កំពង់ឆ្នាំងៈ រថយន្តយោធាបើកទៅដឹកពលករមកពីថៃ បានបុកគ្នាជាមួយរថយន្តដឹកសណ្តែកបណ្តាលឲ្យកៀបអ្នកបើកបរម្នាក់ស្លាប់និងរបួសធ្ងន់ព្រូម្នាក់ ហើយនិងអ្នកបើកបររថយន្តយោធាម្នាក់នៅវេលាទៀបភ្លឺ ថ្ងៃសុក្រ សប្តាហ៍មុននៅក្នុង ស្រុកកំពង់ត្រឡាច ខេត្តកំពង់ឆ្នាំង។ លោក មាស សុភិន អធិការរង ស្រុកកំពង់ត្រឡាច ឲ្យដឹងថា ក្នុងគ្រោះថ្នាក់ចរាចរណ៍អ្នកបើករថយន្តស៊ីវិលស្លាប់ឈ្មោះ ថន សីហា អាយុ ២១ឆ្នាំ រស់នៅ សង្កាត់ផ្សារឆ្នាំង ក្រុង-ខេត្តកំពង់ឆ្នាំង និងព្រូឡានម្នាក់ ទៀតរបួសធ្ងន់ត្រូវបញ្ជូនទៅមន្ទីរពេទ្យ ស្រុកកំពង់ត្រឡាច។ ឯអ្នកបើករថយន្តយោធាឈ្មោះ ស៊ុំ រ៉ាត់ អាយុ ៤៥ឆ្នាំ រស់នៅ ភូមិ-សង្កាត់ឃ្មួញ ខណ្ឌសែនសុខ រាជធានីភ្នំពេញ របួសឆែបថ្ងាសផុងលលាដ៍ក្បាល ត្រូវបញ្ជូនមកសង្គ្រោះនៅរាជធានីភ្នំពេញ។ វេជ្ជបណ្ឌិត តែ វណ្ណា នៃមន្ទីរពេទ្យបង្អែក ស្រុកកំពង់ត្រឡាច បានឲ្យដឹងថា ជនរងគ្រោះបើករថយន្តយោធាត្រូវរបួសថ្ងាសធ្ងន់ហើយត្រូវបញ្ជូនបន្តមកមន្ទីរពេទ្យ ព្រះកេតុមាលា ទីក្រុងភ្នំពេញ នៅទៀបភ្លឺថ្ងៃដដែល។ តាមសាក្សីប្រាប់សមត្ថកិច្ចថា រថយន្តយោធាពាក់ស្លាកលេខ ខ.ម 083…
Author: គឹម សារុំ
លោក ប៉ាវ ស៊ីណា ប្រធានសម្ព័ន្ធសហជីពចលនាកម្មករខណៈដែលការទាមទារលើលក្ខខណ្ឌការងារ និងកម្រិតប្រាក់ឈ្នួលអប្បបរមាប្រចាំខែនៅតែបន្តតានតឹងនៅឡើយ លោកបានផ្តល់កិច្ចសម្ភាសដល់ ភ្នំពេញ ប៉ុស្តិ៍ ដោយលើកអំពីលក្ខខណ្ឌការងារ និងសិទ្ធិកម្មកររោងចក្រ ផ្អែកលើច្បាប់ការងារដែលមានខ្លឹមសារដូចខាងក្រោម៖ តើកម្មកររោងចក្រនៅកម្ពុជា ត្រូវបានធានាការពារដោយច្បាប់ការងារបានដល់កម្រិតណាដែរនាបច្ចុប្បន្ន? បើយើងពិនិត្យមើលការការពារដោយច្បាប់ មុនការទាមទារប្រាក់ឈ្នួល យើងឃើញថា វាមានលក្ខណៈល្អប្រសើរជាងស្ថានភាពក្រោយមានការទាមទារប្រាក់ឈ្នួល។ ដូចជាលក្ខខណ្ឌការងារនាពេលចុងក្រោយនេះហាក់ត្រូវរឹតត្បិតសិទ្ធិសេរីភាពតវ៉ារបស់កម្មករហាក់ដើរថយក្រោយ គួរឲ្យកត់សម្គាល់ទៅវិញ។ តើបណ្តាលមកពីកត្តាអ្វីខ្លះដែរ ដែលលោកហ៊ាននិយាយថា សិទ្ធិសេរីកម្មករហាក់ដើរថយក្រោយបែបនេះ? ទាក់ទងនឹងការដើរថយក្រោយ នៃការរឹតត្បិតសហជីពក៏ដូចជាការរឹតត្បិតការតវ៉ារបស់កម្មករដោយសន្តិវិធីនេះ គឺផ្តោតលើតែកត្តាម៉្យាងគត់គឺកត្តានយោបាយ។ ដោយបច្ចុប្បន្នគណបក្សនយោបាយទាំងពីរមិនទាន់ត្រូវរ៉ូវគ្នា នេះជាមូលហេតុធ្វើឲ្យរាំងស្ទះ ដូចជាការចរចាពីប្រាក់ឈ្នួលកម្មករជាដើម។ រីឯសិទ្ធិសេរីភាពកម្មករកាត់ដេរក៏ទទួលរងការរឹតត្បិតនិងការគំរាមកំហែងដែរក្រោយការបោះឆ្នោត។ បញ្ហាសហជីពមិនរងការគំរាមកំហែងធ្ងន់ធ្ងរទេពីមុនមក តែមកដល់ម៉ោងនេះបញ្ហាសិទ្ធិសេរីភាពរបស់កម្មករតាមរោងចក្របានដើរថយក្រោយវិញ។ សិទ្ធិរបស់កម្មកររោងចក្រត្រូវបានធានាដោយច្បាប់ការងារដែលក្រសួងការងារមានតួនាទីឃ្លាំមើលការអនុវត្តច្បាប់របស់និយោជកសហជីព។ ចុះហេតុអ្វីបានមានការចោទគ្នាថា មិនគោរពច្បាប់? យើងឃើញថា ច្បាប់ស្តីពីការងាររបស់ ប្រទេសកម្ពុជា បានតាក់តែងមកល្អឥតខ្ចោះ ប៉ុន្តែការអនុវត្តគ្មានប្រសិទ្ធភាពហើយនិយោជកភាគច្រើននៅ កម្ពុជា មិនបានអនុវត្តតាមប្រព័ន្ធច្បាប់កំណត់។ ករណីនេះទើបបណ្តាលឲ្យមានបាតុកម្ម កូដកម្ម នៅតាមរោងចក្រ ដោយសារក្រសួងការងារមិនបានប្រើឥទ្ធិពលខ្លួន ឬដាក់សម្ពាធលើអ្នកវិនិយោគមិនគោរពច្បាប់ទេ។ តែបែរជាមករឹតត្បិតលើកម្មកររងគ្រោះទៅវិញ។ អ៊ីចឹងយើងឃើញថា «ច្បាប់មានតែការអនុវត្តវាគ្មាន»។ បើក្រសួងការងារគ្មានឥទ្ធិពលគ្រប់គ្រងលើនិយោជកតើអាចថា…
ភ្នំពេញៈ សាលាឧទ្ធរណ៍កាលពីម្សិលមិញបានប្រកាសសាលដីកាតម្កល់ទោសស្រ្តីជាប់ចោទពីរនាក់ ដាក់ពន្ធនាគារម្នាក់ៗ ២ ឆ្នាំដដែលតាមសាលក្រមរបស់តុលាការថ្នាក់ក្រោម ពីបទនាំមនុស្សទៅ ម៉ាឡេស៊ី ខុសច្បាប់បន្ទាប់ពីពួកគេប្តឹងទាស់ហើយត្រូវសាលាឧទ្ធរណ៍ជំនុំជម្រះកាលពីថ្ងៃ ទី២៨ ខែឧសភា។ លោក ប៉ាក ច័ន្ទសំបូរ ប្រធានក្រុមប្រឹក្សាជំនុំជម្រះប្រកាសថា ស្រី្តជាប់ចោទ ប៉ាវ សម្ផស្ស អាយុ ២៥ឆ្នាំ និង ប៉ាវ សុខឿន (កំពុងធ្វើការនៅ ម៉ាឡេស៊ី) ដែលតុលាការ ខេត្តស្វាយរៀង ចោទប្រកាន់ពីបទនាំមនុស្សឆ្លងដែនមិនស្របច្បាប់ និងសម្រេចផ្តន្ទាទោសដាក់ពន្ធនាគារ ៥ឆ្នាំ តែឃុំខ្លួន ២ឆ្នាំ និងព្យួរទោសនៅសល់នោះ ត្រូវសាលាឧទ្ធរណ៍ពិចារណាសម្រេចតម្កល់ទោសជាប់ឃុំ ២ឆ្នាំ ម្នាក់ទុកដដែល។ លោកថ្លែងថា សាលាដំបូង ខេត្តស្វាយរៀង បានសម្រេចផ្ទន្ទាទោសជនជាប់ចោទ ប៉ាវ សម្ផស្ស (ចំពោះមុខ) និង ប៉ាវ សុខឿន (កំបាំងមុខ) គឺក្រោមអប្បរមានៃទោសតាមបញ្ញតិ្តក្នុងក្រមនីតិវិធីព្រហ្មទណ្ឌ។ ប៉ាវ សម្ផស្ស និង…
មណ្ឌលគិរីៈ ជនសង្ស័យ ៥នាក់ ដែលបើករថយន្តដេញបុកសម្លាប់មន្រ្តីកងរាជអាវុធហត្ថ ខេត្តមណ្ឌលគិរី ២ នាក់ត្រូវតុលាការដាក់ឃុំនៅពន្ធនាគារខេត្តកាលពីរសៀលម្សិលមិញបន្ទាប់ពីចៅក្រមស៊ើបសួរចោទប្រកាន់ពីបទឃាតកម្ម។ លោក សោ វុទ្ធី ព្រះរាជអាជ្ញារងអមសាលាដំបូង ខេត្តមណ្ឌលគិរី ឲ្យដឹងថា ជនសង្ស័យ ៥នាក់ ពាក់ព័ន្ធការបើកឡានបុកមន្រ្តីអាវុធហត្ថស្លាប់ពីរនាក់ត្រូវចៅក្រមចោទប្រកាន់ និងបញ្ជូនទៅឃុំខ្លួននៅពន្ធនាគារពីបទឃាតកម្មពីរសៀលម្សិលមិញ។ មេបញ្ជាការកងរាជអាវុធហត្ថ ខេត្តមណ្ឌលគិរី លោក សាក់ សារ៉ាង ប្រាប់ថា ជនសង្ស័យមានឈ្មោះ ស្រៀង បញ្ញា, អឿន សំអូន, ឃឹម សំណាង, ភាព ប្រុស និង លី ថូរ។ ពួកគេបានបើករថយន្តឡិចស៊ីស បុកសម្លាប់ជនរងគ្រោះជាមន្ត្រីកងរាជអាវុធហត្ថឈ្មោះ ជាវ សំណាង អាយុ ២២ឆ្នាំ និង អោក សុភ័ក្ត្រា អាយុ ២៦ឆ្នាំ បន្ទាប់ពីមានជម្លោះគ្នាកើតឡើង កាលពីថ្ងៃ ទី៨ មិថុនា។…
