ក្នុងនោះមានជនជាតិថៃចំនួន ១២៣នាក់ (ស្រី ៥៩នាក់)កំពុងសម្ងំលាក់ខ្លួនលួចលាក់ធ្វើប្រតិបត្តិការអនឡាញខុសច្បាប់។ រូបថត សហការី
បន្ទាយមានជ័យ៖ សមត្ថកិច្ចកម្ពុជាបានឆ្មក់ចូលទីតាំងពីរកន្លែង ដោយរកឃើញជនបរទេសសរុប ២៣០នាក់ (ស្រី ៦៨នាក់) ក្នុងនោះមានជនជាតិថៃចំនួន ១២៣នាក់ (ស្រី ៥៩នាក់)កំពុងសម្ងំលាក់ខ្លួនលួចលាក់ធ្វើប្រតិបត្តិការអនឡាញខុសច្បាប់។
យោងតាមសេចក្តីប្រកាសព័ត៌មានរបស់ក្រសួងមហាផ្ទៃ បានឱ្យដឹងថា ទី២២ និង ២៣ ខែកុម្ភៈ គណៈបញ្ជាការដឹកនាំស្រាវជ្រាវ ស៊ើបអង្កេត និងបង្ក្រាបបទល្មើសគ្រប់ប្រភេទ ធ្វើការចុះត្រួតពិនិត្យជាក់ស្តែងលើទីតាំងចំនួន ០២ទីតាំង ស្ថិតក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យបន្ទាប់ពីបានធ្វើការស្រាវជ្រាវស៊ើបអង្កេតលើទីតាំង ខាងលើរយៈពេលជាងបីខែកន្លងមក។
សមត្ថកិច្ចកម្ពុជាបានចូលឆ្មក់ទីតាំងពីរកន្លែង ដោយរកឃើញជនបរទេសសរុបចំនួន ២៣០នាក់ (ស្រី ៦៨នាក់)។ រូបថត សហការី
សេចក្តីប្រកាសព័ត៌មានបានបង្ហាញថា៖ «ក្នុងចំណោមបរទេស ២៣០នាក់ មានមេក្លោងជាជនជាតិចិន ពលរដ្ឋថៃទាំង១២៣នាក់ នគរបាលជាតិកម្ពុជានឹងស្នើសុំកិច្ចសហការជាមួយនគរបាលភូមិន្ទថៃ ដើម្បីមានវិធានការបន្ត»។
សមត្ថកិច្ចទាំងពីរប្រទេសបានសហការដើម្បីកំណត់មុខសញ្ញាមេក្លោងសំខាន់ដទៃទៀត និងឈានទៅ ស្វែងរកចាប់ខ្លួនជនល្មើសជាមេក្លោងយកមកអនុវត្តច្បាប់នៃព្រះរាជាណាចក្រកម្ពុជា។
ចំពោះជនបរទេសផ្សេងទៀត សមត្ថកិច្ចកំពុងធ្វើការសាកសួរ និងចាត់វិធានតាមច្បាប់នៃព្រះរាជាណាចក្រកម្ពុជា។ រូបថត សហការី
ប្រភពព័ត៌មានបានបន្ដថា៖ «ចំពោះជនបរទេសផ្សេងទៀត សមត្ថកិច្ចកំពុងធ្វើការសាកសួរ និងចាត់វិធានតាមច្បាប់នៃព្រះរាជាណាចក្រកម្ពុជា»។
ប៉ូលិសកម្ពុជា និងថៃបានជួយសង្គ្រោះជនរងគ្រោះចំនួន ២១៥ នាក់ ក្នុងនោះមានជនជាតិថៃ ១០៩ នាក់ ពីក្រុមឆបោកតាមមជ្ឈមណ្ឌលទូរស័ព្ទនៅក្រុងប៉ោយប៉ែត។ អាជ្ញាធរបន្តស៊ើបអង្កេតរកអត្តសញ្ញាណជនដៃដល់ និងជនរងគ្រោះ៕
