​ភ្នំពេញ៖ ប្រព័ន្ធ​អេកូឡូស៊ីធុរកិច្ច​​ដែល​កំពុង​រីកចម្រើន​យ៉ាង​ឆាប់រហ័សនៅ​​កម្ពុជា ​​​បោះជំហាន​​កាន់តែ​លឿន​​ជាមួយនឹង​ការណែនាំ​នៃ​កម្មវិធីពន្លឿន​​ការច្នៃប្រឌិត​ឌីជីថល និងបរិស្ថាន​កម្ពុជា​ Digital & Green Innovation Accelerator (DGIx) Cambodia ជា​គំនិត​ផ្តួចផ្តើម​រយៈពេល​ប្រាំបួន​ខែ​ក្នុង​គោលបំណង​ជំរុញ​អ្នក​ចាប់ផ្តើម​អាជីវកម្ម​ដោយ​ប្រើប្រាស់​ដំណោះស្រាយ​ឌីជីថល និង​បច្ចេកវិទ្យា​សម្រាប់​និរន្តរភាព​បរិស្ថាន​។​

ការដាក់​ពាក្យ​សម្រាប់​ក្រុម​ដំបូង​នៃ​កម្មវិធី​ឥឡូវនេះ​ត្រូវបាន​បើក​ហើយ ជាមួយនឹង​ថ្ងៃ​ផុតកំណត់​សម្រាប់​ការដាក់​ស្នើ​ជុំទីមួយ​ត្រូវបាន​កំណត់​សម្រាប់​ថ្ងៃទី ២៨ ខែកុម្ភៈ ឆ្នាំ ២០២៥​​។​

ចាប់ពី​ការ​បន្សាំ​អាកាសធាតុ និង​សន្តិសុខ​ស្បៀង ដល់​ដំណោះស្រាយ​សេដ្ឋកិច្ច​ ខ្សែច្រវាក់​​ផ្គត់ផ្គង់​ប្រកបដោយ​និរន្តរភាព DGIx Cambodia ស្វែងរកការការបណ្តាក់ទុនដោយ​​ប្រើប្រាស់​បច្ចេកវិទ្យា​​សម្រាប់​ផល​វិជ្ជមានចំពោះ​​បរិស្ថាន​​។​

​អ្នក​ស្រី Melanie Mossard នាយក​ប្រតិបត្តិ​នៃ Impact Hub Phnom Penh បាន​ឱ្យដឹង​ថា៖ «​​យើង​មើលឃើញ​សក្តានុពល​ដ៏​ធំ​សម្រាប់​ការច្នៃប្រឌិត​ដែល​ប្រើ​បច្ចេកវិទ្យា​ឌីជីថល ឬ​បច្ចេកវិទ្យា ដើម្បី​ដោះស្រាយ​បញ្ហា​ប្រឈម​ផ្នែក​បរិស្ថាន​នៅក្នុង​ប្រទេស​កម្ពុជា»។​

អ្នកស្រី​បន្ដថា​៖ «​យើង​ក៏​កំពុង​ឃើញ​ក្រុមហ៊ុនជា​ច្រើន​ប្រើ​ប្រាស់​​ឌីជីថល ដើម្បី​កាត់បន្ថយ​ការប៉ះពាល់​ចំពោះ​​បរិស្ថាន​​។ តាមរយៈ DGIx Cambodia យើង​ទន្ទឹងរង់ចាំ​ធ្វើកិច្ច​​សហការគ្នាចូល​រួម​ក្នុង​​បេសកកម្ម​ទាំងនេះ​»​។​

កម្មវិធី DGIx Cambodia ត្រូវបាន​រៀបចំឡើង​ដើម្បី​ផ្តល់​ការគាំទ្រ​យ៉ាងសំខាន់​ដល់​ក្រុមហ៊ុន​បណ្តាក់ទុន​ដែល​ផ្តោតលើ​ការដោះស្រាយ​បញ្ហា​ប្រឈម​បរិស្ថាន​តាមរយៈ​បច្ចេកវិទ្យា​ឌីជីថល​ប្រកបដោយ​ភាព​ច្នៃប្រឌិត​។​

គោលដៅ​គឺ​ដើម្បី​ពង្រឹង​អាជីវកម្ម​ទាំងនេះ ដោយ​ជួយ​ពួកគេ​ឱ្យមាន​ប្រតិបត្តិការកាន់​តែធំ​ ខណៈពេលដែល​ពួកគេ​ក៏​អាច​ទាក់ទាញ​ហិរញ្ញវត្ថុ​ពី​អ្នកវិនិយោគ ឬ​អ្នក​ផ្ដល់​កម្ចី​​ផងដែរ​។​

