ថ្ងៃពុធ ទី ២៨ ខែធ្នូ ឆ្នាំ ២០២២ ប្រធានាធិបតីកូរ៉េខាងត្បូង លោក យូន ស៊ុកយ៉ូល (Yoon SukYeol) បាននិយាយថា ការបង្កហេតុណាមួយរបស់កូរ៉េខាងជើង នឹងត្រូវទទួលរងការឆ្លើយតបត្រឡប់ទៅវិញដោយមិនស្ទាក់ស្ទើរឡើយ បើទោះបីជាកូរ៉េខាងជើងប្រើប្រាស់អាវុធនុយក្លេអ៊ែរក៏ដោយ។ នេះបើយោងតាមការិយាល័យរបស់លោកដែលបានលើកឡើងបន្ទាប់ពីមានការឈ្លានពានដោយយន្តហោះគ្មានមនុស្សបើករបស់កូរ៉េខាងជើងកាលពីប៉ុន្មានថ្ងៃមុន។