ក្រុងហុងកុងៈ ក្រុមសកម្មជនឯករាជ្យវ័យក្មេងដែលកំពុងអំពាវនាវឲ្យបំបែកខ្លួនទាំងស្រុងពីចិនដីគោក បានឈរឈ្មោះក្នុងការបោះឆ្នោតដ៏ធំជាលើកទីមួយ នៅហុងកុងពីថ្ងៃអាទិត្យ ក្នុងការបោះ ឆ្នោតដ៏ធំបំផុត ចាប់តាំងពីមាន ការជួបជុំគាំទ្រលទ្ធិប្រជាធិបតេយ្យឆ្នាំ ២០១៤។
ពួកគេកំពុងប្រយុទ្ធដើម្បីកៅអីជាច្រើននៅក្នុងក្រុមប្រឹក្សានីតិប្បញ្ញត្តិ ឬ LegCo ជាស្ថាប័នធ្វើច្បាប់ហុងកុង ខណៈក្តីកង្វល់កើន ឡើងថា ក្រុងប៉េកាំងកំពុងតែរឹតបន្តឹងការក្តោបក្តាប់របស់ខ្លួនលើក្រុងពាក់កណ្តាលស្វយ័តនេះលើវិស័យជាច្រើនចាប់ពីនយោបាយរហូតដល់ប្រព័ន្ធផ្សព្វផ្សាយ និង ការអប់រំ។
ការស្ទង់មតិបង្ហាញថា បេក្ខជន គាំទ្រឯករាជ្យខ្លះដែលឈរឈ្មោះ អាចឈ្នះ ការបោះឆ្នោតនេះ។ ស្ថានីយបោះឆ្នោតមានភាពមមាញឹកខណៈក្រុមសកម្មជនជា មួយទូរស័ព្ទធំៗ បានជំរុញឲ្យក្រុមអ្នកស្រុកបោះឆ្នោតនៅថ្ងៃដែលក្តៅ ហើយសើមនេះ។
ប៉ុន្តែ ជ័យជម្នះសម្រាប់ក្រុម សកម្មជនវ័យក្មេងទាំងនេះ អាចបែងចែកសំឡេងឆ្នោតរបស់ក្រុមប្រជាធិបតេយ្យ និងបញ្ចប់ការធ្លាក់ទៅក្នុងដៃនៃបណ្តាបក្សគាំទ្រក្រុងប៉េកាំង។
អ្នកនយោបាយគាំទ្រលទ្ធិប្រជាធិបតេយ្យភាគច្រើនបំផុតមិនគាំទ្រសញ្ញាណឯករាជ្យ ដែលរហូតមកដល់ពេលនេះ នៅតែជាការហាមប្រាមនោះទេ។
មានកង្វល់ដែលថាក្រុមប្រជាធិបតេយ្យជើងចាស់នេះ អាចបាត់បង់កៅអីទៅក្រុមអ្នកបោះឆ្នោតដែលពេលនេះ គាំទ្រក្រុមថ្មីដែលកាន់តែដាច់ខាតជាង។
បើសិនក្រុមអ្នកប្រជាធិបតេយ្យ បានបាត់បង់ត្រឹមតែ ៤ កៅអី ពួកគេនឹងបាត់បង់ប្លុកបោះឆ្នោត ១/៣ ដែលពួកគេត្រូវការដើម្បីវ៉េតូ សេចក្តីស្នើច្បាប់នានា។
ការភ័យខ្លាចដែលថាសេរីភាពនៅហុងកុងកំពុងបាត់បង់ ថ្មីៗនេះ ត្រូវបានគាំទ្រឡើងវិញ បន្ទាប់ពីអ្នកបោះពុម្ពសៀវភៅលក់របស់ក្រុង ៥ នាក់ ដែលល្បីដោយសារចំណងជើងបាតផ្សារអំពីក្រុមអ្នកនយោបាយក្រុងប៉េកាំង បានបាត់ខ្លួន ដោយលេចមុខឡើងវិញក្នុងការឃុំឃាំង ដោយបង្កឲ្យមានការ ថ្កោលទោសជាទូទៅ៕