នេះ​ជា​លើកទីមួយ​ហើយ ដែល​កម្មវិធី DGIx ត្រូវបាន​ណែនាំ​មក​កម្ពុជា​។ វា​ជា​ផ្នែក​មួយ​នៃ​គំនិត​ផ្តួចផ្តើម​សកម្មភាព Digital & Green Innovation (DGI) ​ជា​កិច្ចខិតខំ​ប្រឹងប្រែង​រួមគ្នា​រវាង​សហភាព​អឺរ៉ុប (EU) និង​រដ្ឋាភិបាល​នៃ​ប្រទេស​អាល្លឺម៉ង់ បារាំង បែ​ល​ហ្សិ​ក និង​អេ​ស្តូ​នី​។​

​នៅក្នុង​ប្រទេស​កម្ពុជា កម្មវិធី​នេះ​កំពុង​ត្រូវបាន​អនុវត្ត​ដោយ Impact Hub Phnom Penh និង Deutsche Gesellschaft für Internationale Zusammenarbeit (GIZ) GmbH ដោយមាន​ការគាំទ្រ​ផ្នែក​ហិរញ្ញវត្ថុ​ពី​ក្រសួង​សហព័ន្ធ​អាល្លឺម៉ង់​សម្រាប់​កិច្ចសហប្រតិបត្តិការ និង​អភិវឌ្ឍន៍​សេដ្ឋកិច្ច (BMZ) និង​សហភាព​អឺរ៉ុប​។​

​ក្រុមហ៊ុន​បណ្តាក់ទុន​ដែល​បានជ្រើសរើស​នឹង​ទទួលបាន​កញ្ចប់​ជំនួយពេញ​មួយ​កម្មវិធី​បង្កើនល្បឿន​រយៈពេល​ប្រាំបួន​ខែ​។​

នេះ​រួមបញ្ចូល​ទាំង​ការប្រឹក្សា​ដោយ​ផ្ទាល់ ការបណ្តុះបណ្តាល​តាម​តម្រូវការ និង​ការ​បង្វឹក​សម្រាប់​ក្រុម​ស្នូល​របស់​ពួកគេ ការផ្តល់​ប្រឹក្សា​ជា​យុទ្ធសាស្ត្រ​សម្រាប់​នាយក​ប្រតិបត្តិ​ជាន់ខ្ពស់ ការពិនិត្យ​មើល​ឯកសារ​ហិរញ្ញវត្ថុ និង​ផលប៉ះពាល់ សម្ភារៈ​ទីផ្សារ​ថ្មី ជាដើម​​។​

លោក Jonas Herzing ទីប្រឹក្សា​នៅ​មជ្ឈមណ្ឌល​ផ្លាស់ប្តូរ​ឌីជីថល​របស់ GIZ នៅ​កម្ពុជា បាន​គូសបញ្ជាក់​ពី​សារៈសំខាន់​នៃ​ការកសាង​សមត្ថភាព​បណ្តាក់ទុន​ដើម្បី​ទាក់ទាញ​ការវិនិយោគ​។​

លោក Herzing បានថ្លែង​ថា៖ «​ការបណ្តាក់ទុន​​ជារឿយៗ​ពិបាកទទួល​បាន​ទុន​​ដែល​ពួកគេ​ត្រូវការ​ដើម្បី​ធ្វើ​មាត្រដ្ឋាន​។

យើង​ដឹងថា ​យើង​មិនអាច​បិទ​គម្លាត​នោះ​​ទេ ប៉ុន្តែ​យើង​អាចជួយ​អ្នក​ចាប់ផ្តើម​អាជីវកម្មបោះ​​ជំហាន និង​ស្ថិតក្នុង​ទីតាំង​រឹងមាំ​ជាង​មុន​ដើម្បី​ទាក់ទាញ​ការវិនិយោគ​»។​

​កម្មវិធី​នេះ​បើកចំហ​សម្រាប់​អាជីវកម្ម​ដែល​បាន​ចុះបញ្ជី​ស្របច្បាប់​នៅ​កម្ពុជា ឬ​គ្រោង​នឹង​ចុះឈ្មោះ​ក្នុង​រយៈពេល​ប្រាំ​មួយខែ ជាមួយនឹង​ក្រុម​ស្នូល​ដែលមាន​បុគ្គលិក​ពេញ​ម៉ោង​យ៉ាងតិច​បួន​នាក់​។​

​សម្រាប់​ព័ត៌មាន​បន្ថែម ឬ​ដើម្បី​ដាក់ពាក្យ សូម​ចូលទៅ​កាន់​គេហទំព័រ DGIx នៅទីនេះ​៕