ជនជាតិវៀតណាមចំនួន ២០នាក់ (ស្រី ៦នាក់) ត្រូវបាននគរបាលខេត្តឧត្តរមានជ័យឃាត់ខ្លួន ចំណែក៣នាក់ទៀត (ស្រីម្នាក់) ត្រូវបាននគរបាលខេត្តសៀមរាប ឃាត់ខ្លួន។ រូបថត GDI
ភ្នំពេញ៖ អគ្គនាយកដ្ឋានអន្តោប្រវេសន៍បានបណ្ដេញជនជាតិវៀតណាមចំនួន ២៣ នាក់ ក្នុងនោះមានស្ត្រី ៧ នាក់ ពីបទស្នាក់នៅ និងធ្វើការខុសច្បាប់ដោយគ្មានឯកសារត្រឹមត្រូវ។
ការបណ្ដេញចេញនេះត្រូវបានធ្វើឡើងកាលពីថ្ងៃទី ១៥ ខែវិច្ឆិកា នៅប៉ុស្តិ៍នគរបាលច្រកទ្វារអន្តរជាតិត្រពាំងផ្លុង ក្នុងខេត្តត្បូងឃ្មុំ។
យោងតាមរបាយការណ៍របស់ អគ្គនាយកដ្ឋានអន្តោប្រវេសន៍ បានឱ្យដឹងថា៖ «បុគ្គលចំនួន ២០នាក់ (ស្រី ៦នាក់) ត្រូវបាននគរបាលខេត្តឧត្តរមានជ័យឃាត់ខ្លួន ចំណែក៣នាក់ទៀត (ស្រីម្នាក់) ត្រូវបាននគរបាលខេត្តសៀមរាប ឃាត់ខ្លួន»។
ជនជាតិវៀតណាមទាំងអស់ត្រូវបានរកឃើញថា មានទីលំនៅ និងធ្វើការក្នុងប្រទេសកម្ពុជា ដោយគ្មានលិខិតឆ្លងដែនត្រឹមត្រូវ។
យោងតាមរបាយការណ៍របស់ អគ្គនាយកដ្ឋានអន្តោប្រវេសន៍ បានឱ្យដឹងថា នៅថ្ងៃទី១៩ ខែមិថុនា ឆ្នាំ២០២៤ ជនជាតិវៀតណាមចំនួន ៣៣នាក់ ត្រូវបានបណ្ដេញចេញពីប្រទេសកម្ពុជា ពាក់ព័ន្ធនឹងការចូលមកក្នុងប្រទេសកម្ពុជា ដោយស្នាក់នៅ និងធ្វើការខុសច្បាប់។
ជនជាតិវៀតណាមទាំង ២៣ នាក់ត្រូវបានបណ្ដេញចេញកាលពីថ្ងៃទី ១៥ ខែវិច្ឆិកា នៅប៉ុស្តិ៍នគរបាលច្រកទ្វារអន្តរជាតិត្រពាំងផ្លុង ក្នុងខេត្តត្បូងឃ្មុំ។ រូបថត GDI
នៅឆ្នាំ ២០២២ អគ្គនាយកដ្ឋានអន្តោប្រវេសន៍ បានបណ្ដេញជនបរទេសជាង ១០០ នាក់ដែលមាន៥ សញ្ជាតិផ្សេងៗគ្នា ដែលត្រូវបានកំណត់ថាបានរស់នៅ និងធ្វើការនៅក្នុងប្រទេសកម្ពុជាខុសច្បាប់ ដោយសារពួកគេខ្វះទិដ្ឋាការ ឬប័ណ្ណការងារ។
ក្នុងឆ្នាំ២០២១ កម្ពុជាបានបណ្ដេញជនបរទេសចំនួន ៣៥៩៤នាក់ពី៤៣សញ្ជាតិ ដោយមានជនជាតិវៀតណាមផងដែរ៕