ភ្នំពេញៈ សាលាឧទ្ធរណ៍កាលពីម្សិលមិញបានជំនុំជម្រះបណ្តឹងទាស់ករណីផ្តល់ទីកន្លែងប្រើប្រាស់និងបទប្រើប្រាស់គ្រឿងញៀនបន្ទាប់ពីសាលាដំបូង ខេត្តសៀមរាប បានផ្តន្ទាទោសដាក់ពន្ធនាគារ ២ឆ្នាំ ចោទពីបទដោយប្រកាសសាលដីកានៅថ្ងៃ ទី២៧ ខែមិថុនា ខាងមុខ។ លោកស្រី ចាន់ ម៉ាឌីណា ប្រធានក្រុមប្រឹក្សាសភាស៊ើបសួរសាលាឧទ្ធរណ៍បានថ្លែងអង្គហេតុថា ជនជាប់ចោទ លី សេងលាប ហៅ ឌី អាយុ ២៥ឆ្នាំ ត្រូវនគរបាលប្រឆាំងគ្រឿងញៀន ខេត្តសៀមរាប ឃាត់ខ្លួនពាក់ព័ន្ធផ្តល់ទីកន្លែងនិងប្រើប្រាស់គ្រឿងញៀនកាលពីថ្ងៃ ទី១២ ខែមេសា ឆ្នាំ២០១៣ នៅ ភូមិដកពោ សង្កាត់ស្លក្រាម ក្រុង-ខេត្តសៀមរាប។ លុះថ្ងៃ ទី១០ ខែតុលា ឆ្នាំ២០១៣ ត្រូវសាលាដំបូង ខេត្តសៀមរាប ប្រកាសសាលក្រមផ្តន្ទាទោស ២ឆ្នាំ ចោទពីបទជួយសម្រួលទីកន្លែងនិងប្រើប្រាស់គ្រឿងញៀន។ ក្នុងសវនាការជនជាប់ចោទ លី សៀងលាប និយាយថា រូបគេពិតជាបានប្រើប្រាស់គ្រឿងញៀនមែននិងទើបតែបាន ២ ដងទេក៏ត្រូវសមត្ថកិច្ចចាប់ខ្លួនទៅតែមិនបានផ្តល់ទីកន្លែងទេ។ ជនជាប់ចោទបន្តថា រូបគេត្រូវមិត្តភក្តិបបួលចូលលុយគ្នាទិញហើយយកទៅជក់ទាំងអស់គ្នាក្នុងបន្ទប់ជួលមួយដែលជាបន្ទប់ជួលរបស់ស្រីស្នេហ៍មិត្តភក្តិ។ ជនជាប់ចោទថា ការប្តឹងទាស់មកសាលាឧទ្ធរណ៍ដោយសារសាលាដំបូង…
ភ្នំពេញៈ សាលាកំពូលបានប្រកាសតម្កល់ទោសជនជាប់ចោទពីបទរំលោភកូនចុងម្នាក់នៅខេត្តបាត់ដំបងដែលតុលាការដំបូងខេត្តសម្រេចដាក់ទោស ១០ ឆ្នាំទុកជាបានការដដែលបន្ទាប់ពីជនជាប់ចោទប្តឹងសារទុក្ខ មកសាលាកំពូល។ លោក ទីណេង ចៅក្រមរបាយការណ៍បានថ្លែងពេលប្រកាសសាលដីកាថា ក្រោយពីបានជំនុំជម្រះសួរដេញដោលកាលពីថ្ងៃទី៤ ខែមិថុនា និងពិនិត្យលើរបាយការណ៍ជនជាប់ចោទឈ្មោះ រស់ សារ៉ាវុទ្ធី អាយុ ៤៥ឆ្នាំ មក តុលាការសាលាកំពូលយល់ឃើញថា ការវិនិច្ឆ័យទោសរបស់សាលាដំបូងខេត្តបាត់ដំបងនិងនៅសភាស៊ើបសួរសាលាឧទ្ធរណ៍គឺត្រឹមត្រូវតាមគតិច្បាប់ ព្រោះថា ចម្លើយរបស់ជនជាប់ចោទនិងរបាយការណ៍របស់នគរបាលយុត្តិធម៌គឺប្រហាក់ប្រហែលគ្នាដែលទោសបញ្ញាតក្នុងមាត្រា ១១០-១១៨ នៃក្រមនីតិវិធីព្រហ្មទណ្ឌនៅមានតម្លៃគតិយុត្តដដែលហើយនៅមានអនុភាពសម្រាប់ជនជាប់ចោទ។ ដូច្នេះការសម្រេចរបស់សាលាឧទ្ធរណ៍រក្សាទោសជនជាប់ចោទគឺមានលក្ខណៈត្រឹមត្រូវហើយតុលាការកំពូលសម្រេចតម្កលទោសជនជាប់ចោទទុកជាបានការដដែល។ លោកចៅក្រម ទី ណេង បន្តថា ជនជាប់ចោទ រស់ សារ៉ាវុទ្ធី អាយុ ៤៥ ឆ្នាំមានលំនៅភូមិបាណន់ឃុំកន្ទឺ ២ ស្រុក បាណន់ ខេត្ត បាត់ដំបង បានចាប់រំលោភកូនចុងនាង រ.ក កាលពីនាងមានអាយុ ១៥ឆ្នាំ។ កាលពីជំនុំជម្រះជនជាប់ចោទបានឆ្លើយក្នុងសវនាការថា កូនស្រីចុងត្រូវបានគាត់ចាប់រំលោភសេពសន្ថវៈតាំងពីនាងអាយុ ១៥ ឆ្នាំចាប់ពីអំឡុងឆ្នាំ ១៩៩៧ ដល់ឆ្នាំ ២០០៧ រហូតបានសម្រេចជាង…
ភ្នំពេញៈ តុលាការកំពូល បានបើកជំនុំជម្រះបណ្តឹងសារទុក្ខរបស់ស្ត្រីខ្មែរកម្ពុជាក្រោមដែលតុលាការថ្នាក់ក្រោមចោទប្រកាន់ពីបទសញ្ចារកម្ម ហើយផ្តន្ទាទោសដាក់ពន្ធនាគារ ៦ឆ្នាំ ប៉ុន្តែបានលើកការប្រកាសសាលដីកាទៅដល់ថ្ងៃទី ២០ ខែមិថុនា។ លោក ប្រាក់ គឹមសាន ចៅក្រមរបាយការណ៍ បានបង្ហាញអង្គហេតុថា ស្ត្រីជាប់ចោទឈ្មោះ ថាច់ស៊ីឡែ ហៅយាយហាយ អាយុ ៤៣ឆ្នាំ បានបើកម៉ាស្សាកោសជប់នៅផ្ឬះគ្មានលេខផ្លូវ២៧១សង្កាត់បឹងសាឡាង ខណ្ឌទួលគោកដោយមាននារី ២នាក់បំរើការម៉ាស្សា ។ លោកថ្លែងថា ស្ត្រីជាប់ចោទត្រូវនគរបាលការិយាល័យប្រឆាំងការជួញដូរមនុស្សចាប់ខ្លួននៅថ្ងៃទី ២៤ ខែកុម្ភៈ ឆ្នាំ២០១១ ហើយបន្ទាប់មកនៅថ្ងៃទី២២ វិច្ឆិការឆ្នាំ ២០១១ ត្រូវសាលាដំបូងរាជធានីបើកសវនាការផ្តន្ទាទោសដាក់គុក ៦ឆ្នាំហើយអំឡុងឆ្នាំ ២០១២ ត្រូវជនជាប់ចោទប្តឹងទាស់មកសាលាឧទ្ធរណ៍តែត្រូវសាលាឧទ្ធរណ៍តម្កល់ទោសនៅដដែល។ លោក ជាចេងមេធាវីការពារសិទ្ធិឲ្យស្ត្រីជាប់ចោទបានប្រាប់ក្រុមប្រឹក្សាជំនុំជម្រះថាកូនក្តីលោកជួលបន្ទប់តូចមួយនិងមាននារីម៉ាស្សាតែ២នាក់គត់ដើម្បីបើកកន្លែងម៉ាស្សាកោសជប់គ្មានរកស៊ីផ្លូវភេទទេ។ឯពេលនគរបាលឆ្មក់ចូលចាប់គាត់ក៏គ្មានឃើញភស្តុតាងអ្វីដែលត្រូវរឹបអូសដែរគឺមានតែស្រោមអនាម័យ២ប៉ុណ្ណោះហើយស្រោមនេះនគរបាលជាអ្នកដាក់ខណៈសម្រុកចូលបន្ទប់ឆែកឆេរ ។ លោកបន្តថា ស្ត្រីអ្នកបំរើម៉ាស្សានៅជាមួយកូនក្តីលោកជាដើមហេតុប្តឹងឲ្យសមត្ថកិច្ចឲ្យចាប់កូនក្តីលោកព្រោះអ្នកទាំង ២នាក់នោះខឹងកូនក្តីលោកទារលុយជំពាក់ ។ លោកថា ៖ « ចំលើយកូនក្តីខ្ញុំនៅប៉ូលិសជាចំលើយបង្ខំ ។ គេប្រាប់គាត់ថា ទឹកតែធម្មតាមិនផឹកផឹកចង់ផឹកស្រាពិន័យឬយ៉ាងម៉េច? ។ ដូច្នេះចំលើយបង្ចំនេះតាមច្បាប់មិនអាចយកជាការបានទេ…
កណ្តាលៈ បុរសម្នាក់បានស្លាប់ពេលបញ្ជូនដល់មន្ទីរពេទ្យ រីឯមនុស្ស ៧ នាក់ទៀត ត្រូវបានសង្គ្រោះផុតពីស្លាប់បន្ទាប់ពីពួកគេហូបត្រីក្រពត ពុលកាលពីថ្ងៃអង្គារនៅក្នុង ភូមិតាកែវ ២ ឃុំវិហារសួគ៌ ស្រុកខ្សាច់កណ្តាល ខេត្តកណ្តាល។ លោក អ៊ុន យ៉ុង អធិការរងនគរបាល ស្រុកខ្សាច់កណ្តាល បានឲ្យដឹងថា ជនរងគ្រោះដែលស្លាប់មានឈ្មោះ រឿន ធឿន អាយុ ៤៨ឆ្នាំ ជាអ្នក ភូមិតាកែវ ២ ឃុំវិហារសួគ៌ ក្រៅពីនោះ ៧ នាក់ទៀតត្រូវបានសង្គ្រោះក្នុងនោះមានភាពធ្ងន់ធ្ងរម្នាក់ ឈ្មោះ តូច ឌឹម ភេទប្រុស អាយុ ៤៥ឆ្នាំ។ លោកថា អ្នកពុលត្រីក្រពតមានសភាពស្រាល ៦នាក់ ត្រូវបានបញ្ជូនទៅមណ្ឌលសុខភាព ឃុំវិហារសួគ៌។ លោកប្រាប់ថា៖ «ត្រីក្រពតហូបក្លែមស្រាពុលលឿនខ្លាំងណាស់។ ជនរងគ្រោះក្អួត ថប់ដង្ហើមទន់ដៃទន់ជើង ដែលក្រោយពិនិត្យខាងគ្រូពេទ្យបានប្រាប់ថា ពួកគេពុលត្រីក្រពត។ តែយ៉ាងណាសមត្ថកិច្ចមិនមានសំណាកសេសសល់ ដើម្បីយកមកពិសោធមើលទេ ដោយសារតែពួកគេហូបអស់គ្មានសេសសល់»។…
ភ្នំពេញៈ សាលាឧទ្ធរណ៍កាលពីម្សិលមិញបានប្រកាសចាត់របៀបឲ្យជម្រះឡើងវិញសំណុំរឿងឃាតកម្មពាក់ព័ន្ធជនជាប់ចោទ ៧ នាក់បន្ទាប់ពីបានធ្វើការជំនុំជម្រះកាលពីថ្ងៃ ទី២៧ ឧសភា ដោយសារចំណុចមួយចំនួនក្នុងអង្គហេតុគ្មានឯកសារ និងភ័ស្តុតាងដាក់បន្ទុកជនជាប់ចោទខណៈ ៦ នាក់ទៀតកំពុងគេចខ្លួន។ លោក ឃុន លាងម៉េង ប្រធានក្រុមប្រឹក្សាជំនុំជម្រះបានថ្លែងឲ្យដឹងថា សំណុំរឿងឃាតកម្មរបស់ជនជាប់ចោទ ៧ នាក់ដែលមេធាវីពួកគេបានប្តឹងទាស់មកសាលាឧទ្ធរណ៍គឺត្រឹមត្រូវតាមទម្រង់ច្បាប់ប៉ុន្តែក្រោយពិនិត្យពិចារណាក្រុមប្រឹក្សាយល់ឃើញថា នៅមានចំណុចខ្លះក្នុងអង្គហេតុមានវិមតិសង្ស័យ។ លោកថ្លែងបន្តថា៖ «សំណុំរឿងនេះត្រូវកោះហៅសាក្សីពាក់ព័ន្ធមកសាកសួរមានទាំងមន្រ្តីនគរបាលផង»។ តាមអង្គហេតុឈ្មោះ នាន់ ផា ភេទប្រុស អាយុ ២៩ឆ្នាំ, ទឹម សោភ័ណ្ឌ, មាន សំណាង, ភិន តុ, ណាក់ វិចិត្រ និងអត់ឈ្មោះ ២ នាក់ទៀតបានផឹកស៊ីនៅឃ្លាំងសំណង់មួយ។ យប់នោះមានផ្ទុះអាវុធ នៅ ភូមិត្រពាំងថ្លុង សង្កាត់សំរោងក្រោម ខណ្ឌដង្កោ និងមានស្លាប់មនុស្សម្នាក់។ ថ្ងៃ ទី១១ មីនា ឆ្នាំ២០១០ នាន់ ផា ក៏ត្រូវសមត្ថកិច្ចចាប់ខ្លួន…
ភ្នំពេញៈ ក្រសួងមហាផ្ទៃ កាលពីព្រឹកថ្ងៃចន្ទបានធ្វើសន្និសីទកាសែតបង្ហាញចោរលួចរថយន្តម្នាក់ និងប្រគល់រថយន្ត ៥ គ្រឿងឲ្យទៅម្ចាស់វិញ បន្ទាប់ពីសមត្ថកិច្ចស្រាវជ្រាវចាប់ខ្លួនបានកាលពីថ្ងៃ ទី៦ មិថុនា។ លោក ហម គន្ធី ប្រធានការិយាល័យស៊ើបការណ៍ នៃនាយកដ្ឋានព្រហ្មទណ្ឌ ក្រសួងមហាផ្ទៃបានឲ្យដឹងថា ក្រសួងមហាផ្ទៃ កាលពីព្រឹកថ្ងៃចន្ទបានធ្វើសន្និសីទបង្ហាញមុខចោរលួចរថយន្តម្នាក់ ហើយបានប្រគល់រថយន្តម៉ាកសាំយ៉ុង ៤ គ្រឿង និង ស៊ីអវី មួយគ្រឿងទៅឲ្យម្ចាស់វិញ។ លោកប្រាប់ថា រថយន្ត ៤ គ្រឿងមានម្ចាស់មកបង្ហាញលិខិតស្នាមត្រឹមត្រូវ ចំណែករថយន្តម៉ាក ស៊ីអវី យើងមិនទាន់ប្រគល់ឲ្យទេ ដោយតម្រូវឲ្យម្ចាស់ទៅធ្វើលិខិតបញ្ជាក់ពីអយ្យការមកសិន។ លោក គន្ធី ថ្លែងថា៖ «ការិយាល័យខ្ញុំ ទទួលពាក្យបណ្តឹងបាត់រថយន្តតែ ២ ករណីទេ យើងស្រាវជ្រាវតាមបណ្តឹង ក៏រកឃើញរថយន្តទាំងនេះ»។ លោករំឭកថា ជនល្មើសមាន ឈ្មោះ កែវ ពិសិដ្ឋ ហៅ តុប អាយុ ២៨ឆ្នាំ ត្រូវសមត្ថកិច្ចដេញចាប់បាននៅម្តុំស្តុប…