130220_06 ហិរញ្ញវត្ថុគឺជាបញ្ហាចម្បងរបស់មនុស្សក្នុងសង្គម។មនុស្សមួយចំនួនធ្លាប់មានបទពិសោធរងគ្រោះដោយសារតែបញ្ហាហិរញ្ញវត្ថុដោយគ្រាន់តែអ្នកខ្លះស្ថិតក្នុងស្ថានភាពធូរស្រាលរីឯអ្នកខ្លះទៀតស្ថិតក្នុងស្ថានភាពធ្ងន់ធ្ងរ។ ដោយសារមានតម្រូវការផ្នែកហិរញ្ញវត្ថុខ្ពស់វាអាចឈានដល់ការបំផ្លាញអនាគត និងជីវិតរបស់អ្នកប្រសិនបើអ្នកមិនបានដោះស្រាយវាត្រឹមត្រូវ។ ដូចដែលយើងបានឃើញនិងឮតាមសារព័ត៌មានចំនួនថាមានមនុស្សមិនតិចនាក់ទេដែលសុខចិត្តលះបង់អាយុជីវិតបាត់បង់ផ្ទះសម្បែងក្បត់បងប្អូនមិត្តភក្តិ ឬរត់ចោលស្រុកព្រោះតែបញ្ហាហិរញ្ញវត្ថុនេះឯង។ បច្ចុប្បន្នយើងឃើញមានការរីកដុះដាលយ៉ាងខ្លាំងចំពោះធនាគារធំៗមីក្រូហិរញ្ញវត្ថុដែលបម្រើដល់សេចក្តីត្រូវការរបស់ប្រជាជនក្នុងការដោះស្រាយបញ្ហាហិរញ្ញវត្ថុនានា។ ទោះជាយ៉ាងនេះក្តីហាងបញ្ចាំនិងហាងចងការប្រាក់ឯកជនមានភាពពេញនិយមចំពោះប្រជាពលរដ្ឋទូទៅនិងយុវជនដោយសារតែវាងាយស្រួលនិងរហ័សទាន់ចិត្តមិនចាំបាច់ចំណាយពេលវេលាលើសំណុំបែបបទច្រើនដំណាក់កាលដូចជាការខ្ចីពីធនាគារនិងមីក្រូហិរញ្ញវត្ថុ។ លោក រតនៈ ម្ចាស់ហាងបញ្ចាំរតនៈ បាននិយាយថាក្រុមហ៊ុនរបស់លោកបើករកស៊ីមុខរបរហាងបញ្ចាំដែលមានលិខិតស្នាមអនុញ្ញាតត្រឹមត្រូវពីរដ្ឋាភិបាលហើយរបស់ឬវត្ថុទទួលបញ្ចាំទាំងអស់គឺសុទ្ធតែមានអត្ដសញ្ញាណត្រឹមត្រូវ។ លោក រតនៈ បានបន្តថា ហាងរបស់លោកទទួលបញ្ចាំរបស់គ្រប់ប្រភេទមិនថារបស់តូចឬធំដូចជាដី ផ្ទះ ឡាន និងរបស់មានតម្លៃផ្សេងៗ ឲ្យតែមានលិខិតស្នាមត្រឹមត្រូវ…
Browsing: អ៊ុំ វណ្ណៈ
130130_04 ក្រុមអ្នកគាំទ្រតារាដែលគេស្គាល់ជាភាសាអង់គ្លេសថា«Fan»បាននិងកំពុងតែទទួលការចាប់អារម្មណ៍យ៉ាងខ្លាំងពីមហាជនកម្ពុជា។ យើងអាចកត់សម្គាល់បានថាក្រុមអ្នកគាំទ្រតារាភាគច្រើនសុទ្ធតែជាយុវវ័យប្រុសស្រីក្មេងដែលចូលចិត្តវិស័យចម្រៀងហើយស្ម័គ្រចិត្តធ្វើជាអ្នកគាំទ្រយ៉ាងពេញទំហឹងចំពោះតារាដែលខ្លួនពេញចិត្ត។ អាកប្បកិរិយារបស់ក្រុមគាំទ្រតារាមានសកម្មភាពពុះកញ្ជ្រោលខ្លាំងខុសពីអ្នកគាំទ្រធម្មតាព្រោះពួកគេគឺជាអ្នកគាំទ្រដែលមានទំនាក់ទំនងជិតស្និទ្ធជាមួយនឹងតារាផ្ទាល់ហើយពួកគេក៏តែងតែប្រមូលផ្តុំគ្នានៅមុខឆាកតន្ត្រីរៀងរាល់ពេលដែលមានវត្តមានរបស់តារាចម្រៀងល្បីក្នុងដួងចិត្តទៅច្រៀងនៅតាមប៉ុស្តិ៍ទូរទស្សន៍ឬការប្រគំតន្ត្រីនានា។ ជាការពិតយើងប្រាកដជាមានការកោតសរសើរចំពោះក្រុមហ្វេនដែលតែងតែជួយគាំទ្រតារាខ្មែរយើងដោយទឹកចិត្តស្មោះសរស្ទើរតែគ្រប់ពេលវេលានិងគ្រប់ទីកន្លែងប៉ុន្តែតើការគាំទ្រតារាជាក្រុមហ្វេនបែបនេះអាចធ្វើឲ្យយុវវ័យរបស់យើងចំណាយពេលវេលាច្រើនភ្លេចការសិក្សានិងបង្កើននូវភាពស្និទ្ធស្នាលជ្រុលហួសហេតុដែលអាចប៉ះពាល់ដល់វប្បធម៌ខ្មែរដែរឬទេ? យុវជនមា្នក់ឈ្មោះ ឈុន នីជាមេក្រុមអ្នកគាំទ្រតារាល្បីមួយរូបនៅក្នុងផលិតកម្មធំមួយបាននិយាយថាក្រុមរបស់លោកមានចំនួនប្រមាណជាជាង៤០នាក់តែងតែឆ្លៀតពេលទំនេរពីការសិក្សាទៅតាមគាំទ្រតារារបស់ពួកលោកគ្រប់កម្មវិធីតន្ត្រី។ លោកបញ្ជាក់ថាការគាំទ្រនិងការបង្កើតជាក្រុមហ្វេននេះមិនមែនជាការរៀបចំពីម្ចាស់ផលិតកម្មឬអ្នកចម្រៀងនោះទេប៉ុន្ដែវាសុទ្ធតែផ្តើមចេញពីការស្ម័គ្រចិត្តប៉ុណ្ណោះ។ លោក ឈុន នី បន្តថាចំពោះការចំណាយផ្សេងៗ ដូចជាការធ្វើស្លាកគាំទ្រអគ្គិសនីកាដូតុក្កតាឬផ្កាដែលទិញសម្រាប់ផ្តល់ជូនតារារបស់ពួកលោកនៅលើឆាកនោះគឺសុទ្ធតែបានមកពីការរៃអង្គាសឬក៏ជាថវិកាបានមកពីសមាជិកណាមួយនៃក្រុមហេ្វនទាំងមូល។ជាងនេះទៅទៀតអ្វីៗដែលក្រុមហ្វេនរបស់លោកធ្វើគឺជាសន្តានចិត្តចំពោះការស្រឡាញ់សិល្បៈ និងតារារបស់ពួកលោកប៉ុណ្ណោះ។ ការបង្កើតក្រុមគាំទ្រតារាអាចជាវិធីសាស្ត្រល្អមួយក្នុងការជួយលើកស្ទួយសិល្បៈចម្រៀងខ្មែរយើងបច្ចុប្បន្នមែនប៉ុន្តែវាក៏អាចជះឥទ្ធិពលអវិជ្ជមានមួយចំនួនផងដែរសម្រាប់យុវវ័យដែលមិនបានគិតគូរដិតដល់ចំពោះបញ្ហានេះ។ អ្នកស្រី នង ធីតា អាយុ៥២ឆ្នាំជាគណនេយ្យករនៃស្ថាប័នរដ្ឋមួយកន្លែងបានបញ្ចេញនូវទស្សនៈមិនសូវពេញចិត្តចំពោះការចំណាយពេលវេលានិងលុយកាក់របស់យុវវ័យដើម្បីទៅធ្វើការគាំទ្រតារានេះថាបើជាការគាំទ្រធម្មតាគឺមិនថ្វីនោះទេ…
