លោក នេត្រ ភក្ត្រា រដ្ឋមន្ត្រីក្រសួងព័ត៌មាន និងជាប្រធានក្រុមការងារគ្រប់គ្រងការផ្សាយផលិតផលគ្រឿងស្រវឹង (ក.គ.ផ.ស) បានបើកសិក្ខាសាលាផ្សព្វផ្សាយនៅថ្ងៃទី១០ ខែតុលា ឆ្នាំ២០២៤ ដោយផ្តោតលើប្រកាសស្តីពីការគ្រប់គ្រងការផ្សាយពាណិជ្ជកម្មគ្រឿងស្រវឹង និងយុទ្ធនាការ «ឆន្ទះល្អ»។ រូបថត ហុង រស្មី
ភ្នំពេញ៖ លោក នេត្រ ភក្ត្រា រដ្ឋមន្ត្រីក្រសួងព័ត៌មាន និងជាប្រធានក្រុមការងារគ្រប់គ្រងការផ្សាយផលិតផលគ្រឿងស្រវឹង (ក.គ.ផ.ស) បានបើកសិក្ខាសាលាផ្សព្វផ្សាយនៅថ្ងៃទី១០ ខែតុលា ឆ្នាំ២០២៤ ដោយផ្តោតលើប្រកាសស្តីពីការគ្រប់គ្រងការផ្សាយពាណិជ្ជកម្មគ្រឿងស្រវឹង និងយុទ្ធនាការ «ឆន្ទះល្អ»។
សិក្ខាសាលាដែលប្រារឰធ្វើឡើងនៅសណ្ឋាគារសុខាភ្នំពេញ បានប្រមូលផ្តុំអ្នកចូលរួមប្រមាណ ១០០០នាក់ រួមមានមន្ត្រីរដ្ឋាភិបាល អ្នកលក់គ្រឿងស្រវឹង និងអ្នកផ្សាយពាណិជ្ជកម្ម សិល្បករ អ្នកមានឥទ្ធិពលលើបណ្ដាញសង្គម និងអ្នកដឹកនាំមតិសំខាន់ៗ (KOLs) ក្នុងគោលបំណងបង្កើតបទដ្ឋានថ្មីសម្រាប់ការផ្សាយពាណិជ្ជកម្មគ្រឿងស្រវឹងនៅទូទាំងប្រទេសកម្ពុជា។
យុទ្ធនាការ «ឆន្ទៈល្អ» ត្រូវបានធ្វើឡើងក្នុងគោលបំណងនៃការផ្លាស់ប្តូរឥរិយាបថរបស់អ្នកផ្សាយពាណិជ្ជកម្មផលិតផលគ្រឿងស្រវឹង ពីការប្រើប្រាស់រូបភាព និងសារពាណិជ្ជកម្មរបស់ខ្លួន ជំនួសមកវិញនូវការប្រើប្រាស់រូបភាព ឬសារអប់រំជាចម្បងនៅលើផ្ទាំងប៉ាណូផ្សាយធំៗនៅតាមដងផ្លូវ និងតាមទីសាធារណៈនានា ដោយការដាក់ទំហំផលិតផលដែលគាំទ្រសារនោះតូចនៅខាងក្រោមសារអប់រំ។
ជំនួសឱ្យយុទ្ធសាស្ត្រទីផ្សារបែបប្រពៃណី យីហោគ្រឿងស្រវឹងនឹងប្រើប្រាស់ផ្ទាំងប៉ាណូដើម្បីផ្សព្វផ្សាយសារអប់រំអំពីហានិភ័យនៃការទទួលទានគ្រឿងស្រវឹង។
លោកបានថ្លែងថា៖ «ខ្ញុំសូមបញ្ជាក់ថា សិក្ខាសាលានេះមិនមែនជាការផ្សព្វផ្សាយ និងលើកទឹកចិត្ដឱ្យប្រើប្រាស់គ្រឿងស្រវឹងនោះទេ។ ប៉ុន្ដែជាការជួបជុំគ្នារវាងអ្នកពាក់ព័ន្ធទាំងអស់ក្នុងវិស័យធុរកិច្ចឧស្សាហកម្មគ្រឿងស្រវឹង និងស្ថាប័នអនុវត្ដច្បាប់នានាដើម្បីធ្វើឱ្យកាន់តែប្រសើរឡើងនូវសណ្ដាប់ធ្នាប់ក្នុងការផ្សាយពាណិជ្ជកម្មគ្រឿងស្រវឹង