យោងតាមទិន្នន័យពន្ធគយ និងពាណិជ្ជកម្មពីក្រសួងពាណិជ្ជកម្មសហរដ្ឋអាមេរិក និងគណៈកម្មការពាណិជ្ជកម្មអន្តរជាតិរបស់សហរដ្ឋអាមេរិក បានបង្ហាញថា ការនាំចូលបន្ទះសូឡា និងម៉ូឌុល (គិតជាតម្លៃ) ពីកម្ពុជាបានថយចុះ ៩៩.៦៦%។ រូបថត ភ្នំពេញប៉ុស្ដិ៍
ថ្មីទៀតពីលោក ដូណាល់ ត្រាំ ដោយចាប់ពីខែមិថុនាខាងមុខ សហរដ្ឋអាមេរិកនឹងដាក់ពន្ធអាករថ្មីលើការនាំចូលបន្ទះសូឡាពីអាស៊ីអាគ្នេយ៍ រហូតដល់ជាង ៣៥០០ភាគរយ លើក្រុមហ៊ុនពីប្រទេសកម្ពុជា ថៃ ម៉ាឡេស៊ី និងវៀតណាម ជាវិធានការមួយក្នុងគោលបំណងប្រឆាំងនឹងការឧបត្ថម្ភធនរបស់ចិន។
សហរដ្ឋអាមេរិកកាលពីថ្ងៃចន្ទបានប្រកាសពីចេតនារបស់ខ្លួនក្នុងការដាក់ពន្ធអាករ ៣៥២១ ភាគរយលើបន្ទះស្រូបពន្លឺព្រះអាទិត្យពីអាស៊ីអាគ្នេយ៍។
យោងតាមក្រសួងពាណិជ្ជកម្មសហរដ្ឋអាមេរិក អត្រាពន្ធដ៏ខ្ពស់ ៣៥២១ ភាគរយ ត្រូវបានកំណត់លើក្រុមហ៊ុនពីប្រទេសកម្ពុជា ខណៈក្រុមហ៊ុននៅវៀតណាមប្រឈមមុខពន្ធ ៣៩៥,៩ ភាគរយ ក្រុមហ៊ុនប្រទេសថៃជាប់ពន្ធ ៣៧៥,២ ភាគរយ។ អត្រាទូទាំងប្រទេសសម្រាប់ម៉ាឡេស៊ីត្រូវបានប្រកាសជារួមចំនួន ៣៤,៤ ភាគរយ។
ការសម្រេចនេះធ្វើឡើងបន្ទាប់ពីក្រសួងពាណិជ្ជកម្មកាលពីឆ្នាំមុនបានដាក់ពន្ធលើការប្រឆាំងការលក់បង្ខូចថ្លៃ និងប្រឆាំងការឧបត្ថម្ភធនបឋមលើឧបករណ៍ថាមពលពន្លឺព្រះអាទិត្យពីប្រទេសម៉ាឡេស៊ី កម្ពុជា ថៃ និងវៀតណាម។
ករណីនេះត្រូវបានប្ដឹងដោយក្រុមហ៊ុន Hanwha Qcells ក្រុមហ៊ុន First Solar Inc ដែលមានមូលដ្ឋាននៅរដ្ឋ Arizona របស់ប្រទេសកូរ៉េ និងអ្នកផលិតតូចៗជាច្រើនដែលកំពុងស្វែងរកការការពារការវិនិយោគរាប់ពាន់លានដុល្លារនៅក្នុងការផលិតថាមពលពន្លឺព្រះអាទិត្យរបស់សហរដ្ឋអាមេរិក។
ក្រុមដែលជាគណៈកម្មាធិការពាណិជ្ជកម្មនៃសម្ព័ន្ធភាពអាមេរិកសម្រាប់ការផលិតថាមពលព្រះអាទិត្យបានចោទប្រកាន់ក្រុមហ៊ុនផលិតបន្ទះសូឡារបស់ចិនធំៗដែលមានរោងចក្រនៅអាស៊ីអាគ្នេយ៍អំពីការលក់សូឡាមានតម្លៃទាបជាងតម្លៃផលិតកម្មរបស់ពួកគេ និងទទួលបានប្រាក់ឧបត្ថម្ភមិនយុត្តិធម៌ដែលធ្វើឱ្យទំនិញអាមេរិកមិនមានការប្រកួតប្រជែង។
យោងតាមទិន្នន័យពីខែមករា ឆ្នាំ ២០២៤ និងខែមករា ឆ្នាំ ២០២៥ ការនាំចូលពីប្រទេសទាំងបួនដែលមានគោលដៅនៅក្នុងញត្តិ (Anti-Dumping Duty) AD និង (Countervailing Duty) CVD របស់សម្ព័ន្ធ។
យោងតាមទិន្នន័យពន្ធគយ និងពាណិជ្ជកម្មពីក្រសួងពាណិជ្ជកម្មសហរដ្ឋអាមេរិក និងគណៈកម្មការពាណិជ្ជកម្មអន្តរជាតិរបស់សហរដ្ឋអាមេរិក បានបង្ហាញថា ការនាំចូលបន្ទះសូឡា និងម៉ូឌុល (គិតជាតម្លៃ) ពីវៀតណាមបានធ្លាក់ចុះ ៩១.៥% និងការនាំចូលបន្ទះសូឡា និងម៉ូឌុល (គិតជាតម្លៃ) ពីប្រទេសថៃបានធ្លាក់ចុះ ៩០%។
ការនាំចូលបន្ទះសូឡា និងម៉ូឌុល (គិតជាតម្លៃ) ពីម៉ាឡេស៊ីបានថយចុះ ៨៧% និងការនាំចូលបន្ទះសូឡា និងម៉ូឌុល (គិតជាតម្លៃ) ពីកម្ពុជាបានថយចុះ ៩៩.៦៦%។
គួរកត់សម្គាល់ថា ទិន្នន័យនាំចូលថ្មីបានបង្ហាញពីការកើនឡើងខ្ពស់មិនធម្មតានៃការនាំចូលពីឡាវ (២១៤%) និងឥណ្ឌូនេស៊ី (៤៧៩៧.៩៦%)។
អគ្គនាយកដ្ឋានគយ និងរដ្ឋាករ បានឱ្យដឹងថា ការនាំចេញបន្ទះសូឡារបស់កម្ពុជាបានធ្លាក់ចុះជិត ៦០ ភាគរយមកនៅត្រឹម ៨៣០ លានដុល្លារក្នុងឆ្នាំ ២០២៤ ពីជាង ២ ពាន់លានដុល្លារក្នុងឆ្នាំ ២០២៣៕
តារាងពន្ធអាករដែលសហរដ្ឋអាមេរិកបានដាក់ថ្មីលើប្រទេសកម្ពុជា វៀតណាម ថៃ និងម៉ាឡេស៊ី។
.jpg)