130130_08 នឹកដល់ក្រុមតន្ត្រីភីសេនមិត្តយុវវ័យមួយចំនួនប្រហែលជាមិនដែលស្គាល់ឬដឹងថាក្រុមមួយនេះជាក្រុមអ្វីនិងមានប្រភពមកពីទីណានោះទេ។ ប៉ុន្តែបើយើងនិយាយដល់បទចម្រៀងល្បីពីរបទដូចជាបទ«លួចស្នេហ៍ម៉ែអូន» និង«កូនខ្មែរឡូយ៩» មិត្តយុវវ័យដែលនិយមប្រើប្រាស់ប្រព័ន្ធហ្វេសប៊ុកឬយូធូបភាគច្រើនប្រាកដជាធ្លាប់ស្តាប់និងស្គាល់ពីអ្នកចម្រៀងដែលជាម្ចាស់បទទាំងនេះ។ ឥឡូវនេះពួកគេទាំងពីរបានរួមបញ្ចូលគ្នាជាក្រុមចម្រៀងនិងតន្រ្តីករវ័យក្មេងដែលមានសមត្ថភាពក្នុងការនិពន្ធតាក់តែងបទភ្លេងនិងប៉ារ៉ូលចម្រៀងថ្មីមានឈ្មោះថាក្រុមភីសេន។ លោក សុភ័ក្រ្ត ជាមេក្រុមតន្ត្រីភីសេន បាននិយាយថាក្រុមចម្រៀងរបស់លោកគឺជាក្រុមតន្រ្តីបុរសបង្កើតឡើងក្នុងឆ្នាំ២០១២ដែលមានសមាជិកចំនួនបួននាក់គឺសុទ្ធតែជាអ្នកដែលមានសមត្ថភាពប្លែកៗពីគ្នាដូចជាអ្នកជំនាញវាយស្គរអ្នកលេងហ្គីតាអ្នកលេងអកនិងអ្នកច្រៀង។ លោកសុភ័ក្រ្ត បញ្ជាក់ថាគោលបំណងនៃការបង្កើតក្រុមតន្រ្តីនេះ គឺដើម្បីលើកស្ទួយដល់បទចម្រៀងសម័យរបស់ខ្មែរដោយផ្តោតលើការបង្ហាញចេញនូវចម្រៀងនិងសាច់ភ្លេងថ្មីៗដែលមិនចម្លងចេញពីបរទេស។ លោក សុភ័ក្រ្ត បានបន្ថែមទៀតថា៖ «តាមពិតសព្វថ្ងៃមានយុវវ័យក្មេងៗច្រើនណាស់ដែលមានសមត្ថភាពក្នុងការតែងនិពន្ធសាច់ភ្លេងនិងបទចម្រៀងថ្មីដូចពួកខ្ញុំប៉ុន្តែមិនទាន់មានឱកាសបង្ហាញសមត្ថភាព។ខ្ញុំសង្ឃឹមថាក្រុមរបស់ខ្ញុំអាចឈានដើរលើផ្លូវជោគជ័យក្នុងសិល្បៈតន្រ្តីមិនលួចចម្លងពីគេ»។ លក្ខណពិសេសរបស់ក្រុមភីសេនមានសមត្ថភាពពិតលើផ្នែកឧបករណ៍តន្រ្តីជាពិសេសការតែងនិពន្ធបទភ្លេងថ្មីៗ។ អ្វីដែលធ្វើឲ្យក្រុមមួយនេះខុសប្លែកពីគេគឺពួកគេជាក្រុមតន្រ្តីដែលតែងតែទៅសម្តែងរួមគ្នាដែលមានអ្នកចម្រៀងម្នាក់ប៉ុណ្ណោះ គឺលោក…
130116_10b តើអ្នកធ្លាប់ឮឬក៏ប្រើប្រាស់ទឹកកកស្ងួតដែរឬទេ?នៅបណ្ដាប្រទេសជឿនលឿនមួយចំនួនការប្រើប្រាស់ទឹកកកស្ងួតកំពុងតែពេញនិយមបំផុតព្រោះថាវាមិនងាយរលាយហើយត្រជាក់ជាងទឹកកកធម្មតាទៅទៀត។ទឹកកកស្ងួតតែងតែត្រូវបានប្រើប្រាស់សម្រាប់ក្លាស្សេភេសជ្ជៈឬចំណីអាហារផ្សេងៗដោយមិនចាំបាច់ប្រើប្រាស់ទូទឹកកក។ ទឹកកកស្ងួតធ្វើឡើងពីសារធាតុគីមីដែលមានឈ្មោះថាឧស្ម័នកាបូនិក (CO2)មានសីតុណ្ហភាពប្រមាណជា-៧៨អង្សា ដែលល្អសម្រាប់ការប្រើប្រាស់ក្នុងធុងក្លាស្សេដើម្បីសន្សំសំចៃការប្រើប្រាស់អគ្គិសនី។ នៅក្នុងប្រទេសកម្ពុជាយើងការប្រើប្រាស់ទឹកកកស្ងួតនៅមិនទាន់ទូលំទូលាយនៅឡើយដោយមានតែតាមឱសថស្ថានឬកន្លែងក្លាស្សេសាច់ធំៗប៉ុណ្ណោះ។ ម្ចាស់សប្បិកម្មផលិតទឹកកកស្ងួតយីហោទន្លេមេគង្គបានឲ្យដឹងថាទឹកកកស្ងួតអាចប្រើបានសម្រាប់ការដាក់ក្លាស្សេថ្នាំពេទ្យឬវត្ថុមួយចំនួនទៀតដែលត្រូវការសីតុណ្ហភាពទាបដើម្បីរក្សាគុណភាព។ ម្យ៉ាងទៀតយើងអាចប្រើប្រាស់វាដើម្បីជាទឹកកកសម្រាប់ស្អំខ្លួនប្រាណពេលឈឺថ្កាត់ផងដែរ។ លោកបន្តថា៖ «ទឹកកកស្ងួតនេះមិនអាចប្រើលាយផ្ទាល់ជាមួយភេសជ្ជៈនោះទេព្រោះវាអាចមានគ្រោះថា្នក់ប៉ុន្តែយើងនៅតែអាចប្រើវាដើម្បីក្លាស្សេភេសជ្ជៈពីខាងក្រៅប៉ុណ្ណោះ»។ និយាយជារួមការប្រើប្រាស់ទឹកកកស្ងួតគឺសន្សំសំចៃនិងងាយស្រួលប៉ុន្តែយើងគួរតែយល់ដឹងពីគុណសម្បត្ដិនិងគុណវិបិត្តរបស់វាឲ្យបានច្បាស់សិនមុននឹងប្រើប្រាស់ដើម្បីទាញប្រយោជន៍ពិតប្រាកដពីវា៕
130116_10a ខណៈពេលមានការព្រួយបារម្ភចំពោះសុខភាពអំពីចំណីអាហារដែលមានសារធាតុគីមីនៅលើទីផ្សារមិត្តយុវវ័យជាច្រើនស្វែងរកភេសជ្ជៈផលិតពីធម្មជាតិ១០០ភាគរយពីព្រោះពួកគេជឿថាភេសជ្ជៈធម្មជាតិទាំងនោះគឺជម្រើសក៏ល្អបំផុតសម្រាប់បង្កើតជីវជាតិដល់រាងកាយនិងជំនួយដល់សម្ផស្សរបស់ពួកគេផងដែរ។ ទឹកល្ពៅ ទឹកត្រចៀកក្រាញ់ទឹកព្នៅទឹកសណ្តែកទឹកប្រទាលកន្ទុយក្រពើជាដើមសុទ្ធតែបានផលិតឡើងតាមរយៈការចម្រាញ់ផ្លែឈើស្រស់ៗសុទ្ធសាធរួមនឹងការវេចខ្ចប់ប្រកបដោយតាមស្តង់ដារដែលគ្មានបន្ថែមនូវសារធាតុគីមីក្លិនឬរសជាតិដែលដូចភេសជ្ជៈផ្សេងៗឡើយ។ លោក ហុង មាស ជាម្ចាស់សិប្បកម្មផលិតទឹកល្ពៅធម្មជាតិបានឲ្យដឹងថាមូលហេតុដែលលោកផលិតសប្បិកម្មទឹកផ្លែឈើស្រស់នេះដោយសារតែលោកចង់ឲ្យប្រជាពលរដ្ឋខ្មែរទទួលទាននូវរសជាតិល្ពៅស្រស់ដ៏ឈ្ងុយឆ្ងាញ់ព្រមទាំងអាចទទួលបាននូវជីវជាតិចម្រុះពីផ្លែល្ពៅផងដែរ។ លោក ហុង មាស បានបន្តទៀតថាទឹកល្ពៅរបស់លោកអាចរក្សាទុកបានតែ២ឬ៣ថ្ងៃប៉ុណ្ណោះពីព្រោះវាមិនត្រូវបានបន្ថែមនូវសារធាតុគីមីដែលអាចរក្សាទុកបានយូរឬក៏សារជាតិបង្កើនរសជាតិឡើយ។ លោក បានអះអាងថា គោលបំណងរបស់លោកនិងក្រុមហ៊ុនទាំងមូលគឺគ្រាន់តែសង្ឃឹមថា ប្រជាពលរដ្ឋខ្មែរនឹងកាន់តែគាំទ្រដល់ផលិតផលធម្មជាតិរបស់យើងដើម្បីជួយបង្កើនឱកាសការងារ និងជីវភាពដល់ប្រជាជនខ្មែរ។ បើលោកអ្នកចង់ពិសាភេសជ្ជៈចម្រើនដល់សុខភាពហេតុអ្វីមិនជ្រើសរើសយកភេសជ្ជៈដែលចម្រាញ់ចេញពីធម្មជាតិ១០០ភាគរយអ្នកអាចទទួលបានផលប្រយោជន៍ចំពោះសុខភាពដោយមិនខ្ជះខ្ជាយថវិកាអសារឥតការ៕
