បន្ទាយមានជ័យៈ មន្ត្រីបានឱ្យដឹងថា មីនតោន ១ គ្រាប់ បានផ្ទុះកាលពីថ្ងៃទី១៤ ខែកក្កដា បណ្តាលឱ្យអ្នកបើកបររឡូកិនដីម្នាក់រងរបួសធ្ងន់ ខណៈកំពុងធ្វើផ្លូវ នៅចំណុចភូមិបន្ទាយថ្មី ឃុំអូរបីជាន់ ស្រុកអូរជ្រៅ ខេត្តបន្ទាយជ័យ។
លោក ហេង រតនា អគ្គនាយកមជ្ឈមណ្ឌលសកម្មភាពកំចាត់មីនកម្ពុជា ហៅថា ស៊ីម៉ាក់ (CMAC) បានបញ្ជាក់នៅលើហ្វេសប៊ុកនាថ្ងៃទី១៤ ខែកក្កដា ថា៖ «ធ្វើផ្លូវផ្ទុះគ្រាប់មីនតោនកប់ក្នុងដីដែលជាសំណល់សង្គ្រាមបង្កឱ្យអ្នកបើកបររឡូកិនដីរងរបួសធ្ងន់ និងខូចខាតរឡូកិនដី»។
លោកសរសេរថា នេះជាមរតកនៃសង្គ្រាម ហើយលោកអំពាវនាវឱ្យមានការត្រួតពិនិត្យសុវត្ថិភាពគ្រាប់មីន និង សំណល់យុទ្ធភណ្ឌសង្គ្រាមជាមុន ដើម្បីធានាសុខសុវត្ថិភាពការងារសាងសង់៕
