ធ្វើដំណើរទៅកាន់កោះក្របី (Six Senses Koh Krabey) ជារមណីយដ្ឋានដ៏ទាក់ទាញ ដែលមានទីតាំងស្ថិតនៅត្រឹមតែ ចម្ងាយ ១៥ នាទីប៉ុណ្ណោះពីឆ្នេរសមុទ្ររាម ខេត្តព្រះសីហនុ។ សម្រាកលម្ហែ និងទទួលបទពិសោធន៍ថ្ងៃឈប់សម្រាកនារដូវក្តៅដ៏រីករាយដែលមិនអាចបំភ្លេចបាន ធ្វើឱ្យរាងកាយ និងស្មារតីមានភាពស្រស់ថ្លា។
សុខុមាលភាព, និរន្តរភាព និងប្រណីតភាព៖
នៅកោះក្របី សុខមាលភាព និងនិរន្តរភាព គឺជាអាទិភាពមួយដែលត្រូវផ្តល់ជូន ដើម្បីធានាថា ភ្ញៀវមកសម្រាកលម្ហែទទួលបានភាពប្រណីតបំផុត។ ទស្សនៈ «Grow with Six Senses» គឺធ្វើឱ្យអារម្មណ៍របស់ភ្ញៀវគ្រប់រូបទទួលបាននូវឱកាសដ៏ពិសេស ដើម្បីផ្លាស់ប្តូរការយល់ឃើញ។
ពិធីពិសេសនៅពេលភ្ញៀវមកដល់៖
ពេលមកដល់កោះត្រូពិចដ៏ស្រស់ត្រកាលនេះ ភ្ញៀវត្រូវបានអញ្ជើញឱ្យចូលរួមក្នុងពិធីពិសេសមួយ គឺប្រោះព្រំទឹកដល់ដើមពោធិ៍នៅជិតបន្ទប់រង់ចាំ Jetty Lounge ដែលជាកាយវិការដ៏ពិសិដ្ឋនៅក្នុងវប្បធម៌ខ្មែរ។ កាយវិការជានិមិត្តរូបនេះ អនុញ្ញាតឱ្យភ្ញៀវភ្ជាប់ជាមួយនឹងបរិស្ថាននៅលើកោះនេះ និងទទួលយកថាមពលវិជ្ជមានពីធម្មជាតិ។
វីឡាអាងហែលទឹកដ៏ស្ងប់ស្ងាត់៖
រីករាយនឹងភាពស្ងប់ស្ងាត់ជាមួយវីឡាចំនួន ៤០ ដែលមានអាងហែលទឹករចនាបែបសហសម័យដ៏ស្រស់ស្អាត។ ការសម្រាកលម្ហែដ៏ស្រស់ស្រាយ និងប្រកបដោយផាសុកភាពទាំងនេះមាននៅក្នុងព្រៃត្រូពិច ដែលផ្តល់នូវអារម្មណ៍ប្រកបដោយភាពសុខដុមជាមួយធម្មជាតិ។ ចេញពីវីឡានីមួយៗ ភ្ញៀវអាចមើលឃើញទេសភាពដ៏អស្ចារ្យ ហើយវីឡានីមួយៗ បង្កើតនូវបទពិសោធន៍ដ៏ពិសេសសម្រាប់ភ្ញៀវ ដើម្បីធានាថា រាល់ការស្នាក់នៅមានលក្ខណៈអស្ចារ្យ។
កម្មវិធីសុខុមាលភាព៖
ការថែទាំសុខុមាលភាពជាមួយកម្មវិធីសុខភាពផ្ទាល់ខ្លួន និងជារួមរបស់កោះក្របី Six Senses គឺភ្ញៀវអាចទទួលបានបទពិសោធន៍នៃការហាត់យ៉ូហ្គាពិសេស និងការព្យាបាលដោយសំឡេង ឬការខាត់ស្បែកដោយប្រើសារធាតុសរីរាង្គនៅ ហាង Alchemy Bar។ វិធីសាស្ត្រ «Six Senses Integrated Wellness» ប្រកបដោយភាពច្នៃប្រឌិត នេះចាប់ផ្តើមជាមួយនឹងការពិគ្រោះពីស្ថានភាពសុខភាព ដើម្បីរៀបចំកម្មវិធីដោយផ្អែកលើតម្រូវការ និងគោលដៅរបស់ភ្ញៀវ។
គយគន់ធម្មជាតិដ៏ស្រស់ត្រកាល