121121_04 ប៉បៗៗ!!» វាជាសំឡេងដ៏ក្ដៅស្លឹកត្រចៀកនិងបុកពោះយ៉ាងខ្លាំង នៅពេលដែលខ្ញុំកំពុងតែឈប់ត្រង់ភ្លើងស្ដុប។ ខ្ញុំពិតជាមិនអាចទប់អារម្មណ៍មិនជេរប្រទេចចំពោះអ្នកបើកបររថយន្ដទំនើបមួយគ្រឿងដែលស៊ីផ្លេទាំងទទឹងទិសខណៈអ្នកដំណើរដទៃកំពុងតែឈប់ភ្លើងស្ដុបក្រហម» នេះជាបទពិសោធផ្ទាល់របស់កញ្ញា ថន លក្ខណាអាយុ២៥ឆ្នាំ ជានិស្សិតឆ្នាំទី៤នៃវិទ្យាស្ថានភាសាបរទេស។ ការចុចស៊ីផ្លេខុសទំនងមិនត្រូវស្ថានភាពចំពោះមុខខ្វះសីលធម៌របស់អ្នកបើកបរមួយចំនួន និងការនិយាយទូរស័ព្ទក្នុងពេលបើកបរ ពិតជាផ្ដល់ការរំខាន និងបង្កគ្រោះថ្នាក់ជាយថាហេតុដល់អ្នកបើកបរដទៃផងដែរ។ នៅពេលដែលអ្នកដំណើរទូទៅកំពុងតែបើកបរលើដងផ្លូវប្រកបដោយការគោរពច្បាប់ចរាចរណ៍យ៉ាងខ្ជាប់ខ្ជួន ស្រាប់តែរថយន្ដ ឬម៉ូតូកំពុងតែបោះពួយយ៉ាងលឿនពីក្រោយ រួចចុចស៊ីផ្លេ «ប៉បៗ!»ជាសញ្ញាឲ្យអ្នកដទៃចៀសចេញពីផ្លូវរបស់ខ្លួនវាអាចធ្វើឲ្យអ្នកដែលបើកបរគោរពច្បាប់ភិតភ័យខំប្រវេប្រវាគេចចេញពីផ្លូវទាំងខ្លួនកំពុងបើកបរយ៉ាងត្រឹមត្រូវ។ ម្យ៉ាងវិញទៀត នៅពេលដែលពួកគេខំចៀសឲ្យរថយន្ដដែលស៊ីផ្លេនោះជែងទៅមុខពួកគេអាចជួបនឹងគ្រោះថ្នាក់ជាយថាហេតុប្រសិនបើពួកគេគេចមិនទាន់ឬក៏ចៀសទៅប៉ះពារអ្នកដទៃ។…
ខណៈពេលដែលវិស័យកីឡានៅកម្ពុជាកំពុងតែមានសន្ទុះរីកចម្រើនមានកីឡា ប្រភេទថ្មីមួយទៀតដែលមកដល់កម្ពុជាមានឈ្មោះថា ទ្រីយ៉ាត្លុង។ ទ្រីយ៉ាត្លុងគឺជាប្រភេទកីឡាដ៏វិសេសនិងគួរឲ្យចាប់អារម្មណ៍ដែលវាតម្រូវឲ្យកីឡាករទាំងអស់ប្រកួតឆ្លងកាត់ពី២ទៅ៣វិញ្ញាសាបន្ដបន្ទាប់គ្នាក្នុងពេលតែមួយដោយផ្ដើមពីការរត់ ជិះកង់ និងហែលទឹកជាដើម។ ទ្រីយ៉ាត្លុងបែងចែកជាប្រភេទតូចៗ ដូចជា ឌូយ៉ាត្លុង (Douathlon) និងអាខ្វាត្លុង (Aquathlon) ដែលមានការប្រកួត៣វិញ្ញាសា។ រត់ជិះកង់ និងហែលទឹកយើងហៅថាកីឡាទ្រីយ៉ាត្លុងប៉ុន្ដែបើការប្រកួតមានតែរត់និងជិះកង់ យើងហៅថាកីឡាឌូអាត្លុង។ រីកឯការប្រកួតដែលបូកបញ្ចូលទាំងការហែលទឹកនិងរត់វិញយើងហៅថា កីឡាអាខ្វាត្លុង។នេះយោងតាមសម្ដីរបស់លោកងិន សុបញ្ញា ជាអគ្គលេខាធិការសហព័ន្ធកីឡាទ្រីយ៉ាត្លុង។…