និងការផ្សាយពាណិជ្ជកម្មលក់ផលិតផលគ្រឿងស្រវឹង និងក៏ដើម្បីលើកកម្ពស់ការទទួលខុសត្រូវផ្នែកសង្គមរបស់ក្រុមហ៊ុនផលិតគ្រឿងស្រវឹង និងក្រុមហ៊ុននាំចូលផលិតផលគ្រឿងស្រវឹងទាំងអស់ ដោយធ្វើតុល្យភាពរវាងផលចំណេញសេដ្ឋកិច្ចពីការវិនិយោគ និងការទទួលខុសត្រូវសង្គមរបស់ខ្លួន»។
ប្រកាសត្រូវបានដាក់ចេញក្នុងខែកក្កដា ឆ្នាំ២០២៤ ណែនាំវិធានការគ្រប់គ្រងការផ្សាយពាណិជ្ជកម្មគ្រឿងស្រវឹង។
វាគ្មិនជជែកលើប្រធានបទ «ការអនុវត្តច្បាប់ និងលិខិតបទដ្ឋានគតិយុត្តពាក់ព័ន្ធការផ្សព្វផ្សាយ ផលិតផលគ្រឿងស្រវឹង នៅព្រះរាជាណាចក្រកម្ពុជា»។ រូបភាព ហុង រស្មី
វាអនុវត្តចំពោះផលិតផលគ្រឿងស្រវឹងដែលមានជាតិអេតាណុលលើសពី ៣ភាគរយ និងគ្របដណ្តប់គ្រប់ទម្រង់នៃប្រព័ន្ធផ្សព្វផ្សាយ រួមទាំងវេទិកាឌីជីថលផងដែរ។
បទប្បញ្ញត្តិសំខាន់ៗរួមមានការហាមឃាត់ការផ្សាយពាណិជ្ជកម្មដែលកំណត់គោលដៅអនីតិជន ការដាក់កម្រិតលើការផ្សាយពាណិជ្ជកម្មតាមទូរទស្សន៍ និងវិទ្យុ ចាប់ពីម៉ោង ៦ ល្ងាចដល់ម៉ោង 8 យប់ និងហាមការផ្សាយពាណិជ្ជកម្មក្នុងរង្វង់ ២០០ ម៉ែត្រពីសាលារៀន មន្ទីរពេទ្យ រមណីយដ្ឋានប្រវត្ដិសាស្ដ្រ រួមទាំងអាកាសយានដ្ឋានអន្ដរជាតិជាដើម។
ធាតុសំខាន់មួយនៃយុទ្ធនាការ «ឆន្ទៈល្អ» គឺជាតម្រូវការដែលការផ្សាយពាណិជ្ជកម្មគ្រឿងស្រវឹងទាំងអស់មានសារអប់រំ។
រដ្ឋបាលរាជធានី ខេត្ត ត្រូវអនុវត្តតាមខ្លឹមសារនៃប្រកាសស្តីពីការកំណត់បែបបទ នីតិវិធី និង វិធានក្នុងការគ្រប់គ្រងការផ្សាយពាណិជ្ជកម្មផលិតផលគ្រឿងស្រវឹង ដែល ក.គ.ផ.ស. បានដាក់ឱ្យប្រើប្រាស់។
រដ្ឋបាលរាជធានី ខេត្ត ត្រូវសហការជាមួយ ក.គ.ផ.ស. អនុវត្តនូវយុទ្ធនាការ «ឆន្ទៈល្អ» ដើម្បីផ្លាស់ប្តូរឥរិយាបថរបស់ក្រុមហ៊ុនប្រកបអាជីវកម្មផលិតផលគ្រឿងស្រវឹង មកចូលរួមធ្វើការផ្សព្វផ្សាយសារអប់រំ សុខភាព ចំណេះដឹងផ្សេងៗវិញ។
លោក ភក្ដ្រា បានថ្លែងថា៖ «ទន្ទឹមនឹងការប្រមូលផលចំណេញ ក្រុមហ៊ុនវិនិយោគ ប្រជាពលរដ្ឋនាសម័យឌីជីថលនេះក៏ចង់ឃើញត្រឡប់មកវិញនូវសកម្មភាពជួយគាំពារសង្គមដែរ។ នោះគឺសកម្មភាពមនុស្សធម៌ ឬក៏ការបង្ហាញនូវឆន្ទះមួយដែលល្អ»។
