ចិននិងហុងកុង តភ្ជាប់ផ្លូវដែកល្បឿនលឿនឡើងវិញបន្ទាប់ពីខកខានដំណើរការ ៣ឆ្នាំដោយសារកូវីដ ១៩។ ការបើកដំណើរការឡើងវិញបានកើតឡើងចំពេលមានរលកនៃការឆ្លងដ៏ច្រើននៅទូទាំងប្រទេស និងមួយថ្ងៃ បន្ទាប់ពីអាជ្ញាធរចិន បាននិយាយថាមនុស្សជិត ៦០ ០០០ នាក់ ដែលមានជំងឺកូវីដ ១៩ បានស្លាប់នៅក្នុងមន្ទីរពេទ្យ បន្ទាប់ពីអាជ្ញាធរចិនបន្ធូរបន្ថយ គោលនយោបាយ កូវីដសូន្យរួចមក។ បើទោះបីជាមានរបាយការណ៍ពីករណីឆ្លងជំងឺច្រើនក៏ដោយ ក៏អ្នកដំណើរមួយចំនួនបានសម្តែងក្តីរំភើប ដោយសារបានត្រឡប់ទៅស្រុកកំណើត ក្នុងឱកាសចូលឆ្នាំចិន ខិតជិតមកដល់។