121003_06b មានពាក្យមួយឃ្លាតែង តែលេចឮពីមាត់បុរសៗថា៖ «សង្សារមិនបរិសុទ្ធក៏មិនថ្វីដែរ ប៉ុន្ដែភរិយាត្រូវតែនៅក្រមុំព្រហ្មចារី»។ តើទស្សនៈដែលលេចឮតៗគ្នានេះ វាពិតប្រាកដប៉ុន្មានដែរ? បើយោងតាមការស្រង់មតិចំពោះបុរសខ្មែរពេញវ័យចំនួន១០នាក់ បានប្រាប់ឲ្យដឹងថា បុរស៩នាក់ ពិតជាទទួលស្គាល់ពីសារៈសំខាន់នៃព្រហ្មចារីយ៍ និងបានអះអាងថា ភរិយារបស់ពួកគេត្រូវតែមានព្រហ្មចារី។ ថ្វីដ្បិតតែយុវជនភាគ ច្រើនជាមនុស្សទាន់សម័យ ពួកគេនៅតែពោលថា សង្សារនៅបរិសុទ្ធឬយ៉ាងណា ពួកគេមិនសូវខ្វល់ទេ ប៉ុន្ដែភរិយាត្រូវតែស្អាត មិនប្រឡាក់ប្រឡូសជាមួយបុរសណាផ្សេងឡើយ។…
120912_04 ប្រសិន បើយើងធ្វើដំណើរកាត់តាមដងវិថីនានានៃរាជធានីភ្នំពេញ នោះយើងនឹងឃើញមានសុទ្ធតែមនុស្សម្នា យានយន្តធ្វើចរាចរ និងអគារជាច្រើនទាំងចាស់ ថ្មី ទាប ខ្ពស់ ផុសចេញច្រូងច្រាងពាសពេញទីក្រុងភ្នំពេញ ប៉ុន្តែពុំសូវមានទីវាលសម្រាប់សួនច្បារបៃតង ដើមឈើ ឬក៏រុក្ខជាតិបៃតងនោះទេ។ កត្តាទាំង នេះហើយ ដែលជាឧបសគ្គសម្រាប់ការធ្វើឲ្យទីក្រុងក្លាយទៅជាទីក្រុងពណ៌បៃតង។ យោងតាមរបាយការណ៍របស់កម្មវិធីទីក្រុងគំរូនៃបរិស្ថានអាស៊ាន ដែលមានស្ថិរភាពបានបង្ហាញថា ដើម្បីសម្រេចគោលដៅនៃសហស្សវត្សរ៍នៃបរិស្ថាន…
120613_06a ថ្វីដ្បិតតែសមភាពយេនឌ័រនៅក្នុងប្រទេសកម្ពុជាកំពុងតែអភិវឌ្ឍ និងទទួលបានការលើកស្ទួយយ៉ាងខ្លាំងក៏ដោយ ក៏ភាពបុរសនិយមនៅតែដិតជាប់ជាមួយនឹងផ្នត់គំនិតរបស់យុវជនខ្មែរ មួយចំនួនធំជានិច្ចកាល។ បុរសភាគច្រើន នៅតែមានចិត្តប្រកាន់ចំពោះការជ្រើសរើសគូស្រករដែលមានចំណេះ វិជ្ជាតូចទាប និងវ័យក្មេងជាងខ្លួន ជាជាងនារីដែលមានឋានៈ និងការងារខ្ពង់ខ្ពស់។ កត្តាទាំងនេះ បានរុញច្រាននារីខ្មែរដែលមានសមត្ថភាពការងារ និងចំណេះវិជ្ជាជ្រៅជ្រះមួយចំនួន ប្រឈមនឹងឧបសគ្គឈានទៅដល់អាពាហ៍ពិពាហ៍ និងអាចខកខានឱកាសមួយជីវិត។ យុវជនម្នាក់ចំណោមបុរសជាច្រើនដែលមានឈ្មោះ សែន សារ៉ាត់…