សិក្ខាសាលានៅសណ្ឋាគារសុខាភ្នំពេញ បានប្រមូលផ្តុំអ្នកចូលរួមប្រមាណ ១០០០នាក់ រួមមានមន្ត្រីរដ្ឋាភិបាល អ្នកលក់គ្រឿងស្រវឹង និងអ្នកផ្សាយពាណិជ្ជកម្ម សិល្បករ អ្នកមានឥទ្ធិពលលើបណ្ដាញសង្គម និងអ្នកដឹកនាំមតិសំខាន់ៗ (KOLs)។ រូបភាព ហុង រស្មី
លោកបានបន្ដថា ក្រុមការងារផ្សព្វផ្សាយពាណិជ្ជកម្មនឹងដាក់ឱ្យអនុវត្ដនាពេលនេះ គឺជាគោលការណ៍ «ឆន្ទះល្អ» ដែលមានបំណងផ្លាស់ប្ដូរឥរិយាបថផ្សព្វផ្សាយពាណិជ្ជកម្មដោយការចូលរួមចែករំលែកសារអប់រំ និងបន្ថែមដោយការប្រើប្រាស់ពាក្យពេចន៍ «គាំទ្រដោយ» ឬ «ឧបត្ថម្ភដោយ» ក្រុមហ៊ុនស្រាបៀរណាមួយ។
ការប្រើប្រាស់សារអប់រំ និងរំលេចរូបភាពពាណិជ្ជកម្មតូចៗ ជួយកាត់បន្ថយនូវបញ្ហាពុលភ្នែកដោយសារផលិតផលច្រើន។
លោក ភក្ដ្រា បានលើកឡើងពីផ្ទាំងប៉ាណូនៃសារអប់រំដោយប្រើប្រាស់សំណេរមួយចំនួន ដូចជា «ប្រើប្រាស់គ្រឿងស្រវឹងប៉ះពាល់សុខភាពតាំងពីកែវដំបូង» «ទទួលទានគ្រឿងស្រវឹង សូមកុំបើកបរ» និង «ប្រើប្រាស់គ្រឿងស្រវឹងអាចបង្កឱ្យកើតអំពើហិង្សាសង្គម គ្រួសារ និងផ្លូវភេទ» ជាដើម។
រដ្ឋបាលរាជធានី ខេត្ត ត្រូវអនុវត្តតាមខ្លឹមសារនៃប្រកាសស្តីពីការកំណត់បែបបទ នីតិវិធី និង វិធានក្នុងការគ្រប់គ្រងការផ្សាយពាណិជ្ជកម្មផលិតផលគ្រឿងស្រវឹង ដែល ក.គ.ផ.ស. បានដាក់ឱ្យប្រើប្រាស់។
រដ្ឋបាលរាជធានី ខេត្ត ត្រូវសហការជាមួយ ក.គ.ផ.ស. អនុវត្តនូវយុទ្ធនាការ «ឆន្ទៈល្អ» ដើម្បីផ្លាស់ប្តូរឥរិយាបថរបស់ក្រុមហ៊ុនប្រកបអាជីវកម្មផលិតផលគ្រឿងស្រវឹង មកចូលរួមធ្វើការផ្សព្វផ្សាយសារអប់រំ សុខភាព ចំណេះដឹងផ្សេងៗវិញ។
លោក ភក្ដ្រា បានថ្លែងថា៖ «ទន្ទឹមនឹងការប្រមូលផលចំណេញ ក្រុមហ៊ុនវិនិយោគ ប្រជាពលរដ្ឋនាសម័យឌីជីថលនេះក៏ចង់ឃើញត្រឡប់មកវិញនូវសកម្មភាពជួយគាំពារសង្គមដែរ។ នោះគឺសកម្មភាពមនុស្សធម៌ ឬក៏ការបង្ហាញនូវឆន្ទះមួយដែលល្អ»។
