ក្រៅពីដំណើរកម្សាន្ដវិលទៅកាន់អតីតកាលក្នុងតំបន់ប្រាង្គប្រាសាទអង្គរ ភ្ញៀវទេសចរអាចមានឱកាសបានឃើញនូវចង្វាក់ផលិតកម្មអំពីផលិតផលសម្លៀកបំពាក់ និងសម្ភារប្រើប្រាស់ពីសូត្របែបប្រពៃណី ចាប់ពីការចិញ្ចឹមដង្កូវនាង ស្រាវសំបុកនាងចេញជាសរសៃសូត្រ ជ្រលក់ពណ៌ ចងគៀត និងត្បាញដ៏ល្អវិចិត្រ។ កុំភ្លេចជួយទិញសមិទ្ធផលស្នាដៃកូនខ្មែរទ្រនាប់សម្រាប់ទុកជាវត្ថុអនុស្សាវរីយ៍។
កសិដ្ឋានសូត្រអង្គរ ស្ថិតក្នុងស្រុកពួក និងចំណាយពេលធ្វើដំណើរបាន ២០ នាទីពីក្រុងសៀមរាប បានក្លាយជាគោលដៅទេសចរណ៍ចម្បងមួយដែលទទួលស្វាគមន៍ភ្ញៀវទេសចរពី ៥០០ ទៅជាង ១០០០ នាក់ក្នុងមួយថ្ងៃ ចាប់ពីបើកទ្វារនៅម៉ោង ៨ ព្រឹកដល់ម៉ោង ៥ ល្ងាច។