ការដើរគយគន់សម្រស់ធម្មជាតិដ៏ស្រស់បំព្រងលើផ្ទៃដីទំហំ ១២ ហិកតា នៅលើកោះក្របី ភ្ញៀវអាចឃើញសត្វព្រៃគួរឱ្យចាប់អារម្មណ៍ដូចជា សត្វពង្រូល សត្វកេងកង និងសត្វល្មូនផ្សេងៗ។ ការប្តេជ្ញាចិត្តរបស់រមណីយដ្ឋានកោះក្របី ចំពោះការគាំពារបរិស្ថាន គឺធានាបាននូវឋានសួគ៌ដែលគ្មានប្លាស្ទិក ជាមួយនឹងខ្យល់អាកាសបរិសុទ្ធ និងមានការបំពុលពីពន្លឺតិចបំផុតសម្រាប់ការមើលផ្កាយនៅពេលយប់ដែលគ្មានពពក។
បទពិសោធន៍ដែលមិនអាចបំភ្លេចបាន៖
សូមចូលរួមដំណើរទេសចរណ៍ប្រកបដោយនិរន្តរភាព ដើម្បីគយគន់ទេសភាពលើកោះក្របី និងបរិស្ថានជុំវិញ។ ទៅមើល បន្ទប់ Earth Lab ដើម្បីស្វែងយល់អំពីការអនុវត្តការជិះកង់ប្រកបដោយភាពច្នៃប្រឌិតរបស់រមណីយដ្ឋាន, ការបង្កើតផលិតផលធម្មជាតិ, ដបទឹក និងការបំបាត់កាកសំណល់។ នៅកោះក្របី ភាពស្និទ្ធស្នាលនឹងបរិស្ថាន និងទទួលខុសត្រូវសង្គមត្រូវបានផ្តល់អាទិភាពក្នុងគោលបំណងផ្លាស់ប្តូរការយល់ឃើញក្នុងអំឡុងគ្រប់ពេលស្នាក់នៅ។
ការគាំទ្រដល់សហគមន៍ និងពិធីពេលចាកចេញ៖
កោះក្របី (Six Senses Koh Krabey) ពង្រីកការគាំទ្ររបស់ខ្លួនដល់សហគមន៍មូលដ្ឋាន ដោយសហការជាមួយអង្គការ «All Kids» ដើម្បីអប់រំកុមារក្រីក្រ។ នៅពេលដែលភ្ញៀវចាកចេញពីកោះដ៏ស្រស់ស្អាតដូចឋានសួគ៌នេះ ពួកគេនឹងចូល-រួមក្នុងពិធីមុនចេញដំណើរដើម្បីបួងសួងសុំសេចក្តីសុខ ហើយអង្ករប្រើដើម្បីបួងសួងមុនពេលចាកចេញ នឹងទុកវេរប្រគេនដល់ព្រះសង្ឃនៅវត្តរាម ដែលនេះជាការប្តេជ្ញាចិត្តជានិច្ចរបស់រមណីយដ្ឋានក្នុងការផ្តល់ដល់សហគមន៍វិញ។
សូមទទួលយកភាពរីករាយនៃរដូវក្តៅដែលកំពុងរង់ចាំនៅកោះក្របី។ បង្កើតអនុស្សាវរីយ៍ដែលមិនអាចបំភ្លេចបាន ហើយចាកចេញដោយការពេញចិត្ត និងរាងកាយស្រស់ថ្លា។ ទទួលយកភាពទាក់ទាញនៃរមណីយដ្ឋានឋានសួគ៌ដ៏អស្ចារ្យ ជាកន្លែងដែលផ្តល់នូវការលម្ហែកម្សាន្តប្រកបដោយផាសុកភាព និរន្តរភាព និងប្រណីតភាពនារដូវក្តៅនេះ៕
សម្រាប់ព័ត៌មានបន្ថែម និងការកក់ទុក សូមទំនាក់ទំនង៖
• អ៊ីមែល: reservations-krabey@sixsenses.com;
• ទូរស័ព្ទ: +855 69 944 888;
• អាសយដ្ឋាន៖ កោះក្របី ឃុំរាម ខេត្តព្រះសីហនុ 18000, PO Box 9553, ប្រទេសកម្ពុជា។