លោកបានបន្ដថា ក្រុមការងារផ្សព្វផ្សាយពាណិជ្ជកម្មនឹងដាក់ឱ្យអនុវត្ដនាពេលនេះ គឺជាគោលការណ៍ «ឆន្ទះល្អ» ដែលមានបំណងផ្លាស់ប្ដូរឥរិយាបថផ្សព្វផ្សាយពាណិជ្ជកម្មដោយការចូលរួមចែករំលែកសារអប់រំ និងបន្ថែមដោយការប្រើប្រាស់ពាក្យពេចន៍ «គាំទ្រដោយ» ឬ «ឧបត្ថម្ភដោយ» ក្រុមហ៊ុនស្រាបៀរណាមួយ។
ប៉ាណូយុទ្ធនាការ «ឆន្ទះល្អ» ចំនួន ២៥ផ្ទាំង ត្រូវបានដំឡើងនៅក្នុងរាជធានីភ្នំពេញ។ AKP
ការប្រើប្រាស់សារអប់រំ និងរំលេចរូបភាពពាណិជ្ជកម្មតូចៗ ជួយកាត់បន្ថយនូវបញ្ហាពុលភ្នែកដោយសារផលិតផលច្រើន។
អំឡុងពេលនៃការពិភាក្សាតុមូលនៅក្នុងសិក្ខាសាលា អ្នកតំណាងឧស្សាហកម្មស្រាបៀរបានសម្តែងការគាំទ្ររបស់ពួកគេចំពោះប្រកាសនេះ។
អ្នកស្រី ហេង ហេឡែន ប្រធានផ្នែកនិរន្តរភាពក្រុមហ៊ុន ហ៊ិននីគេន ខេមបូឌា ដែលតំណាងឱ្យសម្ព័ន្ធនៃក្រមទីផ្សារប្រកបដោយការទទួលខុសត្រូវ ដូចជា ក្រុមហ៊ុន ខេមប្រ៊ូវ (Cambrew) សមាគមអ្នកនាំចូល និងចែកចាយស្រាបៀរ និងស្រា (WSBIDA) សម្ព័ន្ធក្រុមហ៊ុនផលិតស្រាអន្តរជាតិប្រចាំតំបន់អាស៊ីប៉ាស៊ីហ្វិក (APIWSA) និង ក្រុមហ៊ុន ហ៊ិននីគែន ខេមបូឌា នូវក្រមគោលការណ៍ធ្វើទីផ្សារប្រកបដោយការទទួលខុសត្រូវ។
អ្នកស្រីបានថ្លែងថា៖ «យើងបានដាក់ចេញនូវក្រមគោលការណ៍ធ្វើទីផ្សារប្រកបដោយការទទួលខុសត្រូវជាមួយនឹងក្រុមហ៊ុនសម្ព័ន្ធឧស្សាហកម្ម ដើម្បីត្រួសត្រាយផ្លូវឆ្ពោះទៅរកការកំណត់ស្តង់ដារឧស្សាហកម្មឱ្យកាន់តែល្អប្រសើរឡើងក្នុងប្រទេសកម្ពុជាក៏ដូចជា ជួយលើកកម្ពស់ការប្រើប្រាស់ប្រកបដោយការទទួលខុសត្រូវ និងកិច្ចសហប្រតិបត្តិការពហុភាគី។ យើងសូមអញ្ជើញក្រុមហ៊ុនផលិតស្រាបៀរទាំងអស់ចូលរួមជាមួយយើងពង្រឹងការធ្វើទីផ្សារប្រកបដោយការទទួលខុសត្រូវរបស់ខ្លួនជារបៀបវារៈការងាររួមគ្នាតែមួយ»។
កញ្ញា ស្រេង ច័ន្ទមល្លិកា តំណាងក្រុមហ៊ុនផ្សព្វផ្សាយពាណិជ្ជកម្មគ្រឿងស្រវឹង ក៏បានបញ្ជាក់អំពីសារៈសំខាន់នៃការការពារក្រុមងាយរងគ្រោះ ជាពិសេសយុវជន ពីផលប៉ះពាល់អវិជ្ជមាននៃការផ្សាយពាណិជ្ជកម្មគ្រឿងស្រវឹង។
កញ្ញាបាននិយាយថា៖ «ការផ្សាយពាណិជ្ជកម្មមិនមែនគ្រាន់តែជាការស្វែងរកចំណូលនោះទេ វាគឺជាការធានាថា សារដែលយើងផ្ញើចេញមិនប៉ះពាល់ដល់សង្គម ជាពិសេសយុវជនរបស់យើង»៕
