់ដំបងនេះ មានការដឹកនាំនិងចូលរួមពីថ្នាក់ដឹកនាំខេត្ត មន្ត្រីរាជការ កងកម្លាំងសមត្ថកិច្ច សិស្សានុសិស្ស និងប្រជាពលរដ្ឋយ៉ាងច្រើនកុះករ។
លោកឧត្តមសេនីយ៍ទោ សាត គឹមសាន ស្នងការនគរបាលខេត្តបាត់ដំបង ក៏បានដឹកនាំកងកម្លាំងនគរបាលចូលរួមពិធីដង្ហែពានរង្វាន់ជយលាភីទីក្រុងស្អាតផ្ការំដួល៣ទង សុពលភាពឆ្នាំ២០២២-២០២៥ និងពានរង្វាន់ជយលាភីទីក្រុងស្អាតដែលមានពិធីបុណ្យចូលឆ្នាំសកលល្អជាងគេប្រចាំឆ្នាំ២០២២ នេះផងដែរ និងបានចាត់តាំងកងកម្លាំងការពារសន្តិសុខ សណ្តាប់ធ្នាប់ តាមដងផ្លូវក្នុងក្រុងបាត់ដំបង៕
